अकोला : अकोला तालुक्यातील नेर धामणा येथील शेतकऱ्याने भूसंपादन मोबदल्यावरून असमाधान व्यक्त करत जिल्हाधिकारी कार्यालयासमोर आत्मदहनाचा प्रयत्न केल्याची घटना सोमवारी घडली. या वेळी उपस्थित पोलिसांनी तत्काळ हस्तक्षेप करून संबंधित शेतकऱ्याला ताब्यात घेतले आणि पुढील अनर्थ टाळला.
नेर धामणा बॅरेज प्रकल्पासाठी अकोला पाटबंधारे विभागामार्फत ८० आर शेतजमीन भूसंपादित करण्यात आली आहे. या जमिनीचा मोबदला शासनाने २० लाख ६२ हजार रुपये निश्चित केला असल्याचे निवेदनात नमूद आहे. मात्र सद्यस्थितीतील बाजारभावानुसार या जमिनीची किंमत सुमारे ४१ लाख २४ हजार रुपये असल्याचा दावा संबंधित शेतकऱ्याचा आहे. त्यामुळे शासनाकडून मिळणारा मोबदला अन्यायकारक असल्याचे त्याचे म्हणणे आहे.
या संदर्भात शेतकऱ्याने वारंवार पत्रव्यवहार करून तसेच अधिकाऱ्यांसोबत बैठका घेऊन न्याय मिळवण्याचा प्रयत्न केला. स्थानिक लोकप्रतिनिधींसोबतही चर्चा करण्यात आल्या, मात्र त्यातून समाधानकारक तोडगा निघाला नाही, असेही निवेदनात स्पष्ट करण्यात आले आहे.
Related News
विजेच्या ताराला स्पर्श झाल्याने वीज कामगाराचा मृत्यू, हातोला येथील घटना
उल्हासनगर Shock: विवाह फसवणूक प्रकरणात 7 आरोपींवर कारवाई – खोट्या ओळखीपासून बिहार छळापर्यंतचा भयंकर प्रकार
खामगाव रेल्वे धक्क्यावर निकृष्ट गहू वाहतुकीचा आरोप; संयुक्त तपासणीची मागणी
तीन सख्ख्या भावंडांसह राज्यात 6 जणांचा दुर्दैवी बुडून मृत्यू; अमरावती, नाशिक आणि अहिल्यानगर हादरले
मुंबईकरांना 5 मोठे महागाईचे धक्के! पेट्रोल, दूधानंतर आता पाव- ब्रेडही महाग
अखेर संतप्त झालेल्या शेतकऱ्याने जिल्हाधिकारी कार्यालयासमोर आत्मदहनाचा प्रयत्न केला. मात्र पोलिसांनी वेळीच हस्तक्षेप करत त्याला ताब्यात घेतले. या घटनेमुळे परिसरात काही काळ तणावाचे वातावरण निर्माण झाले होते. पुढील तपास प्रशासनाकडून सुरू आहे.
