केंद्रीय अर्थसंकल्प 2026-2027 मध्ये अर्थमंत्री निर्मला सीतारामन यांनी ‘आत्मनिर्भर भारत’ला चालना देण्यासाठी अनेक घोषणा केल्या आहेत. यामुळे अर्थव्यवस्थेला बळ मिळण्यासोबतच ग्राहक आणि सामान्य करदात्यांना दिलासा मिळण्याची अपेक्षा आहे. या अर्थसंकल्पातील एक महत्त्वाचा मुद्दा म्हणजे काही वस्तूंवरील कर सवलतींमुळे त्या स्वस्त होणार आहेत, तर काही आयात वस्तूंवरील सूट रद्द किंवा शुल्क वाढवल्यामुळे त्या महाग होणार आहेत.
सरकारने अत्यावश्यक औषधे, इलेक्ट्रिक वाहने (EV), आणि लेदर उत्पादनांसह अनेक वस्तूंवरील टॅरिफ आणि कस्टम ड्युटी कमी केली आहे. दुसरीकडे, लक्झरी वस्तू जसे की महागडी घड्याळे आणि मद्य यांवर अधिक कर लावण्यात येणार असल्याने त्या महागणार आहेत.
स्वस्त होणाऱ्या वस्तूंची यादी
अर्थसंकल्प 2026-2027 मध्ये विमानांचे सुटे भाग, मायक्रोवेव्हचे घटक, अत्यावश्यक औषधे आणि काही आयात वस्तूंवरील कस्टम ड्युटी कमी करण्यात आली आहे, त्यामुळे या वस्तू स्वस्त होणार आहेत.
Related News
जग आर्थिक संकटात, भारताची अर्थव्यवस्था सुसाट; Moody’s ने GDP अंदाज 7% केला
रात्री मोबाईल उशाजवळ ठेवून झोपता? कॅन्सरबाबतचा दावा किती खरा? जाणून घ्या सत्य
क्रूड ऑईलने 100 डॉलरचा टप्पा ओलांडला; भारताच्या अर्थव्यवस्थेवर संकटाचे ढग!
एकटेपणा म्हणजे फक्त मनाची अवस्था नाही! शरीरावरही होतो गंभीर परिणाम
भारताची परकीय गंगाजळी ऑल टाइम हाय! 740.803 अब्ज डॉलरवर विक्रमी झेप
7.8% GDP वरून देशात घमासान! पंतप्रधान मोदींचं पुन्हा मोठं भाष्य
GDP च्या 7.8% वाढीवरून काँग्रेस-भाजप आमनेसामने; सरकारने दिलं प्रत्येक प्रश्नाचं उत्तर!
GDP च्या नव्या आकडेवारीत मोठे बदल; उत्पादन क्षेत्राची वास्तविक वाढ 9.2%
आता 10 आणि 20 पयांच्या नोटांमध्ये होणार मोठा बदल; RBI चा प्लास्टिक नोटांबाबत मोठा निर्णय!
2030 पर्यंत पेट्रोल-डिझेलची 50% गरज शेतकरी, तर 50% EVमधून पूर्ण होणार; फडणवीसांचा मोठा दावा
तुकाराम मुंढेंचा मोठा दणका! टॉयलेटजवळ भाजी, काळे पडलेले पनीर; हॉटेलवर थेट कारवाई
100 टक्के टॅरिफ लावणे अमेरिकेसाठीच आत्मघाती! ट्रम्प यांच्या निर्णयाला अमेरिकेतूनच विरोध
कमी करण्यात आलेल्या शुल्कामुळे मायक्रोवेव्ह ओव्हन, EV बॅटरी, सोलर पॅनेल आणि विमानांचे सुटे भाग स्वस्त होतील.
मधुमेह आणि कर्करोग रुग्णांसाठी वापरल्या जाणाऱ्या औषधांसह एकूण 17 औषधेही स्वस्त होणार आहेत.
तसेच भारतात तयार होणारे स्मार्टफोन आणि टॅबलेट्स यांच्या किंमतीही कमी होण्याची शक्यता आहे. वैयक्तिक वापरासाठी आयात होणाऱ्या काही वस्तूंवरही शुल्क कमी केल्यामुळे त्यांच्या किंमती घटू शकतात.
सीतारामन यांनी लेदर निर्यात वाढवण्यासाठी काही विशिष्ट कच्च्या मालाच्या शुल्कमुक्त आयातीचा प्रस्तावही मांडला आहे. अमेरिकेने लावलेल्या 50% टॅरिफमुळे अडचणीत सापडलेल्या लेदर निर्यातदारांना यामुळे दिलासा मिळणार आहे.
महाग होणाऱ्या वस्तू
लक्झरी घड्याळे आणि आयातित मद्य या वस्तू महाग होणार आहेत. तसेच सिगारेट, बीडी, पान मसाला आणि गुटखा यांसारख्या ‘सिन गुड्स’वरही कर वाढणार असल्याने त्यांची किंमत वाढेल.
कॉफी रोस्टिंग, ब्रूइंग आणि व्हेंडिंग मशीनवरील कर सवलत सरकारने रद्द केली आहे, त्यामुळे ही उपकरणेही महाग होण्याची शक्यता आहे.
काही खतांवरही परिणाम होणार असून अमोनियम फॉस्फेट किंवा अमोनियम नायट्रो-फॉस्फेटच्या आयातीवरील शुल्क सवलत रद्द करण्यात आली आहे. ही रसायने खत आणि मिश्र खतांच्या निर्मितीत वापरली जातात, त्यामुळे खतांच्या किंमती वाढू शकतात.
आयातित टेलिव्हिजन उपकरणे, कॅमेरे आणि चित्रपट निर्मितीसाठी लागणारी उपकरणेही महाग होण्याची शक्यता आहे. तसेच परदेशातून आयात होणारी फोटोग्राफी, फिल्मिंग आणि साउंड रेकॉर्डिंग उपकरणेही महाग होऊ शकतात.
