मुंबई : कुस्ती विश्वातील दिग्गज अंडरटेकरबाबत एक मोठी बातमी समोर येत आहे. चर्चा आहे की, तो ‘बिग बॉस १९’ मध्ये विशेष पाहुणा म्हणून सहभागी होऊ शकतो.
डब्ल्यूडब्ल्यूईचा हा दिग्गज खेळाडू ‘बिग बॉस १९’ मध्ये वाइल्डकार्ड एण्ट्री घेऊन एक आठवड्यासाठी घरात राहू शकतो.
सलमान खानच्या रिअॅलिटी शो ‘बिग बॉस १९’च्या प्रीमियरपूर्वीच अनेक चकित करणाऱ्या गोष्टी समोर येत आहेत.
मीडियाच्या अहवालानुसार, अंडरटेकर नोव्हेंबरमध्ये वाइल्डकार्ड स्पर्धक म्हणून शोमध्ये दिसू शकतो आणि ७ ते १० दिवस घरात राहू शकतो.
जर ही बातमी खरी ठरली, तर हा बिग बॉसच्या इतिहासातील सर्वात मोठा क्षण ठरेल.
अंडरटेकरने २०२० मध्ये प्रोफेशनल कुस्तीमधून निवृत्ती घेतली असली, तरी आजही तो प्रचंड लोकप्रिय आहे.
त्याच्या लोकप्रियतेचा आणि प्रतिष्ठेचा विचार करता, तो बिग बॉसच्या इतिहासातील सर्वात महागडा स्पर्धक ठरू शकतो.
यापूर्वी ग्रेट खली सीझन ४ मध्ये सहभागी झाला होता आणि त्याला आठवड्याला ५० लाख रुपये मानधन मिळत होते. अशी अपेक्षा आहे की अंडरटेकर त्यापेक्षाही जास्त मानधन घेईल.
२४ ऑगस्टपासून सुरू होणार ‘बिग बॉस १९’
या सीझनची थीम ‘घरवालों की सरकार’ असणार आहे. शोची सुरुवात १५ स्पर्धकांसोबत होईल आणि नंतर ३ जणांची वाइल्डकार्ड एण्ट्री होणार आहे.
त्यामुळे एकूण १८ स्पर्धक शोमध्ये असतील.हा सीझन २४ ऑगस्टपासून जिओ हॉटस्टारवर रात्री ९ वाजता प्रेक्षकांच्या भेटीला येईल,
तर कलर्स टीव्हीवर रात्री १०.३० वाजता प्रसारित होईल.बिग बॉसच्या घरात सहभागी होणाऱ्या संभाव्य स्पर्धकांच्या यादीत गौरव खन्ना, अश्नूर कौर, बसीर अली, अभिषेक बजाज,
सिवेत तोमर, अवेज दरबार आणि नगमा मिराजकर यांची नावे चर्चेत आहेत. मात्र, याबाबत अद्याप अधिकृत घोषणा झालेली नाही.
Read also : https://ajinkyabharat.com/muthi-baatmi-sharad-pawar-get-khasar-amar-kale-yanchi-pm-modi/
