13 वर्षांचा संसार, दोन प्रियकर आणि एक खून; मुलाच्या पुस्तकामुळे उघड झालं संपूर्ण रहस्य
मध्यप्रदेशातील नरसिंहपूर आणि रायसेन जिल्ह्यात उघडकीस आलेल्या एका धक्कादायक हत्याकांडाने संपूर्ण देश हादरला आहे. सोशल मीडियावर ग्लॅमरस रील्स बनवणारी आणि लक्झरी लाइफ दाखवणारी रीना किरार आता एका खुनाच्या प्रकरणामुळे चर्चेत आली आहे. प्रेमसंबंध, फसवणूक, सोशल मीडियातून वाढलेली जवळीक आणि शेवटी थरारक हत्या अशा अनेक धक्कादायक वळणांनी भरलेल्या या प्रकरणाने पोलिसांनाही हादरवून सोडलं.
वयाच्या 16 व्या वर्षी लग्न, पण मन मात्र दुसरीकडेच
रीना किरारचा जन्म मध्यप्रदेशातील नरसिंहपूर जिल्ह्यातील साईंखेडा गावात झाला. तिचं बालपण अत्यंत कठीण परिस्थितीत गेलं. जन्माआधीच वडिलांचं निधन झालं, तर काही महिन्यांत आईनेही साथ सोडली. मावशीने तिला वाढवलं. लहानपणापासूनच मोठी स्वप्न पाहणारी रीना गावातील अरुण पटेलच्या प्रेमात पडली होती.
मात्र गावात बदनामी होऊ नये म्हणून नातेवाईकांनी केवळ 16 व्या वर्षीच तिचं लग्न लावून दिलं. लग्नानंतर रीना संसारात रमली नाही. तिला एक मुलगाही झाला, पण तिचं मन पतीकडे कधीच झुकलं नाही. काही वर्षांनी ती पुन्हा तिच्या जुन्या प्रियकर अरुण पटेलच्या संपर्कात आली.
Related News
Sergey Lavrov : ‘…नाहीतर सुरक्षा रक्षक बंदूक काढतील!’ दिल्लीतील पत्रकार परिषदेत रशियाच्या मंत्र्यांचा संताप; व्हिडिओ व्हायरल
NEET Scam 2026 : 9 आरोपी CBIच्या रडारवर, पुण्यातील महिला प्राध्यापकाचा मोठा खुलासा
अकोल्यात थरारक हत्या! धारदार शस्त्राने तरुणाचा खून, शहरात भीतीचं वातावरण
धनंजय मुंडेंची भावनिक खदखद! “मला लाथा मारून हाकलण्याचा प्रयत्न झाला”
Kalyan Crime News : 12 चोरीचे गुन्हे, मुलांना दिलं चोरीचं प्रशिक्षण; कल्याणमध्ये धक्कादायक टोळीचा पर्दाफाश
NEET Paper Leak 2026 Shock: लाखो रुपये खर्चून पेपर विकत घेतला, तरी मुलाला फक्त 107 मार्क; धक्कादायक खुलासा
सकाळी 8.15 वाजता गर्ल्स हॉस्टेलबाहेर संशयास्पद बॉक्स; पिंपरी चिंचवड हादरलं
जान्हवी किल्लेकरचा ट्रोलर्सना सडेतोड जवाब! नवऱ्यासोबत फोटो शेअर न करण्यामागचं ‘धक्कादायक’ कारण
पुण्यात भीतीचं वातावरण! गर्ल्स हॉस्टेलसमोर संशयास्पद बॉक्स; पोलिसांच्या तपासात मोठा खुलासा
अरुणने बदललं रीनाचं आयुष्य
अरुण पटेल आर्थिकदृष्ट्या सक्षम होता. त्याने रीनावर पैशांचा वर्षाव केला. हळूहळू रीनाचं आयुष्य बदलू लागलं. सोशल मीडियावर महागड्या वस्तू, फिरणं, लक्झरी लाइफ आणि ग्लॅमरस रील्समुळे तिची ओळख वाढली. इंस्टाग्राम आणि फेसबुकवर ती सतत सक्रिय राहू लागली.
याच काळात राजस्थानातील वीरु जाट नावाचा तरुण तिच्या संपर्कात आला. सुरुवातीला तो रील्सवर कमेंट करत होता. नंतर दोघांमध्ये चॅटिंग सुरू झाली आणि डिजिटल मैत्री प्रेमात बदलली. वीरु वारंवार नरसिंहपूरला येऊ लागला. रीना आणि वीरु यांचं नातं अधिक घट्ट झालं.
प्रेमत्रिकोणातून तयार झाला खुनाचा कट
दरम्यान, रीना अजूनही अरुणच्या संपर्कात होती. पोलिस तपासात समोर आलेल्या माहितीनुसार, वीरु आणि अरुण यांच्यातील तणाव वाढत होता. या प्रेमत्रिकोणातूनच पुढे खुनाचा कट रचला गेला.
7 मे रोजी रायसेन जिल्ह्यात एका पुलाखाली गोणीत भरलेला मृतदेह आढळला. मृत व्यक्तीचे हात बांधलेले होते आणि तोंडावर चिकटपट्टी लावण्यात आली होती. मृतदेहाजवळ एक बॅग सापडली. सुरुवातीला पोलिसांनाही मृताची ओळख पटत नव्हती.
मात्र या बॅगेत सापडलेल्या एका मुलाच्या रफ कॉपीने संपूर्ण प्रकरणाचा तपास वेगळ्याच दिशेने नेला.
मुलाच्या कॉपीने उघडलं संपूर्ण रहस्य
त्या कॉपीवर शाळेतील शिक्षकाची सही होती. पोलिसांनी शाळेचा शोध घेतला आणि तपास करत करत नरसिंहपूर जिल्ह्यातील साईंखेडा गाव गाठलं. तिथे चौकशीदरम्यान समोर आलं की ती कॉपी रीना किरारच्या मुलाची होती.
यानंतर पोलिसांनी रीनाची कसून चौकशी केली. चौकशीत धक्कादायक माहिती समोर आली. पोलिसांच्या मते, रीनाने वीरुला भेटण्याच्या बहाण्याने घरी बोलावलं होतं. त्यावेळी अरुण पटेल आणि त्याचा एक साथीदार घरात आधीपासून लपून बसले होते.
वीरु घरात आल्यानंतर त्याच्यावर बेसबॉल बॅटने हल्ला करण्यात आला. गंभीर मारहाणीत त्याचा मृत्यू झाला. त्यानंतर मृतदेह गोणीत भरून रायसेन येथे नेण्यात आला. एका पुलावरून तब्बल 40 फूट खाली मृतदेह फेकण्यात आला.
एका चुकीने संपूर्ण कट उघड झाला
घाईगडबडीत मृतदेहासोबत मुलाची बॅगही गोणीत गेली. हीच एक चूक आरोपींना महागात पडली. पोलिसांनी बॅगेतील कॉपीच्या आधारे तपास केला आणि थेट आरोपींपर्यंत पोहोचले.
या घटनेनंतर सोशल मीडियावर मोठी चर्चा सुरू झाली आहे. ग्लॅमरच्या मागे दडलेलं भयावह वास्तव समोर आल्याने अनेकांनी आश्चर्य व्यक्त केलं आहे. पोलिसांनी रीना किरार, अरुण पटेल आणि त्यांच्या साथीदाराला ताब्यात घेतलं असून पुढील तपास सुरू आहे.
सोशल मीडियातून वाढणारे गुन्हे चिंतेचा विषय
या प्रकरणामुळे सोशल मीडियातून निर्माण होणारे संबंध आणि त्यातून वाढणारे गुन्हे पुन्हा एकदा चर्चेत आले आहेत. इंस्टाग्राम, फेसबुक किंवा रील्सच्या माध्यमातून निर्माण होणाऱ्या नात्यांचं रूप किती धोकादायक होऊ शकतं, याचं हे मोठं उदाहरण मानलं जात आहे.
पोलिसांच्या मते, या प्रकरणात अजून काही धक्कादायक खुलासे होण्याची शक्यता आहे. आर्थिक व्यवहार, प्रेमसंबंध आणि वैयक्तिक वाद या सर्व गोष्टींचा तपास केला जात आहे.
read also : https://ajinkyabharat.com/shinde-to-enter-senate-maha-vikas-aghadit-upset-due-to-mission-of-22-districts/
