दानापूर: मुख्यमंत्री समूह पंचायत राज अधिनियमांतर्गत दानापूर ग्रामपंचायतीत २१ नोव्हेंबर रोजी विशेष ग्रामसभा आयोजित करण्यात आली. या बैठकीत नागरिकांसाठी दिलासा देणारा महत्त्वपूर्ण निर्णय घेण्यात आला. ग्रामसभेत घरकर, पाणीपट्टी, दिवापट्टी तसेच इतर सर्व करांच्या थकबाकीवर ५० टक्के सवलत देण्याचा ठराव सर्वानुमते मंजूर झाला.
निर्णयानुसार, चालू आर्थिक वर्ष २०२५-२६ मध्ये लागणारे सर्व कर एकरकमी भरणे आवश्यक आहे. त्याचबरोबर, १ एप्रिल २०२५ पूर्वीची सर्व थकबाकी एकरकमी भरल्यास करदात्यांना ५० टक्के सवलत मिळेल. उर्वरित रक्कम करदात्याने भरणे अनिवार्य आहे. ही सवलत योजना ३१ डिसेंबर २०२५ पर्यंतच लागू राहणार आहे आणि या कालावधीत भरलेल्या रकमेवरच सूट मान्य केली जाईल.
विशेष ग्रामसभेचे अध्यक्ष सरपंच सपना धम्मपाल वाकोडे यांनी बैठक अध्यक्षस्थानी भूषविली, तर ग्रामविकास अधिकारी संजय उईके यांनी प्रशासकीय मार्गदर्शन केले. यावेळी उपसरपंच सागर रामकृष्ण ढगे, ग्रामपंचायत लिपिक अशोक आनंदा राहणे, ग्रामपंचायत सदस्य व मोठ्या संख्येने ग्रामस्थ उपस्थित होते आणि चर्चेत सक्रिय सहभाग घेतला.
Related News
Cabinet Decisions : मोठी बातमी! महाराष्ट्र सरकारचे 7 मोठे निर्णय; ग्रामपंचायतीपासून न्यायालयांपर्यंत मोठ्या घोषणा
Farmer Loan Waiver : शेतकऱ्यांची प्रतीक्षा संपली! आज दुपारी 3 वाजता कर्जमाफीची पहिली यादी जाहीर
PM मोदींची 9.12 लाखांची गुंतवणूक! पोस्ट ऑफिस NSC योजनेत 5 वर्षांत मिळवा दमदार परतावा, जाणून घ्या 7 मोठे फायदे
वरमाळेनंतर 5 मिनिटांत विवाह मोडला ! नवरीच्या धक्कादायक निर्णयामागचं खरं कारण समोर
24 जूनच्या वादळाने उडवले घराचे छप्पर; अकोल्यातील बाहेकर कुटुंब उघड्यावर
5 Powerful Benefits of Section 80D: ITR Filing 2026 मध्ये 1 लाख रुपयांपर्यंत कर वाचवण्याची मोठी संधी
NRI आहात? DTAA नियमामुळे दुहेरी कर भरण्यापासून मिळू शकतो दिलासा
सुरक्षित PPF गुंतवणूक: 7.1% व्याजाने 15 वर्षांत कमवा जास्त नफा!
SJVN शेअरमध्ये 182% तुफान वाढ: गुंतवणूकदारांसाठी सुवर्णसंधी!
गाडेगाव ग्रामपंचायतीतील विकासकामांची सीईओ अनिता मेश्राम यांच्याकडून पाहणी
लक्झरी घड्याळांपासून लेदर वस्तू आणि अत्यावश्यक औषधांपर्यंत: काय स्वस्त होणार आणि काय महागणार?
जोगापुर मध्ये पाणीटंचाईचा उद्रेक; पाण्याच्या टाकीवर चढून ग्रामस्थांचे आमरण उपोषण
ग्रामपंचायतीकडून नागरिकांना विनंती करण्यात आली आहे की निश्चित मुदतीत कर भरण्याची दक्षता घ्यावी, जेणेकरून ५० टक्के सवलतीचा लाभ मिळू शकेल. ही योजना नागरिकांच्या आर्थिक भार कमी करण्यासाठी आणि स्थानिक विकासासाठी महत्त्वपूर्ण पाऊल ठरली आहे.
