समाजसेवेचा वसा जपत गरजूंच्या मदतीसाठी सदैव तत्पर असलेल्या सौ. संध्या अनिल डाहेलकर यांना डॉ. सिंधुताई सपकाळ नारी प्रेरणा पुरस्काराने सन्मानित करण्यात आले. श्रीसंत गाडगेबाबा यांच्या दहा सूत्री संदेशांना जीवनध्येय मानून कार्य करणाऱ्या संत गाडगेबाबा कर्मभूमी सेवा प्रतिष्ठानच्या प्रेरणेने त्यांनी “तहानलेल्यांना पाणी आणि भुकेल्यांना अन्न” हा मानवतेचा संदेश प्रत्यक्ष कृतीत उतरवला आहे.
कानशिवनी येथील एकलव्य स्कूलच्या प्रांगणात कलाविष्कार साहित्य व सांस्कृतिक संस्थेच्या वतीने आयोजित तिसऱ्या राज्यस्तरीय साहित्य संमेलनात हा गौरव सोहळा पार पडला. संमेलनाध्यक्ष डॉ. प्रा. संतोष हुशे यांच्या अध्यक्षतेखाली झालेल्या या कार्यक्रमात गानसम्राज्ञी लता मंगेशकर पुरस्कार प्राप्त गझलनवाज पं. भिमराव पांजाळे यांच्या हस्ते तसेच उपस्थित मान्यवरांच्या साक्षीने सौ. डाहेलकर यांना पुरस्कार प्रदान करण्यात आला.
सौ. संध्या डाहेलकर गेल्या तीन-चार वर्षांपासून मेसच्या माध्यमातून विद्यार्थी-विद्यार्थिनींना अल्प दरात टिफिन सेवा देत आहेत. यावर्षीपासून त्यांनी ‘शिवाश्रय मेस हॉटेल’ सुरू करून भरपेट व रुचकर जेवणाची सोय उपलब्ध करून दिली आहे. विशेष म्हणजे, गरिब, दीन-दुबळे आणि गरजू नागरिकांना त्या सदावर्ताप्रमाणे दररोज निशुल्क भोजन देत आहेत. त्यांच्या या सेवाव्रतामुळे अनेक गरजूंच्या चेहऱ्यावर समाधानाचे हास्य फुलत आहे.
Related News
2026: सुनेत्रा पवार उपमुख्यमंत्रीपदाची शपथ घेणार? छगन भुजबळांचे विधान आणि राजकारणात खळबळ
2026: सहर शेखच्या ‘हिरवा मुंब्रा’ विधानावर जितेंद्र आव्हाडांची पहिली थेट प्रतिक्रिया
बारामतीत धक्कादायक घटना : नगराध्यक्ष सचिन सातव यांच्यावर शाईफेक – 5 प्रमुख कारणे
अकोला ते शिमला… 8 वर्षांनंतर बेपत्ता जयेशचा शोध, गोशाळेत मजुरी करत जगत होता आयुष्य
2026 महाराष्ट्र सदन घोटाळा प्रकरण: छगन भुजबळ यांची ईडीकडून निर्दोष मुक्तता
मूर्तिजापूरात वाद मिटवायला गेलेल्या बँक मॅनेजरवर प्राणघातक हल्ला; तिघांविरुद्ध गुन्हा दाखल
जुने पैसे मागण्याच्या वादातून प्राणघातक हल्ला; मूर्तिजापूर पोलिसांनी तिघांविरुद्ध गुन्हा नोंदवला
२९ महानगरपालिकांमध्ये महापौरपदावर राजकीय तणाव – २२ जानेवारीच्या आरक्षणाची तयारी!
सामाजिक बांधिलकी जपत निस्वार्थ भावनेने केलेल्या कार्याची दखल घेत त्यांना मिळालेला हा पुरस्कार इतरांसाठी प्रेरणादायी ठरत आहे. समाजातील दुर्बल घटकांसाठी हातभार लावणाऱ्या अशा सेवाभावी व्यक्तिमत्त्वामुळे मानवतेचा दीप अधिक तेजाने प्रज्वलित होत असल्याची भावना यावेळी व्यक्त करण्यात आली.
