वर्धा – १२ जानेवारी : राष्ट्रीय युवा दिनानिमित्त विद्यार्थ्यांमध्ये भारतीय संविधानाबाबत जागृती निर्माण करण्याच्या उद्देशाने “संविधान जनजागृती प्रश्नमंजुषा २०२५–२६” या राज्यस्तरीय उपक्रमाचे आयोजन करण्यात आले आहे. महाराष्ट्र राज्य अनुसूचित जाती व जमाती आयोगाच्या वतीने राबविण्यात येणाऱ्या या उपक्रमात सहभागी होण्यासाठी विद्यार्थ्यांना ऑनलाईन स्वरूपात १५ दिवसांचे प्रशिक्षण दिले जाणार आहे. या प्रशिक्षणादरम्यान भारतीय संविधानातील मूल्ये, मूलभूत अधिकार, कर्तव्ये आणि लोकशाही मूल्यांवर आधारित नागरिक कसे घडतात, याबाबत सखोल माहिती व मार्गदर्शन मिळेल.
उपाध्यक्ष धर्मपाल मेश्राम यांनी इच्छुक विद्यार्थ्यांनी १० जानेवारी २०२६ पर्यंत नोंदणी करण्याचे आवाहन केले आहे. “घर घर संविधान” या संकल्पनेतून राज्यातील प्रत्येक घर आणि विद्यार्थ्यांपर्यंत ही जनजागृती पोहोचविण्याचा प्रयत्न केला जात आहे. प्रश्नमंजुषा इयत्ता ८ वी पासून पदव्युत्तर शिक्षण घेणाऱ्या विद्यार्थ्यांसाठी खुली असून संपूर्णपणे ऑनलाईन पद्धतीने राबविण्यात येणार आहे. प्रशिक्षण १२ जानेवारी २०२६ रोजी राष्ट्रीय युवा दिनानिमित्त प्रारंभ होईल.
प्रशिक्षणासाठी महाराष्ट्र नॅशनल लॉ युनिव्हर्सिटी, नागपूर येथील तज्ज्ञ प्राध्यापक मार्गदर्शन करतील व आवश्यक अध्ययन साहित्य ऑनलाईन उपलब्ध करून दिले जाईल. ही स्पर्धा मराठी, हिंदी व इंग्रजी या तीन भाषांमध्ये आयोजित केली जाईल. प्रशिक्षण पूर्ण झाल्यानंतर ऑनलाईन प्रॉक्टरिंगसह परीक्षा घेतली जाईल. सहभागी होण्यासाठी केवळ ९९ रुपये नाममात्र शुल्क आकारण्यात येणार आहे.
Related News
महावितरणमध्ये ‘राष्ट्रीय लाईनमन दिन’ उत्साहात साजरा; सुरक्षेची शपथ घेत ग्राहकसेवेचा संकल्प
वाडेगावात हरभरा–तूर खरेदीसाठी ऑनलाइन नोंदणी सुरू
केरळ राज्याचे नाव बदलणे योग्य आहे का? केंद्राने दिली मंजुरी!
मराठी पत्रकारितेचे जनक जांभेकर यांची जयंती महावितरणमध्ये साजरी
चारधाम यात्रा 2026 : ऑनलाईन नोंदणीसाठी नवे नियम, भाविकांकडून किमान शुल्क आकारण्याची शक्यता
महावितरणचा ‘सुरक्षा मंत्र’; प्रत्येक सोमवारी तांत्रिक कर्मचाऱ्यांची विद्युत सुरक्षेची शपथ
33/11 केव्ही उपकेंद्रांना आंतरराष्ट्रीय मानांकन – महावितरणच्या कामगिरीला गारूड
महावितरणच्या अत्याधुनिक चाचणी प्रयोगशाळेचा नागपुरात शुभारंभ; विदर्भातील वीज व्यवस्थेला मिळणार नवे बळ
नागपूर महावितरणमध्ये हुतात्मा दिन: स्वातंत्र्यलढ्यातील वीरांना भावपूर्ण श्रद्धांजली
स्पर्धेत यशस्वी विद्यार्थ्यांसाठी आकर्षक पारितोषिक ठरवण्यात आले असून प्रथम पुरस्कार १ लाख रुपये, द्वितीय ५१ हजार रुपये, तृतीय ११ हजार रुपये आणि सर्व यशस्वी विद्यार्थ्यांना रोख पारितोषिकासह प्रमाणपत्र दिले जाणार आहे. तसेच, सहभागी सर्व विद्यार्थ्यांना डॉ. बाबासाहेब आंबेडकर संशोधन व प्रशिक्षण संस्था (बार्टी), पुणे यांच्या वतीने सहभाग प्रमाणपत्र प्रदान केले जाईल.
नोंदणी आणि अधिकृत माहिती www.yuvacareer.com या संकेतस्थळावर उपलब्ध असून, नागरिकांनी कोणत्याही बनावट संकेतस्थळाला बळी न पडता फक्त अधिकृत संकेतस्थळावरून नोंदणी करण्याचे आवाहन करण्यात आले आहे.
