अकोट :
विद्यांचल द स्कूल, अकोट येथे राष्ट्रीय बालिका दिन मोठ्या उत्साहात व सकारात्मक संदेशासह साजरा करण्यात आला. या कार्यक्रमाचा मुख्य उद्देश मुलींचे हक्क, त्यांचे सक्षमीकरण तसेच समाजातील त्यांचे महत्त्व याबाबत विद्यार्थ्यांमध्ये जागरूकता निर्माण करणे हा होता.
बालिका दिनानिमित्त सेव्हियर व रिफॉर्मर हाऊसच्या वतीने उत्कृष्ट परिपाठाचे आयोजन करण्यात आले. यावेळी विद्यार्थ्यांनी सादर केलेली रंगतदार नाटिका व नृत्यविभागातील वेधक नृत्याने उपस्थितांची मने जिंकली. या कार्यक्रमात शाळेतील तसेच शाळेबाहेरील विविध स्पर्धांमध्ये यश संपादन केलेल्या विद्यार्थिनींचा रोपे देऊन सन्मान करण्यात आला. विशेष बाब म्हणजे या सर्व रोपांचे वृक्षारोपण विद्यार्थिनींच्याच हस्ते त्यांच्या नावाने करण्यात आले.
वृक्ष जसे सातत्याने वाढून समाजाला प्राणवायू देतात, त्याचप्रमाणे मुलींनीही समाजात स्वतःचे वेगळे व सशक्त स्थान निर्माण करावे, हा या उपक्रमामागील मुख्य संदेश होता. याप्रसंगी विद्यार्थिनींसाठी विशेष कार्यशाळेचे आयोजन करण्यात आले. तसेच ब्रेसलेट डेकोरेशन, हेअर बँड डेकोरेशन, नेकलेस डेकोरेशन व किचन डिझायनिंग अशा विविध कौशल्याधारित स्पर्धा घेण्यात आल्या, ज्यातून विद्यार्थिनींच्या कलागुणांना वाव मिळाला.
Related News
अकोला जिल्ह्यासाठी गौरवाची बातमी…! अर्चित चांडक सर्वोत्तम पोलीस अधीक्षक….!
वाल्मिक नगरात अनोळखी इसमाचा मृतदेह आढळल्याने खळबळ; ओळख पटविण्याचे पोलिसांचे आवाहन
बोर्डी येथे नागास्वामी इंग्लिश स्कूलमध्ये बाल आनंद मेळावा उत्साहात संपन्न
वन्यप्राण्यांचा ताबडतोब बंदोबस्त करा , लक्ष्मीकांत कौठकर शेतकरी संघटना विदर्भ अध्यक्ष,यांचा आंदोलनाचा इशारा
लाडकी बहीण योजनेच्या हप्त्यावरून मुंडगावमध्ये भाजपा आक्रमक, काँग्रेसच्या पत्राची होळी
Akot News : 21 नगरसेवकांची ‘धडाकेबाज’ आघाडी – MIM बाहेर, सत्तेसाठी भाजपचा वादग्रस्त नवा पॅटर्न
या संपूर्ण कार्यक्रमाचे नियोजन व अंमलबजावणी आवेस खान, भावना पांडे व विभा पेठे यांनी यशस्वीरित्या पार पाडली. कार्यक्रमाच्या यशस्वी आयोजनासाठी शाळेतील सर्व शिक्षक व शिक्षकेतर कर्मचाऱ्यांनी मोलाचे सहकार्य केले. शाळेचे संचालक दिनेश भुतडा, सारिका भुतडा व प्रशासकीय अधिष्ठाता प्रशांत विनायक यांच्या मार्गदर्शनाखाली हा कार्यक्रम अत्यंत हर्षोल्हासात संपन्न झाला.
