कोरपणा तालुक्यातील नांदा ग्रामपंचायतीचा गृहकर व पाणीकर गेल्या काही वर्षांपासून मोठ्या प्रमाणात थकीत असून अनेक नागरिकांनी सलग तीन, चार, अगदी पाच वर्षांपासूनही कराचा भरणा केलेला नाही. या थकबाकीमुळे ग्रामपंचायतीच्या नियमित आर्थिक कारभारावर मोठा परिणाम होत असून कर्मचाऱ्यांचा पगार, दैनंदिन साफसफाईची कामे यांसारख्या अत्यावश्यक उपक्रमांसमोर आर्थिक अडचणी निर्माण झाल्या आहेत. सामान्य निधीत पैसे उपलब्ध नसल्याने अनेक आवश्यक कामे प्रलंबित राहिली आहेत.
ग्रामपंचायतीकडून सध्या घरोघरी जाऊन कर वसुलीचा उपक्रम सुरू आहे. नागरिकांनी सहकार्य करून कराचा भरणा करावा, अशी विनंती ग्रामपंचायतीतर्फे करण्यात आली आहे. गावातील कर वसुली सुरळीत व्हावी यासाठी ग्रामपंचायतीच्या पदाधिकाऱ्यांनी प्रत्येकी वार्डात जाऊन ग्रामस्थांशी बैठक घेणे आणि कर भरण्याचे महत्त्व समजावून सांगणे आवश्यक असतानाही या पातळीवर अपेक्षित हालचाल होताना दिसत नाही, अशी ग्रामस्थांत नाराजी व्यक्त होत आहे.
दरम्यान, ग्रामपंचायतीतर्फे गावातील नागरिकांना आवाहन करण्यात आले आहे की त्यांनी आपल्या कडे थकीत असलेले गृहकर व पाणीकर स्वतःहून ग्रामपंचायत कार्यालयात जमा करून सहकार्य करावे.
Related News
पुण्यात अघोरी प्रकाराचा पर्दाफाश: भूत-करणीच्या नावाखाली कुटुंबाला मानसिक गुलाम बनवण्याचा प्रयत्न, दोन भोंदूबाबांना अटक
राज्य मंत्रिमंडळाचे 7 मोठे निर्णय; नोकरभरती ते आरोग्य क्षेत्रात बदल
विद्यार्थिनीच्या तक्रारीचा गैरवापर करून प्राचार्यांना ब्लॅकमेल, तीन पोलिसांविरुद्ध गुन्हा दाखल
कल्याणमध्ये लोकल सेवा विस्कळित; कसारा लोकल अर्धा तास ठप्प, प्रवाशांचा प्रचंड संताप
अजित पवारांचा अपघात की घातपात? शरद पवारांनी पहिल्यांदाच उघड केला ‘त्या’ दिवसाचा संपूर्ण घटनाक्रम
संभाजीनगर हर्सुल तलावातील दुःखद घटना: 4 तरुणांचा बुडून मृत्यू
Sharad Pawar NCP: कार्यकर्त्यांचा निर्णय ठरला, विलीनीकरण करायचं की नाही?
जालना समृद्धी महामार्गावर भीषण अपघात, 6 महिला मजूरांचा जागीच मृत्यू
काँग्रेसमध्ये भूचाल! पक्षशिस्तभंगामुळे जालना महापालिकेतील 7 नगरसेवक निलंबित
रामनवमी शोभायात्रा रोखण्याच्या प्रकरणी सकल हिंदू समाजाचे चेंबूरमध्ये आंदोलन, पोलिसांकडून आंदोलक ताब्यात
खासगी शाळांना धोक्याची घंटा! सरकारी शाळांतील मुले फिटनेसमध्ये बाहुबली; 1.4 लाख मुलांचा सर्वेक्षणातून धक्कादायक आकडेवारी
Petrol टंचाईच्या अफवांनी उडाला गोंधळ; बाईक बैलगाडीत नेण्यापर्यंत लोकांचा नादखुळा!
यासोबतच यशोधन विहारवर असलेली तब्बल १६ लाख रुपयांची थकबाकी सुद्धा ग्रामपंचायतीसमोर मोठी समस्या बनली आहे. याबाबत ग्रामपंचायतीच्या पदाधिकाऱ्यांनी यशोधन विहारच्या प्रोपायटर पौर्णिमा श्रीवास्तव यांच्याशी संवाद साधून थकबाकीची रक्कम प्रेमाने व नियमांनुसार वसूल करावी, अशी मागणी ग्रामस्थांकडून होत आहे.
ग्रामपंचायतीच्या आर्थिक शिस्तीसाठी आणि गावाच्या विकासासाठी कर भरणे अत्यावश्यक आहे. नांदाच्या सर्व नागरिकांनी या मोहिमेला सहकार्य करून आपली जबाबदारी पार पाडावी, असे आवाहन करण्यात आले आहे.
