MPSC विद्यार्थ्यांसाठी लढणारे रोहित पवार स्वतः मात्र काठावर पास; लातूरमध्ये विद्यार्थ्यांशी संवाद साधताना अनेक मुद्द्यांवर भाष्य
MPSC : महाराष्ट्र लोकसेवा आयोगाच्या (MPSC) परीक्षेतील कथित पेपरफुटीच्या मुद्द्यावरून राज्यभरातील विद्यार्थ्यांमध्ये संतापाचे वातावरण आहे. पेपरफुटीविरोधात विद्यार्थी मोठ्या संख्येने आंदोलन करत असून, विविध राजकीय नेतेही विद्यार्थ्यांच्या आंदोलनाला पाठिंबा देताना दिसत आहेत. काही दिवसांपूर्वी पुण्यात आमदार रोहित पवार यांच्या उपस्थितीत विद्यार्थ्यांचे आंदोलन झाले होते. त्यानंतर आता लातूरमध्येही त्यांनी विद्यार्थ्यांशी संवाद साधत परीक्षा पद्धती, पेपरफुटी, ऑनलाइन परीक्षा आणि विद्यार्थ्यांच्या भवितव्याबाबत अनेक मुद्द्यांवर भाष्य केले.
लातूरमध्ये विद्यार्थ्यांशी संवाद साधताना रोहित पवार यांनी आपल्या शैक्षणिक प्रवासाचाही उल्लेख केला. यावेळी एका विद्यार्थ्याने आमदार, खासदार आणि मंत्र्यांना परीक्षा का द्यावी लागत नाही, असा प्रश्न उपस्थित केला. त्यावर उत्तर देताना रोहित पवार यांनी “मी देखील काठावर पास झालो आहे”, असे सांगितले. तसेच निवडणुकीत उमेदवाराची नैतिकता आणि काम पाहून मतदान करण्याचे आवाहन त्यांनी विद्यार्थ्यांना केले.
“2029 मध्ये बदल होईल” – रोहित पवार
विद्यार्थ्यांशी बोलताना रोहित पवार यांनी केंद्र आणि राज्यातील सत्ताबदलाचा उल्लेख केला. “2029 साली बदल होईल. केंद्रात आणि राज्यात जेव्हा बदल होईल, तेव्हा आपण नीट परीक्षा रद्द करू,” असे ते म्हणाले. नीट परीक्षा घेणारी NTA आणि काही अधिकारी व एजंट यांच्यात रॅकेट असल्याचा आरोपही त्यांनी केला.
Related News
सीजेपी नेत्याचा सरकारवर गंभीर आरोप; सोशल मीडिया कंपन्यांवर दबाव असल्याचा दावा
घरी गणपती बसवता येणार नाही? चिंता नको! ‘या’ पद्धतीने करा बाप्पाची भक्ती
UPI वापरणाऱ्या छोट्या दुकानदारांसाठी मोठी खुशखबर! आता मिळणार कर्ज, SBI ची नवी योजना
Bigg Boss 20 मध्ये पहिल्याच आठवड्यात राडा! कनिका मान-यंग डीएसएमध्ये जोरदार भांडण
14 सप्टेंबरला हरितालिका आणि गणेश चतुर्थी एकाच दिवशी; आधी कोणती पूजा करायची? जाणून घ्या
शी जिनपिंग भारतात येण्यापूर्वीच मोठी बातमी; 6 वर्षांनंतर पुन्हा सुरू होणार थेट विमानसेवा!
मनोज जरांगेंच्या मुंबई आंदोलनावर सरकारची पहिली प्रतिक्रिया; बावनकुळेंनी स्पष्ट केली भूमिका!
मनोज जरांगे यांच्या मुंबई आंदोलनापूर्वी मोठी खलबतं; फडणवीस-बावनकुळे यांची महत्त्वाची बैठक!
LPG सिलेंडरसाठी पुन्हा रांगा लागणार? होर्मुज स्ट्रेट संकटामुळे भारतावर मोठं संकट!
शेतकरी संकटात, जरांगे उपोषणावर; राऊतांचा सरकारला सवाल – ‘महाराष्ट्राकडे पाहायला वेळ आहे का?’
जिनपिंग भारतात येण्याआधीच चीनचा मोठा पॉझिटिव्ह संदेश; मोदी भेटीपूर्वी वाढल्या अपेक्षा!
चीनच्या राष्ट्राध्यक्षांची ‘सुपर सिक्युअर’ कार! Hongqi N701 मध्ये आहेत धक्कादायक फीचर्स
नीट परीक्षेतील कथित गैरप्रकारांचा उल्लेख करताना त्यांनी या रॅकेटची उलाढाल मोठ्या प्रमाणात असल्याचे सांगितले. पेपरफुटीमुळे सर्वसामान्य आणि आर्थिकदृष्ट्या कमकुवत विद्यार्थ्यांवर अन्याय होत असल्याचेही त्यांनी नमूद केले.
CET आणि ऑनलाइन परीक्षेच्या पारदर्शकतेवर प्रश्न
बारावीनंतर घेतली जाणारी CET परीक्षा देखील पूर्णपणे पारदर्शक नसल्याचे आपल्याला वाटते, असे रोहित पवार यांनी सांगितले. परीक्षा ऑफलाइन पद्धतीने घेतल्यास विद्यार्थ्यांना अधिक पारदर्शकता मिळू शकते, असा त्यांचा दावा आहे.
“ऑफलाइन परीक्षा असेल आणि उत्तरपत्रिकेची कॉपी आपल्याकडे असेल तर परीक्षा चांगल्या होतील. मात्र ऑनलाइन परीक्षा असल्याने काय गडबड होते, हे कळत नाही,” असे रोहित पवार म्हणाले.
पैशाच्या जोरावर काही विद्यार्थ्यांना गुण वाढवून मिळतात आणि त्यातून चांगल्या महाविद्यालयांमध्ये प्रवेश मिळतो, असा आरोपही त्यांनी केला. परिणामी मेहनत करून अभ्यास करणाऱ्या सामान्य विद्यार्थ्यांवर अन्याय होत असल्याचे त्यांनी सांगितले.
“MPSC पेपर फुटला, FIR साठी चार तास पोलिस ठाण्यात बसलो”
MPSC परीक्षेतील पेपरफुटीच्या मुद्द्यावर बोलताना रोहित पवार यांनी पोलिस प्रशासनाच्या भूमिकेवरही प्रश्न उपस्थित केला. “MPSC चा पेपर फुटला. FIR करण्यासाठी आम्ही चार तास पोलिस ठाण्यात बसलो, तरी FIR झाला नाही. असा महाराष्ट्र आपल्याला घडवायचा आहे का?”, असा सवाल त्यांनी केला.
विद्यार्थ्यांनी आपल्या प्रश्नांसाठी सोशल मीडियाच्या माध्यमातून आवाज उठवावा, असे आवाहनही त्यांनी केले. विद्यार्थ्यांच्या विविध परीक्षा घेण्याऐवजी एकच परीक्षा घेण्याच्या मागणीवरही त्यांनी भाष्य केले.
“शेतकरी पालकांवर कर्जाचा बोजा”
विद्यार्थ्यांच्या प्रश्नांबरोबरच रोहित पवार यांनी सध्याच्या शेतकरी परिस्थितीचाही उल्लेख केला. राज्यातील अनेक भागांत पावसाअभावी पिकांचे नुकसान झाले असून सोयाबीन आणि कपाशीचे पीक धोक्यात आले आहे. त्यामुळे शेतकरी पालकांवर आर्थिक संकट ओढावले आहे, असे त्यांनी सांगितले.
शेतकरी कुटुंबातील मुलांना शिक्षणासाठी मोठा खर्च करावा लागतो. आई-वडील स्वतःच्या इच्छा आणि स्वप्ने बाजूला ठेवून मुलांच्या शिक्षणासाठी कष्ट करत असतात. त्यामुळे परीक्षा आणि शिक्षण व्यवस्था पारदर्शक असणे आवश्यक असल्याचे रोहित पवार यांनी नमूद केले.
“स्कॉलर विद्यार्थ्याला तीन लाख रुपयांची शिष्यवृत्ती”
सत्तेत आल्यास कोणत्याही जातीचा विद्यार्थी असला तरी तो गुणवंत असेल, तर त्याला शिष्यवृत्ती देण्याची भूमिका रोहित पवार यांनी मांडली. “आमची सत्ता येईल तेव्हा कोणत्याही जातीचा विद्यार्थी असो, तो जर स्कॉलर असेल तर त्याला तीन लाख रुपये शिष्यवृत्ती मिळाली पाहिजे,” असे ते म्हणाले.
काही महाविद्यालयांनी पदवी देण्याचा व्यवसाय केल्याचा आरोपही त्यांनी केला. विद्यार्थ्यांना योग्य शिक्षण न देता केवळ पदवी दिली जात असल्याचे त्यांनी सांगितले.
“पैसा हा मुद्दा असू नये”
विद्यार्थ्यांशी संवाद साधताना रोहित पवार यांनी राजकीय व्यवस्थेवरही भाष्य केले. निवडणुकीत उमेदवार निवडताना केवळ पैसा किंवा इतर प्रलोभनांकडे न पाहता चांगल्या आणि नैतिक उमेदवाराला मतदान करण्याचे आवाहन त्यांनी केले.
“नैतिकता बघून निवडून द्या. पैसा हा मुद्दा असू नये. मताला पैसे देणारे खूप आहेत. वीस कोटी रुपये खर्चून निवडून येतात. चांगल्या लोकांना निवडून द्या,” असे ते म्हणाले.
विद्यार्थ्यांच्या प्रश्नांवर आपला लढा सुरूच राहणार असून, सत्ताधाऱ्यांना हा लढा पटत नसल्याचा आरोपही त्यांनी केला. आपण न्यायालयीन पातळीवरही लढत असल्याचे रोहित पवार यांनी सांगितले.
दरम्यान, MPSC आणि इतर स्पर्धा परीक्षांमधील पारदर्शकतेचा मुद्दा पुन्हा एकदा ऐरणीवर आला आहे. पेपरफुटी, ऑनलाइन परीक्षा, परीक्षा पद्धती आणि विद्यार्थ्यांच्या भवितव्याबाबत राज्यभरात चर्चा सुरू आहे. अशा परिस्थितीत सरकार आणि संबंधित परीक्षा यंत्रणांनी विद्यार्थ्यांच्या शंकांचे निरसन करून परीक्षा प्रक्रिया अधिक पारदर्शक करण्याची मागणी होत आहे.
Read Also : https://ajinkyabharat.com/manoj-jarange-patil-27/
