वाशिम, २९ :
वाशिम तालुक्यातील ऐतिहासिक आणि श्रद्धेचे केंद्र असलेल्या अनसिंग येथील शृंगऋषी मंदिरात २९ जून
रोजी सकाळी एक अद्भुत आणि अनपेक्षित घटना घडली. मंदिरातील प्राचीन कुंडामधून
Related News
गुंतवणूकदारांसाठी मल्टी-अॅसेट फंडांचे महत्त्व
अजित पवार यांचा भीषण विमान अपघात, नेत्यांकडून शंका व्यक्त
घरातील नकारात्मक ऊर्जा दूर करण्यासाठी 2 सोपे आणि शक्तिशाली फेंगशुई उपाय
सोन्याचा भाव 4300 रुपये घसरला – दागिने खरेदीसाठी 5 सुवर्णसंधी
3 शक्तिशाली टिप्स : जिभेवरील पांढऱ्या थरामुळे उद्भवणाऱ्या आजारांपासून बचाव करा
बँक लॉकरमधील सोने किती सुरक्षित? RBIचे 5 धक्कादायक नियम जाणून घ्या
आजचा सोन्याचा भाव: मोठा धक्का! 7 दिवसांत 10 ग्रॅम सोनं ₹3,980 ने कोसळलं
Holi 2026 : चंद्रग्रहणामुळे मोठा बदल! होळी साजरी होणार 4 मार्चला – जाणून घ्या 5 महत्त्वाचे नियम
Share Market चा धमाका! फक्त 6 दिवसांत 76% तुफान परतावा देणारे 5 मल्टिबॅगर शेअर्स
अचानक गरम पाण्याच्या वाफा निघू लागल्याने संपूर्ण परिसरात आश्चर्याची लाट पसरली आहे.
पौराणिक महत्त्व असलेल्या या मंदिरातील कुंडात आजवर नेहमी थंड पाणीच आढळत होते.
मात्र आज सकाळी काही भाविकांनी कुंडाच्या मध्यभागी असलेल्या गोल खळग्यातून गरम पाण्याचा झरा
वाहताना पाहिल्याने प्रचंड कुतूहल निर्माण झाले. याप्रसंगी कुंडातील पाणी बादलीने भरून पाहण्यात आले असता ते प्रत्यक्षात गरम असल्याची खात्री झाली.
या घटनेमागे नेमकं काय कारण आहे, हे स्पष्ट होऊ शकलेले नाही. काही नागरिकांनी याला दैवी चमत्कार मानत विशेष पूजा-अर्चा सुरू केल्या आहेत,
तर पर्यावरण अभ्यासक आणि काही जाणकार नागरिकांनी जमिनीखालच्या भूगर्भीय हालचाली,
उष्णजलस्तरात झालेला बदल किंवा हवामानातील परिणाम यावर संभाव्य कारणे म्हणून लक्ष वेधले आहे.
घटनेची माहिती मिळताच मंदिर परिसरात भाविकांची आणि स्थानिकांची मोठी गर्दी उसळली.
यामुळे परिसरात काही प्रमाणात गोंधळाचे वातावरण निर्माण झाले आहे.
स्थानिक प्रशासन, पुरातत्व विभाग आणि हवामान विभाग यांना तात्काळ माहिती देण्यात आली असून,
लवकरच भूवैज्ञानिक आणि जलतज्ज्ञांची विशेष टीम तपासणीसाठी येण्याची शक्यता वर्तवली जात आहे.
वैज्ञानिक तपासणीनंतरच यामागची कारणमीमांसा होणार स्पष्ट
या संपूर्ण घटनेबाबत शृंगऋषी संस्थानचे पुजारी सुशांत कौंडिण्य यांनी सांगितले की, “गेल्या कित्येक दशकांपासून कुंडातील पाणी थंड असते.
मात्र आज प्रथमच गरम पाणी बाहेर येताना आम्ही पाहिले. ही एक अनोखी आणि आध्यात्मिक अनुभूती आहे.”
दरम्यान, या गरम पाण्याच्या झऱ्याचे गूढ मात्र कायम असून, भाविकांमध्ये याबाबत उत्सुकता आणि श्रद्धेचे वातावरण आहे.
वैज्ञानिक तपासणीनंतरच यामागची कारणमीमांसा स्पष्ट होईल.
अशी माहिती आमचे जिल्हा प्रतिनिधी धनंजय कपाले यांनी दिली.
