पुणे : बारामतीचा विकास नेमका केला कोणी हे सांगताना पवार कुटुंबात वाकयुद्ध रंगलं आहे. संस्था कोणी काढल्या, कंपन्या कोणी आणल्या ते सांगण्याचा प्रयत्न दोन्ही बाजूनं अगदी जोरकसपणे सुरू आहे. शरद पवारांच्या बाजूनं त्यांचे नातू रोहित पवार खिंड लढवत आहेत. तर अजित पवार पुतण्या रोहितला उत्तर देत शरद पवारांवर अप्रत्यक्षपणे टीका करत आहेत. रोहित पवारांचं शिक्षण कुठे झालं, याचा मुद्दा अजित पवारांनी रविवारी एका भाषणात उपस्थित केला. आता त्यावरुन काका, पुतण्यात चांगलीच जुंपली आहे. त्यामुळे बारामतीतलं वातावरण तापलं आहे.
अजित पवारांनी रोहित यांच्या शिक्षणाचा विषय रविवारच्या भाषणात काढला. ‘काहीजण वालचंदनगरला शिकत होते, कारण सरळ आहे. त्यावेळी फक्त वालचंदनगरलाच चांगलं शिक्षण मिळत होतं बारामतीत मिळत नव्हतं,’ असं म्हणत अजित पवारांनी रोहित पवारांना उत्तर दिलं. शरद पवारांनी विद्या प्रतिष्ठान काढली हा मुद्दा अजित पवारांनी खोडून काढण्याचा प्रयत्न केला.
काका अजित पवारांच्या टिकेला आता रोहित पवारांनी उत्तर दिलं आहे. ‘मी किती शिकलोय, काय शिकलोय, याच्याशी काय घेणं देणं आहे? मी बारामती, वालचंदनगर, मुंबई या ठिकाणी शिकलो. मी ग्रॅज्युएट आहे. मला डबल ग्रॅज्युएट व्हायचं होतं. मात्र मला होता आलं नाही. कारण माझ्या वडिलांच्या व्यवसायात अडचणी आल्या होत्या. वडील अडचणीत असताना वडिलांबरोबर राहणं, ही आपली परंपरा आहे,’ असं म्हणत रोहित यांनी काकांना प्रत्युत्तर दिलं.
Related News
“अजित पवारांच्या पार्थिवासमयी विलिनीकरणाची घाई कोणी केली?” – सुनील तटकरे यांचा सवाल
राज्य राजकारणात महत्त्वाचा टप्पा; उपमुख्यमंत्री सुनेत्रा पवार दिल्ली दौऱ्यावर
अजित पवार यांच्या शेवटच्या सभेतील उमेदवार विजयी ; राष्ट्रवादीला खेड तालुक्यात मोठं यश
अजित पवार यांचा भीषण विमान अपघात, नेत्यांकडून शंका व्यक्त
सुनेत्रा पवारांच्या शपथविधीवर राजकीय वाद; लक्ष्मण हाके यांचे खळबळजनक विधान
अजित पवारांच्या अस्थींचे काटेपूर्णा प्रकल्पात भावनिक विसर्जन
मोठा खुलासा? अजित पवार विमान अपघातावर 7 गंभीर शंका; शिंदे गटाची प्रतिक्रिया चर्चेत
अजित पवार यांच्या निधनानंतर राष्ट्रवादीत 7 जबरदस्त राजकीय घडामोडी
NCP मध्ये मोठी खळबळ! अजित पवारांनंतर 3 निर्णायक प्रश्न; 12 दिवसांत सुनेत्रा पवार घेणार ऐतिहासिक निर्णय
राष्ट्रवादी काँग्रेसच्या अध्यक्षपदी प्रफुल पटेल; महाराष्ट्राच्या राजकारणात मोठी खळबळ
परदेशी जाऊन शिकण्याची माझी इच्छा होती. माझे दोन भाऊ जय आणि पार्थ हे भारताच्या बाहेर शिकले, याचा मला आनंद आहे. कितीही शिकलं, पण आपल्याला आपले विचारच जगता आले नाही तर काय उपयोग? असा सवाल करत रोहित पवारांनी काकांना टोला लगावला. मी आजी, आजोबांचा, वडिलांचा विचार जपत असल्याचं म्हणत त्यांनी अजित पवारांना सुनावलं.बारामती तालुक्यातील देऊळगाव रसाळ या ठिकाणी त्यांनी माध्यमांशी संवाद साधला. यावेळी ते बोलत होते.
