रोहित पवारांच्या पत्रकार परिषदेनंतर DGCA ची तात्काळ हालचाल; बारामती विमानतळाची सखोल पाहणी
बारामती विमानतळाशी संबंधित कथित विमान अपघाताबाबत उपस्थित झालेल्या प्रश्नांनंतर नागरी उड्डाण महासंचालनालय (DGCA) ची टीम तात्काळ बारामतीत दाखल झाली आहे. आमदार रोहित पवार यांनी घेतलेल्या पत्रकार परिषदेनंतर मुंबईपासून दिल्लीपर्यंत हालचालींना वेग आल्याचे चित्र आहे. या परिषदेत रोहित पवार यांनी अपघाताच्या कारणांबाबत, विमानतळावरील सुविधा आणि संबंधित विमान कंपनीच्या कार्यपद्धतीवर गंभीर प्रश्न उपस्थित केले होते.
वृत्तांनुसार, बारामती विमानतळाजवळ झालेल्या कथित अपघातानंतर विमानतळाच्या सुरक्षाव्यवस्थेवर प्रश्नचिन्ह निर्माण झाले आहे. या पार्श्वभूमीवर DGCA अधिकाऱ्यांनी विमानतळाची सखोल पाहणी केली. पाहणीदरम्यान सुरक्षा व्यवस्था, धावपट्टीची स्थिती, तांत्रिक सुविधा तसेच आपत्कालीन प्रतिसाद यंत्रणा यांचा तपशीलवार आढावा घेण्यात आला. विमानतळ सुरक्षित आहे की नाही, याबाबतचा अंतिम निष्कर्ष पाहणीनंतर सादर होणाऱ्या अहवालावर अवलंबून राहणार आहे. संबंधित अधिकाऱ्यांकडून लवकरच सविस्तर अहवाल सादर केला जाणार असल्याचे सांगण्यात येत आहे.
Related News
भीषण बॉम्बस्फोटाने पाकिस्तान हादरलं! 9 जणांचा जागीच मृत्यू, 23 गंभीर जखमी
Watermelon Death Case: 15 वर्षीय मुलाचा दुर्दैवी मृत्यू, कलिंगड खाल्ल्यानंतर 3 मुलांची प्रकृती बिघडली; डॉक्टरांचा धक्कादायक इशारा
Kalyan Crime News 2026: 78 वर्षीय भोंदूबाबाने पूजेच्या नावाखाली 15 वर्षीय मुलीवर अत्याचार; कल्याणमध्ये खळबळ
PM मोदींच्या आवाहनानंतर छगन भुजबळांचा मोठा इशारा; “जगात संभ्रमाची स्थिती”
इराणच्या विमानांवरून पाकिस्तान जगासमोर एक्स्पोज? अमेरिकेचे गंभीर आरोप
या गावात 70% महिला तरुण वयात होतात विधवा, जीवघेण्या आजारामुळे गावात वाढलं वैधव्य
भोंदू बाबा अशोक खरात प्रकरणात मोठा ट्विस्ट! रुपाली चाकणकर ED च्या रडारवर
पत्रकार परिषदेत रोहित पवार यांनी काही महत्त्वाचे मुद्दे उपस्थित केले. “शेवटच्या क्षणी नेमके काय घडले, याचा शोध घेतला पाहिजे. ट्रान्सपॉन्डर का बंद होता? धावपट्टी 11 वर उतरवण्याचा प्रयत्न का करण्यात आला? धावपट्टी 29 वर लँडिंग झाले असते, तर अपघात टाळता आला असता का?” असे प्रश्न त्यांनी विचारले.
तसेच, दृश्यमानतेबाबतही त्यांनी शंका व्यक्त केली. “DGCA च्या मार्गदर्शक तत्त्वांनुसार 5000 मीटर दृश्यमानता आवश्यक असताना 3000 मीटरवर लँडिंग का करण्यात आली? कमी दृश्यमानतेत उतरण्याचा निर्णय योग्य होता का? पायलटच्या भूमिकेबाबतही स्पष्टता हवी,” अशी मागणी त्यांनी केली.
या सर्व प्रश्नांच्या पार्श्वभूमीवर DGCA च्या पाहणीमुळे बारामती विमानतळाच्या सुरक्षा मानकांबाबत लवकरच स्पष्टता येण्याची अपेक्षा व्यक्त केली जात आहे.
