अकोला शहरातील डॉ. बाबासाहेब आंबेडकर खुलेनाट्यगृह येथे आज भाजपाचे प्रदेशाध्यक्ष रवींद्र चव्हाण यांची प्रचार सभा आयोजित करण्यात आली होती. मात्र ही सभा ऐनवेळी रद्द करण्यात आल्याची अधिकृत घोषणा भाजपकडून करण्यात आली आहे. या निर्णयामुळे भाजप कार्यकर्ते आणि समर्थकांमध्ये चर्चेला उधाण आले आहे.
भाजपकडून देण्यात आलेल्या माहितीनुसार, मुंबई आणि आसपासच्या महानगरपालिकांच्या आगामी निवडणुकांच्या पार्श्वभूमीवर केंद्रीय गृहमंत्री अमित शहा यांच्या उपस्थितीत भाजपची महत्त्वाची कोर कमिटी बैठक आयोजित करण्यात आली आहे. या बैठकीला प्राधान्य देण्यात आल्याने रवींद्र चव्हाण यांचा संपूर्ण नियोजित विदर्भ दौरा रद्द करण्याचा निर्णय घेण्यात आला आहे. अमित शहा यांचा हा दौरा रात्री उशिरा निश्चित झाल्यामुळे पक्षाने तातडीने कार्यक्रमात बदल केला.
अकोल्यातील प्रचार सभेसाठी मोठ्या प्रमाणात तयारी करण्यात आली होती. खुलेनाट्यगृह परिसरात बॅनर, फलक लावण्यात आले होते तसेच कार्यकर्त्यांची उपस्थितीही मोठ्या संख्येने अपेक्षित होती. मात्र वरिष्ठ पातळीवरील बैठकीला महत्त्व असल्याने सभा रद्द करण्याचा निर्णय घेण्यात आला, असे पक्षाने स्पष्ट केले आहे.
Related News
महाराष्ट्र भाजप कार्यकारिणी फेरबदल: पडळकर, उपाध्ये, महाडिक यांना महत्वाची जबाबदारी
अकोला औद्योगिक परिसरात ‘घोणस’ सापाचे जोडपे आढळले ; सर्पमित्रांची धाडसी कारवाई
5 मोठ्या बदलांसह Maharashtra Cabinet Reshuffle 2026: शिवसेनेतील 2 मंत्र्यांना डच्चू?
भारत-अमेरिका व्यापार करारामुळे भारतीय शेतकऱ्यांवर संकट? शेतकरी विकास मंचाची तीव्र चिंता
अजित पवार यांच्या शेवटच्या सभेतील उमेदवार विजयी ; राष्ट्रवादीला खेड तालुक्यात मोठं यश
नैऋत्य दिशेचा ‘दुर्भाग्याचा’ दरवाजा; शिंदे गटाने कार्यालय नाकारले
अजित पवारांच्या अस्थींचे काटेपूर्णा प्रकल्पात भावनिक विसर्जन
अजित पवार यांच्या निधनानंतर राष्ट्रवादीत 7 जबरदस्त राजकीय घडामोडी
या संदर्भात भाजपचे प्रवक्ते गिरीश जोशी यांनी माहिती देताना सांगितले की, पक्षाच्या दृष्टीने ही कोर कमिटी बैठक अत्यंत महत्त्वाची आहे. मुंबईसह इतर महानगरपालिकांच्या निवडणुकीसाठी धोरणात्मक निर्णय घेण्यासाठी ही बैठक बोलावण्यात आली असून त्यामुळे रवींद्र चव्हाण यांचा विदर्भ दौरा तात्पुरता रद्द करण्यात आला आहे. लवकरच नव्या तारखा जाहीर करण्यात येतील, असेही त्यांनी स्पष्ट केले.
“अमित शहा यांच्या उपस्थितीत होणारी कोर कमिटी बैठक पक्षासाठी अत्यंत महत्त्वाची आहे. त्यामुळे रवींद्र चव्हाण यांचा विदर्भ दौरा आणि अकोल्यातील सभा रद्द करण्याचा निर्णय घ्यावा लागला. पुढील काळात नवीन कार्यक्रम जाहीर केला जाईल.”दरम्यान, सभा रद्द झाल्याने कार्यकर्त्यांमध्ये काही प्रमाणात नाराजी दिसून आली असली तरी पक्षशिस्त आणि वरिष्ठ नेतृत्वाच्या निर्णयाला प्राधान्य देत भाजप कार्यकर्त्यांनी संयम राखल्याचे चित्र आहे.
— गिरीश जोशी, भाजप प्रवक्ते
read also : https://ajinkyabharat.com/7-powerful-ways-to-boost-your-thyroid-health-important-tips-for-men-and-women/
