अकोला जिल्ह्यातील मूर्तिजापूर तालुक्यात घडलेल्या एका प्रेरणादायी घटनेत, बेशुद्ध पडलेल्या विद्यार्थिनीने रुग्णालयाच्या खाटेवरूनच बारावीचा गणिताचा पेपर सोडवला. प्रशासनाच्या तत्परता आणि संवेदनशीलतेमुळे तिचे शैक्षणिक वर्ष वाया जाण्यापासून वाचले.
हिरापूर येथील अनंतराव देशमुख ज्युनियर कॉलेजमध्ये शिक्षण घेणारी श्रेया गुणवंतराव देशमुख ही २१ फेब्रुवारी रोजी परीक्षा केंद्रावर गणिताचा पेपर देण्यासाठी उपस्थित होती. मात्र सकाळी सुमारे १०:५० वाजता तिची प्रकृती अचानक बिघडली आणि ती चक्कर येऊन बेशुद्ध पडली. केंद्रावरील कर्मचारी आणि तिच्या पालकांनी तातडीने तिला मूर्तिजापूर येथील महाजन रुग्णालयात दाखल केले.
रुग्णालयात उपचार सुरू असतानाच प्रकृतीत थोडी सुधारणा झाल्यावर श्रेयाने पेपर देण्याची इच्छा व्यक्त केली. ही माहिती मिळताच विभागीय अध्यक्ष संदीप सांगवे यांनी तत्काळ दूरध्वनीद्वारे मार्गदर्शन करत विशेष परवानगी दिली. त्यानुसार परीक्षा केंद्र क्रमांक २०१, श्री गाडगे महाराज विद्यालय येथून प्रश्नपत्रिका व उत्तरपत्रिका पोलिसांच्या बंदोबस्तात सकाळी ११:५० वाजता रुग्णालयात पोहोचवण्यात आली.
Related News
अकोला Water Crisis: ६०० मिमी जलवाहिनी दुर्घटनाग्रस्त, २ दिवस पाणीपुरवठा खंडित; हजारो नागरिकांना मोठा फटका
NEET 2026 Crisis : निकालाच्या भीतीने विद्यार्थिनीचं टोकाचं पाऊल, कुटुंबावर दुःखाचा डोंगर
8 लाख विद्यार्थ्यांचा संताप! ‘Luck Factor’मुळे पेपरवर मोठा वाद, AI सुद्धा पडले गोंधळात
Maharashtra Government Decision: एकल महिलांसाठी 7 मोठे बदल; सरकारी योजनांचा लाभ मिळणार अधिक सोपा
अकोल्यात भीषण पाणीटंचाईने नागरिक हैराण, 8 महिन्यांच्या खोदकामाने उद्ध्वस्त जीवन!
फक्त 500 रुपयांसाठी 10 लाखांचे नुकसान; 18 एकर शेती पेटवणारा आरोपी पोलिसांच्या ताब्यात
45°C उष्णतेचा कहर! अकोल्यातील केळी बागा पिवळ्या; हजारो शेतकऱ्यांवर भीषण संकट
अकोला काँग्रेसमध्ये मोठा नेतृत्व बदल! महेंद्र गवई महानगराध्यक्ष, प्रकाश तायडे ग्रामीण जिल्हाध्यक्ष नियुक्त
अकोल्यात प्रेमाच्या नावाखाली फसवणूक! मोबाईलमधून उघड झाला प्रियकराचा धक्कादायक काळा चेहरा;
बळीराजाच्या ‘माऊली’शी खेळ! अकोल्यात कृषी विभागाची धडक कारवाई; 92 लाखांचा बोगस खतसाठा जप्त
या संपूर्ण प्रक्रियेदरम्यान गोपनीयतेचे सर्व नियम पाळण्यात आले. महिला पोलीस कर्मचारी सरला वारोदे यांची सुरक्षा व्यवस्था म्हणून नियुक्ती करण्यात आली, तर पर्यवेक्षक म्हणून ढोकणे यांनी संपूर्ण वेळ देखरेख केली. तसेच पर्यवेक्षक वैशाली रामटेके आणि उपपर्यवेक्षक मोहम्मद इब्राहिम अली यांनी सीसीटीव्ही कॅमेऱ्याच्या देखरेखीखाली विद्यार्थिनीला पेपर लिहिण्यास मदत केली.
प्रशासनाच्या या माणुसकीपूर्ण आणि संवेदनशील भूमिकेमुळे श्रेयाने नियोजित वेळेत आपला पेपर पूर्ण केला. या घटनेमुळे प्रशासनाच्या कार्यपद्धतीचे कौतुक होत असून, एका विद्यार्थिनीचे शैक्षणिक नुकसान टळले आहे.
