पाकिस्तानशी संपर्क साधणाऱ्या अभियंत्याला न्यायालयाने सुनावली शिक्षा
नागपूर: पाकिस्तानसाठी हेरगिरी करून भारताची सुरक्षा, सार्वभौमत्व आणि अखंडता धोक्यात टाकणाऱ्या ब्रह्मोस एयरोस्पेस कंपनीतील अभियंता निशांत प्रदीपकुमार अग्रवाल (२८) याला मुंबई उच्च न्यायालयाच्या नागपूर खंडपीठाने सोमवारी तीन वर्षे कारावासाची सुधारित शिक्षा सुनावली. न्यायमूर्तीद्वय अनिल किलोर आणि प्रवीण पाटील यांनी हा निर्णय दिला.
निशांत अग्रवाल नेहरूनगर, रुडकी (उत्तराखंड) येथील मुळ रहिवासी असून भारत-रशिया संयुक्त उपक्रम असलेल्या ब्रह्मोस एयरोस्पेस कंपनीच्या नागपूर प्रकल्पात सिस्टिम इंजिनियर पदावर कार्यरत होता. तो उज्ज्वलनगर येथील भाड्याच्या घरात राहत होता.
सत्र न्यायालयाने त्याला ३ जून २०२४ रोजी माहिती तंत्रज्ञान कायद्याच्या कलम ६६-एफ अंतर्गत जन्मठेप, शासकीय गुपिते कायद्याच्या कलम ३(१)(सी) अंतर्गत १४ वर्षे, तर कलम ५(१)(ए)(बी)(सी)(डी) आणि ५(३) अंतर्गत तीन वर्षे सश्रम कारावास व तीन हजार रुपये दंडाची शिक्षा सुनावली होती. त्यानंतर अग्रवालाने या निर्णयाविरुद्ध उच्च न्यायालयात अपील दाखल केली होती.
Related News
TET Exam Shocking Order : महाराष्ट्रातील शिक्षकांना ‘पदोन्नती नको!’ मुंबई उच्च न्यायालयाचा प्रशासनांना धडक आदेश
नागपूरमध्ये भाजप वॉर्ड अध्यक्ष सचिन साहूची भरदिवसा हत्या – आर्थिक वादात राजकीय दहशत
High Court Alimony Order : हायकोर्टाचा घटस्फोटीत पतीला मोठा दणका; पोटगी 7 पट वाढली, दरमहा 3.5 लाख देण्याचे आदेश
महिलेला पिरियड्सची तारीख विचारणे: कायद्यानुसार गुन्हा किंवा फक्त गैरसमज? जाणून घ्या 7 महत्वाच्या गोष्टी
LOUVRE पासवर्डमुळे जगभरात चर्चा: $102 दशलक्ष ज्वेल्स चोरीची थरारक घटना
रामटेक तलावातील दुर्दैवी घटना: चार जणांचा २४ तासांत बुडून मृत्यू!
मतदार यादी प्रकरणात मुंबई हायकोर्टाचा मोठा धक्का
Court ची मोठी भूमिका: शिवाजी महाराजांचे नाव सर्वांचे
भिवापूर हादरलं! 14 वर्षांच्या मुलाचा मृत्यू
हवामान खात्याचा ‘हायअलर्ट’; १८ जुलैपर्यंत राज्यात मुसळधार
माजी सैनिकांसाठी आता आरोग्य उपचार योजना.
अखेर दीक्षाभूमीवरील अंडरग्राऊंड पार्किंगच्या कामाला स्थगिती!
तपासानुसार, अग्रवाल पाकिस्तानमधून नेहा शर्मा आणि पूजा रंजन या नावाने फेसबुक तसेच सेजल कपूर नावाने लिंक्ड-इन अकाऊंट चालवत होता. लखनौ एटीएसला मिळालेल्या माहितीनुसार, अग्रवाल भारताच्या सुरक्षा विभागातील काही कर्मचार्यांशी संपर्क साधत होता. त्यानुसार त्याला ८ ऑक्टोबर २०१८ रोजी अटक करण्यात आली होती.
सदर प्रकरणातून भारताच्या संरक्षणात्मक यंत्रणेला गंभीर हानी पोहोचवण्याचा प्रयत्न झाल्याचे स्पष्ट झाले आहे.
read also : https://ajinkyabharat.com/new-vice-chancellor-of-agricultural-school-dr-vilas-kharche/
