अकोट तालुक्यातील मौजे चंडिकापूर येथे पंधरावा वित्त आयोगांतर्गत करण्यात आलेल्या नाली व पेव्हर ब्लॉकच्या कामांमध्ये भ्रष्टाचार झाल्याचा आरोप ग्रामस्थांनी केला आहे. या प्रकरणाची सखोल चौकशी करून दोषींवर कारवाई करावी, अशी मागणी विक्रम रमेश इंगळे यांनी पंचायत समिती अकोटचे गटविकास अधिकारी यांच्याकडे लेखी तक्रारीद्वारे केली आहे.
तक्रारीनुसार, गावातील गोपाल मोरे ते श्रीकृष्ण चौधरी यांच्या घरापर्यंत तसेच रवींद्र वाशिमकार ते गोपाल वैद्य यांच्या घरापर्यंत नाली बांधकाम करण्यात आले आहे. मात्र या कामांच्या दर्जाबाबत आणि खर्चाबाबत शंका उपस्थित करण्यात आली असून त्याची तांत्रिक तपासणी करण्याची मागणी करण्यात आली आहे.
याशिवाय, जिल्हा परिषद प्राथमिक मराठी शाळेत पेव्हर ब्लॉक बसविण्यासाठी एक लाख ३० हजार रुपयांचा निधी मंजूर झाला होता. परंतु प्रत्यक्षात काम न करता पूर्ण झाल्याचे दाखवून बिल काढण्यात आल्याचा गंभीर आरोप करण्यात आला आहे. त्यामुळे निधीचा अपहार झाल्याची शक्यता व्यक्त करण्यात येत आहे.तसेच, ग्रामपंचायत सदस्याने स्वतःच्या जागेत बोरवेल करून त्यावर वैयक्तिक मालकी हक्क गाजवल्याचाही मुद्दा तक्रारीत नमूद करण्यात आला आहे.
Related News
“‘काय पाहतोस?’ म्हणत सुरू झाला वाद… अकोल्यात चहाच्या टपरीवर 17 वर्षीय मुलाचा खून ; पोलिसांची 6 तासांत अचूक कारवाई!”
Akola Crime News : अकोल्यात चोरट्यांचा धुमाकूळ, मलकापूर परिसर दरोडेखोरांच्या टार्गेटवर; सतर्क नागरिकामुळे मोठी चोरी टळली
अकोल्यात प्रतिष्ठानच्या गोडाऊनला भीषण आग; लाखोंचे नुकसान
शेरवाडी ग्रामपंचायतीवर २४ लाखांच्या कामात भ्रष्टाचाराचे गंभीर आरोप
सौदळा–वारखेड परिसरात वाघाचा धुमाकूळ, एका रात्रीत सहा जनावरांचा फडशा; शेतकऱ्यांत भीतीचे वातावरण
ऑपरेशन ‘प्रहार’ची अकोट ग्रामीण पोलिसांची मोठी कारवाई, जुगार अड्ड्यावर धाड; सहा जण ताब्यात, १.२२ लाखांचा मुद्देमाल जप्त
रामापूरमध्ये घरकुल योजनेत अन्याय?, 40 वर्षांपासून राहणाऱ्या चामलाटे कुटुंबाला अजूनही घर नाही
Amravati ZP Education Scam : 2026 मध्ये CEO मंजुरीतून नियमभंगाचे खळबळजनक प्रकार
लाखपुरीच्या शेतकरी पुत्राचे तिहेरी यश ; शुभम इंगळे यांची RRB PO, SBI JA आणि CBI CSA पदांवर निवड
भाजप-एमआयएम युतीनंतर आमदारांवरील कारवाई फक्त चर्चेत !
भंडाराजजवळ भीषण अपघात; स्विफ्ट–एसटी बसमध्ये धडक, एक ठार
या सर्व प्रकरणात संबंधित ठेकेदार, ग्रामपंचायत सरपंच, ग्रामसचिव आणि कनिष्ठ अभियंता यांनी संगनमताने शासन निधीचा अपहार केल्याचा आरोप असून, त्यांच्यावर तात्काळ फौजदारी गुन्हे दाखल करावेत, तसेच अपहार झालेली रक्कम वसूल करावी, अशी मागणी करण्यात आली आहे.
दरम्यान, या तक्रारीमुळे पंचायत समिती प्रशासनाच्या कामकाजावर प्रश्नचिन्ह निर्माण झाले असून, प्रशासन काय भूमिका घेते याकडे ग्रामस्थांचे लक्ष लागले आहे.
