वाशिम जिल्हा: वाशिम पोलीस विभागाने पुन्हा एकदा धडक कारवाई करत एका आरोपीला देशी बनावट पिस्टलसह ताब्यात घेतले आहे. वाशिम जिल्ह्यातील स्थानिक गुन्हे शाखेच्या सततच्या प्रयत्नांमुळे शहरातील गुंडप्रवृत्तीचे प्रकरणे कमी करण्यासाठी पोलिसांनी ठोस पावले उचलली आहेत. विशेषतः अशा इसमांवर लक्ष ठेवले जाते, जे प्रसारमाध्यमांत फोटो-व्हिडीओ शेअर करून भितीचे वातावरण निर्माण करतात.
दिनांक ९ फेब्रुवारी २०२६ रोजी स्थानिक गुन्हे शाखेला गोपनिय माहिती मिळाली की, पंचशिल नगर परिसरात एका व्यक्तीकडे देशी बनावट पिस्टल आहे. ही माहिती मिळताच पोलीस निरीक्षक प्रदीप परदेशी यांच्या मार्गदर्शनाखाली तत्काळ एक तातडीची टिम तयार करण्यात आली. पंचशिल नगर परिसरात शोधाशोध करताना, महादेव मंदिराजवळ आरोपी उभा असल्याचे निदर्शनास आले.
पोलीस ताब्यात येताच आरोपी पळून जाण्याचा प्रयत्न करत होता, परंतु पोलिसांनी त्याला ताब्यात घेऊन अंगझडती केली. आरोपीच्या जवळून एक स्टीलची देशी बनावट पिस्टल, ज्यावर दोन्ही बाजूंना ब्राऊन रंगाचे फायबर ग्रीप आणि पिवळे रंगाचे स्टार कोरलेले होते, तसेच मॅगझिनमध्ये दोन जिवंत राउंड आढळले.
Related News
लोकलमध्ये महिलेला बेल्टने मारहाण, 12 तासांत आरोपी अटकेत; म्हणाला ‘ती महिला नव्हती तर…’
Kalyan Dombivli News : भिवंडी दुर्घटना, डोंबिवली घरफोडी ते नवी मुंबई ड्रग्स कारवाई; मोठ्या घडामोडी एका क्लिकवर
पुणे Crime News: 1 वर्ष महाविद्यालयीन तरुणीवर चौघांकडून कथित लैंगिक अत्याचार; धक्कादायक प्रकरणात 4 आरोपी अटक, संतापाची लाट
दिल्लीत आंदोलनाचा भडका, मुंबईत 15 दिवसांसाठी जमावबंदी; पोलिसांनी सांगितलं खरं कारण
CJP च्या संसद मार्चदरम्यान गोंधळ; विद्यार्थ्यांना रोखताना पोलिसांकडून लाठीचार्ज
CJP च्या ‘संसद मार्च’मुळे दिल्ली हाय अलर्ट; 5 हजार सुरक्षा जवान तैनात, प्रतिबंधात्मक आदेश लागू
मोठी दुर्घटना! भरधाव ट्रेनची शाळेच्या व्हॅनला धडक; 2 विद्यार्थ्यांचा जागीच मृत्यू
मुंबई हादरली! कोस्टल रोड टनेलमध्ये कारला आग, 500 हून अधिक गाड्या अडकल्या
धक्कादायक! उमरा गावात चवताळलेल्या माकडाचा हैदोस; 10 दिवसांत 3 जण जखमी
5 धक्कादायक खुलासे: पेरोलवर सुटलेल्या गुन्हेगाराने लुटीनंतर तुरुंगातच घेतला आश्रय, पोलिसांनी उघड केला मोठा डाव
7 दिवसांनंतरही कारवाई नाही! अश्विनी भिडेंच्या कठोर आदेशानंतरही मॅनहोल दुर्घटनेतील कंत्राटदारावर निर्णय रखडला
धक्कादायक! सीलबंद पाण्याच्या बाटलीत ॲसिड? 7 मोठे खुलासे, तरुणीची प्रकृती गंभीर
आरोपीने स्वतःचे नाव पवन चिंतामण जोरेवार, वय २२ वर्ष, रा. पंचशिल नगर, वाशिम असे सांगितले. पोलीसांनी त्याला वाशिम शहर पोलीस स्टेशनच्या ताब्यात दिले असून, त्याने हे शस्त्र कधी, कोणाकडून आणि कशासाठी आणले याबाबत तपास सुरू आहे.
ही कारवाई मा. पोलीस अधीक्षक श्री. अनुज तारे यांच्या मार्गदर्शनाखाली, अपर पोलीस अधीक्षक श्रीमती लता फड, उपविभागीय पोलीस अधिकारी श्री. नवदीप अगरवाल, पोलीस निरीक्षक प्रदीप परदेशी, स्थानिक गुन्हे शाखेच्या सपोनि योगेश धोत्रे आणि त्यांच्या टीमच्या अथक परिश्रमांमुळे शक्य झाली.
वाशिम पोलीस विभाग सततच्या धडक मोहिमांद्वारे गुन्हेगारांवर कडक कारवाई करत असून, शहरातील नागरिकांना सुरक्षित वातावरण देण्यासाठी कटिबद्ध आहे. अशी कारवाई पोलीस प्रशासनाच्या तत्परतेचा आणि नागरिकांच्या सुरक्षेसाठी असलेल्या वचनबद्धतेचा नमुना आहे.
