छत्रपती संभाजीनगरमध्येच ठाकरे गटाचे पराभूत उमेदवार
सुरेश बनकर यांची भाजपमध्ये घरवापसी होऊन दहा दिवसही
लोटले नसताना, आता परदेशींनीही पुन्हा भाजपचा झेंडा हाती घेण्याचा निर्णय घेतला
छत्रपती संभाजीनगर : विधानसभा निवडणुकीच्या तोंडावर भाजपला रामराम ठोकून शिवसेना (उद्धव बाळासाहेब ठाकरे)
पक्षात प्रवेश करणारे डॉ. दिनेश परदेशी यांनी मोठा निर्णय घेतला आहे. परदेशींनी ठाकरे गटाला
‘जय महाराष्ट्र’ करत भाजपमध्ये घरवापसी करण्याचा निर्णय घेतला आहे. वैजापूर विधानसभा मतदारसंघातून निवडणूक
Related News
कांवड यात्रेमुळे दिल्ली-देहरादून राष्ट्रीय महामार्ग वाहतुकीसाठी बंद; ११ जुलैपासून नियमन लागू
अकोला जिल्ह्यात आत्महत्याग्रस्त शेतकऱ्यांची संख्या ८० वर; २५ वर्षांत ३१९७ शेतकरी मृत्यूचे भीषण वास्तव
“आम्ही आतंकवादी की दहशतवादी?” – अविनाश जाधव यांचा पोलिसांवर संताप
उरळ पोलिसांची जुगार अड्यावर धाड!
ब्रिक्सवर ट्रम्प यांचे टॅरिफ बॉम्ब; भारतालाही फटका बसणार का?
“वारीच्या वाटेवर शाळेचा उत्सव; भक्तिरसात न्हाल्या चिमुकल्या भावना”
आलेगाव बाभुळगाव रस्ता बनला अपघाताचा
रेल्वे स्थानकावर निंबाच्या झाडाची फांदी तुटली, वन्यजीव सेवेमुळे वाचले साठ बगळे!
महामार्गावर डाळंबी जवळ कार पलटी एक जखमी
मुर्तिजापूर बसस्थानकावर अनोळखी व्यक्तीचा मृतदेह! परिसरात एकच खळबळ, ओळख अद्यापही गूढ!
अकोलखेड येथे गुणवंत विद्यार्थ्यांचा गुणगौरव सोहळा
अकोल्यातील १३५ वर्षांची ‘कच्छी मशीद’ आता डिजिटल; ‘अजान’ थेट मोबाईलवर ऐकता येणार!
लढलेल्या परदेशींना पराभवाचा धक्का बसला होता. त्यानंतर त्यांनी परतीचा रस्ता धरल्याचे दिसते.
परदेशी उद्या भाजपमध्ये प्रवेश करणार असल्याची माहिती मिळत आहे.
छत्रपती संभाजीनगरमध्येच ठाकरे गटाचे पराभूत उमेदवार सुरेश बनकर यांची भाजपमध्ये
घरवापसी होऊन दहा दिवसही लोटले नसताना, आता परदेशींनीही पुन्हा भाजपचा झेंडा हाती घेण्याचा निर्णय घेतला आहे.
एकीकडे कोकणात शिवसेनेचं ऑपरेशन टायगर जोरावर असताना मराठवाड्यात भाजपचं ‘मिशन परत फिरा रे’ अॅक्टिव्ह झाल्याची चर्चा आहे.
कोण आहेत डॉ. दिनेश परदेशी?
दिनेश परदेशी हे वैजापूरचे माजी नगराध्यक्ष आहेत. १५-२० वर्ष परदेशी दाम्पत्याने वैजापूर नगरपालिकेवर सत्ता भूषवली.
त्यांनी नुकत्याच झालेल्या विधानसभा निवडणुकीपूर्वी भाजपला सोडचिठ्ठी दिली.
त्यानंतर शिवसेना (उद्धव बाळासाहेब ठाकरे) पक्ष प्रमुख उद्धव ठाकरे यांच्या उपस्थितीत ‘मातोश्री’वर ठाकरे गटात भव्य पक्षप्रवेश केला.
वैजापूर विधानसभा मतदारसंघातून त्यांनी महाविकास आघाडीच्या वतीने निवडणूक लढवली.
मात्र उपमुख्यमंत्री एकनाथ शिंदे यांच्या नेतृत्वातील शिवसेनेचे डॉ. रमेश बोरनारे यांनी पुन्हा विजयाचा गुलाल उधळला.
९२ हजार मतं मिळवून, जवळपास ४० हजार मतांच्या फरकाने परदेशी पराभूत झाले.
बनकरांचीही घरवापसी
दुसरीकडे, अब्दुल सत्तार यांना पराभूत करण्यासाठी उद्धव ठाकरे यांनी सर्वपक्षीयांना एकत्र येण्याचं आवाहन केलं होतं.
त्यानुसार भाजपला सोडचिठ्ठी देत ‘मशाल’ हाती घेतलेल्या सुरेश बनकर यांना विजयाचा गुलाल उधळता आला नाही.
त्यानंतर अडीच महिन्यांच्या काळात सुरेश बनकर यांनीही भाजपचा झेंडा पुन्हा हाती धरला.
