नागपुरात प्रेमसंबंधातून दुर्दैवी घटना; VIDEO CALL वर प्रियकराने संपवलं आयुष्य, धक्क्यातून प्रेयसीनेही नस कापली
नागपूर : प्रेमसंबंधातील वाद किती टोकाला जाऊ शकतो, याचं धक्कादायक उदाहरण नागपूरातील लकडगंज परिसरात समोर आलं आहे. काही दिवसांत लग्नबंधनात अडकणार असलेल्या एका तरुणाने प्रियसीशी व्हिडिओ कॉलवर बोलत असतानाच गळफास घेत आत्महत्या केली. विशेष म्हणजे प्रियकराचा मृत्यू पाहून मानसिक धक्का बसलेल्या तरुणीनेही हाताची नस कापून आत्महत्येचा प्रयत्न केला. या घटनेमुळे संपूर्ण परिसरात हळहळ व्यक्त केली जात आहे.
मिळालेल्या माहितीनुसार, आयुष (नाव बदललेले नाही) हा दाणागंज परिसरात राहत होता. तो आपल्या आई-वडिलांचा एकुलता एक मुलगा होता. त्याचे आई-वडील शासकीय सेवेत कार्यरत आहेत. आयुष रेल्वे स्थानकावर हाऊसकिपिंगचे काम करत होता. घरासमोर राहणाऱ्या १९ वर्षीय तरुणीशी त्याची ओळख झाली होती. सुरुवातीला मैत्री असलेलं नातं नंतर प्रेमात बदललं.
परिसरात त्यांच्या प्रेमसंबंधाची चर्चा सुरू झाली होती. ही बाब दोन्ही कुटुंबांच्या लक्षात आल्यानंतर त्यांनी या नात्याला विरोध न करता स्वीकार केला होता. दोघांचे लग्न करण्याबाबतही चर्चा सुरू होती. त्यामुळे दोन्ही कुटुंबांत आनंदाचं वातावरण होतं. मात्र, नियतीला काही वेगळंच मान्य होतं.
Related News
रिक्षा-टॅक्सी अन् बस प्रवास महागणार? मुंबईत CNG दरात ₹2 वाढ, लाखो प्रवाशांच्या खिशाला फटका
महागाईचा स्फोट! एप्रिलमध्ये WPI 8.30% वर, पेट्रोल-भाजीपाल्याच्या दरवाढीचा मोठा इशारा
मोदींनी तातडीने सर्वपक्षीय बैठक बोलवावी; राहुल गांधींबाबत मुख्यमंत्र्यांची भाषा अयोग्य, शरद पवारांचा जोरदार हल्लाबोल
मर्सिडिझ-मेबॅक ते लँड क्रुझर; पंतप्रधान मोदींच्या ताफ्यातील 24 गाड्यांचं अभेद्य सुरक्षा कवच
कोयना धरणातील भीषण बोट दुर्घटना! वादळी वाऱ्यामुळे बोट उलटली, बोटचालक बेपत्ता; मुंबईच्या पर्यटकांचा थरारक बचाव
बालेन शाहांचा भारताला आणखी एक धक्का! सीमावर्ती व्यापारावर मोठं संकट
तब्बल 5 महिन्यांत तयार झाली नीता अंबानींची शाही साडी!
4 धडाकेबाज निर्णयांचा वर्षाव! राज्य मंत्रिमंडळाच्या बैठकीत मोठे बदल; शेतकरी, कर्मचारी, शिक्षक, विद्यार्थ्यांना नेमका काय फायदा?
12 दिवसांचा जीवघेणा संघर्ष! ICU सोडण्याचा हट्ट ठरला घातक? प्रतीक यादव यांच्या मृत्यूमागचं धक्कादायक सत्य
२ कोटींचे फ्लॅट, तरीही बादलीभर पाण्यासाठी रांगा! नोएडातील लक्झरी सोसायटीचा धक्कादायक VIDEO व्हायरल
Jalgaon News : लसीकरणानंतर अडीच महिन्यांच्या चिमुकलीचा दुर्दैवी मृत्यू; शवागृहाने नकार दिल्याने आजोबांनी मांडीवर घेत काढली रात्र, 7 धक्कादायक बाबी समोर
काही दिवसांपूर्वी आयुष आणि त्याच्या प्रेयसीमध्ये किरकोळ कारणावरून वाद झाल्याची माहिती समोर आली आहे. या वादामुळे आयुष मानसिक तणावाखाली गेला होता. मंगळवारी रात्री त्याने प्रेयसीला व्हिडिओ कॉल केला. कॉलदरम्यान त्याने अत्यंत भावनिक स्वरात “मला शेवटचं बघून घे” असं सांगितलं आणि अचानक कॉल कट केला.
सुरुवातीला तरुणीला त्याच्या बोलण्याचं गांभीर्य समजलं नाही. मात्र, दुसऱ्या दिवशी सकाळी आयुषची आई त्याला कामावर जाण्यासाठी उठवायला गेली असता त्याने प्रतिसाद दिला नाही. बराच वेळ दार न उघडल्याने कुटुंबीयांनी दार तोडलं. त्यावेळी आयुषने घरात गळफास घेतल्याचं समोर आलं. हा प्रकार पाहून कुटुंबीयांना मोठा धक्का बसला.
घटनेची माहिती मिळताच लकडगंज पोलिस घटनास्थळी दाखल झाले. पोलिसांनी पंचनामा करून मृतदेह शवविच्छेदनासाठी पाठवला. या प्रकरणी अकस्मात मृत्यूची नोंद करण्यात आली आहे. प्राथमिक तपासात आयुषने आत्महत्येपूर्वी मोबाईलमधील काही चॅट्स डिलीट केल्याचं उघड झालं आहे. त्यामुळे पोलिसांनी त्याचा मोबाईल फॉरेन्सिक तपासणीसाठी पाठवला आहे.
विशेष म्हणजे घटनास्थळावरून कोणतीही सुसाइड नोट सापडलेली नाही. त्यामुळे आत्महत्येमागचं नेमकं कारण अद्याप स्पष्ट झालेलं नाही. प्रेमसंबंधातील तणाव, मानसिक दबाव किंवा इतर कोणतं कारण होतं का, याचा तपास पोलिस करत आहेत.
दरम्यान, आयुषच्या मृत्यूची माहिती मिळताच त्याची प्रेयसी पूर्णपणे हादरली. प्रियकराचा मृतदेह पाहिल्यानंतर तिचा मानसिक तोल ढासळला. घरी परतल्यानंतर तिने चाकूने हाताची नस कापून स्वतःचं आयुष्य संपवण्याचा प्रयत्न केला. मात्र, तिच्या आईच्या वेळीच लक्षात आल्याने तिला तातडीने रुग्णालयात दाखल करण्यात आलं. डॉक्टरांनी त्वरित उपचार सुरू केल्याने तिचा जीव वाचला असून तिची प्रकृती स्थिर असल्याची माहिती आहे.
या दुर्दैवी घटनेनंतर परिसरात शोककळा पसरली आहे. एकीकडे लग्नाच्या तयारीत असलेल्या दोन कुटुंबांवर दु:खाचा डोंगर कोसळला असून दुसरीकडे तरुणांमधील मानसिक तणाव आणि भावनिक अस्थिरतेबाबत पुन्हा चर्चा सुरू झाली आहे.
तज्ज्ञांच्या मते, प्रेमसंबंधातील वाद, मानसिक ताण, भावनिक दबाव आणि संवादाचा अभाव यामुळे अनेक तरुण टोकाचे निर्णय घेतात. अशा परिस्थितीत कुटुंबीयांनी आणि मित्रांनी मानसिक आधार देणं अत्यंत महत्त्वाचं असतं. भावनिक क्षणी घेतलेले निर्णय अनेक आयुष्य उद्ध्वस्त करू शकतात.लकडगंज पोलिस या प्रकरणाचा अधिक तपास करत असून मोबाईल फॉरेन्सिक रिपोर्टनंतर आणखी काही धक्कादायक माहिती समोर येण्याची शक्यता व्यक्त केली जात आहे.
