२० वर्षांपूर्वीचा बाळू तुपे हत्याकांड पुन्हा चर्चेत; अशोक खरातनेच तुपेचा खात्मा केला? जितेंद्र आव्हाडांच्या धक्कादायक दाव्याने राजकारणात खळबळ
नाशिकचा कुख्यात भोंदूबाबा, स्वयंघोषित ‘कॅप्टन’ अशोक खरात प्रकरण दिवसेंदिवस गुंतागुंतीचे बनत चालले आहे. लैंगिक शोषण, तांत्रिक साधनांचा गैरवापर, ब्लॅकमेलिंग आणि अनेक महिलांच्या जीवनाचा खेळ केलेल्या या व्यक्तीच्या विरोधात राज्यभरातून आवाज उठत आहे. या पार्श्वभूमीवर राष्ट्रवादी काँग्रेस (शरद पवार गट) चे नेते आणि आमदार जितेंद्र आव्हाड यांनी केलेला एक नवा दावा राज्याच्या राजकारणात भूकंप घालणारा ठरला आहे. आव्हाड यांनी म्हटले आहे की— २० वर्षांपूर्वी पत्रकार बाळू तुपे यांची हत्या अशोक खरातनेच केली होती!
कोण होते पत्रकार बाळू तुपे?
बाळू तुपे हे नाशिकमधील स्थानिक पत्रकार म्हणून ओळखले जात. त्यांच्या धाडसी आणि विवादास्पद पत्रकारितेमुळे ते नेहमी चर्चेत असायचे. शहरातील अवैध धंदे, गुन्हेगारी टोळ्या आणि स्थानिक सत्ताधारी व पोलीस यांच्यातील संबंध यावर ते वारंवार लिखाण करत असत.
त्यांच्यावर काहीजणांकडून गुन्हेगारांना ब्लॅकमेल केल्याचे आरोपही झाले होते. मात्र, २००५ साली त्यांनी नाशिकमधील एका स्थानिक वाहिनीवर अशोक खरातविरोधात विशेष स्टिंग मालिका चालवली. तेव्हाच ते काही शक्तिशाली लोकांच्या निशाण्यावर आले, अशी चर्चा होती.
२००८ मध्ये तुपे यांची झाली निर्घृण हत्या
३१ ऑगस्ट २००८ रोजी नाशिकच्या स्टेट बँक परिसरात बाळू तुपे यांची गोळ्या झाडून हत्या करण्यात आली.
कथितपणे ही घटना एका होर्डिंगवरील वादातून घडली, असा तपास पोलिसांनी केला. या प्रकरणात आठ आरोपींना अटकही झाली—
Related News
अजितदादांच्या मृत्यूनंतर राजकारण तापलं; तटकरेंचा मोठा इशारा
अशोक खरात प्रकरणात चंद्रकांत पाटीलवर गंभीर आरोप, राजीनाम्याची मागणी जोरात
सुनेत्रा पवार यांचा लेटरबॉम्ब: निवडणूक आयोगाकडे राष्ट्रवादीसंदर्भात मोठी मागणी
Ashok Kharat प्रकरणात राजकारण्यांवर कारवाई होणार? मुख्यमंत्र्यांचे मोठे संकेत
8 महिलांचे 35 व्हिडिओ; भोंदू खरातचा घाणेरडा चेहरा उघड
अशोक खरात प्रकरणात नवे वळण; रुपाली चाकणकरांच्या अडचणी वाढणार?
भोंदू खरातसोबत बच्चू कडूचा व्हायरल व्हिडिओ – राजकीय वर्तुळात खळबळ
सभापतींचे आदेश ब्रह्मवाक्य नाही; तुषार दोशी निलंबनावरून विधानपरिषदेत फडणवीसांचे स्पष्टीकरण
भुसावळ पुन्हा हादरले! साकरीत अमानुष मारहाण; तरुणाला विहिरीत फेकलं, पोलिसांनाही धक्काबुक्की
साताऱ्यातील घटनेनंतर शिवसेना शिंदे गट आक्रमक; मित्रपक्षाविरोधात नाराजी वाढली, आमदारांमध्ये ‘सावध राहा’ची कुजबूज
- कुणाल रोकडे
- संदीप रोकडे
- राकेश रोकडे
- चंद्रकांत निकम
- अमित बोरुडे
- शकील अन्सारी
- सागर पगारे
- पवन जाधव
परंतु, पुराव्याअभावी न्यायालयाने सर्वांना निर्दोष मुक्त केले. त्यामुळे या हत्येमागील खरे सुत्रधार कोण? हा प्रश्न कायम अनुत्तरित राहिला.
अव्हाडांचा दावा — ‘खरातनेच तुपेचा खात्मा केला!’
आता २०२६ मध्ये भोंदूबाबा प्रकरण राज्यभर गाजत असताना जितेंद्र आव्हाड यांनी धक्कादायक खुलासा केला आहे. त्यांनी म्हटले —
“बाळू तुपे यांच्या हत्येमागे कॅप्टन अशोक खरातच होता. तुपे यांनी २००५ मध्ये खरातवर मालिका केली होती. त्यानंतर तीन वर्षांनी तुपे यांची हत्या झाली. हे केवळ योगायोग नाही.”
या वक्तव्याने पोलिस आणि राजकीय वर्तुळात खळबळ उडाली आहे.
निर्दोष सुटलेल्या आरोपींचा तिव्र निषेध
२००८ मधील घटनाक्रमातील आरोपी म्हणून अटक झालेले आणि नंतर कोर्टातून सुटलेले आरोपी आता पुढे येत आहेत. त्यांनी स्पष्टपणे सांगितले—
“आम्ही खरातला ओळखतही नव्हतो! २००८ ला नाशिकमध्ये ‘कॅप्टन खरात’ हे नाव कोणी ऐकलेलेही नव्हते. आमचा त्या हत्येशी काही संबंधच नव्हता, म्हणूनच आम्हाला कोर्टाने निर्दोष सोडले.”
या प्रतिक्रियेमुळे प्रकरण आणखीच रहस्यमय झाले आहे.
SIT चा तपास आणि नवे धक्कादायक खुलासे
अशोक खरातविरोधातील तपासाला SIT ने मोठा वेग दिला असून, अनेक धक्कादायक माहिती समोर येत आहे. मुख्यमंत्री देवेंद्र फडणवीस यांनी विधानसभेत दिलेल्या माहितीनुसार—
- एकूण ८ महिलांचे ३५ अश्लील आणि जबरदस्तीचे व्हिडिओ जप्त
- खरात तांत्रिक साधनं, तंत्र-मंत्र, भोंदूगिरी वापरून महिलांचे लैंगिक शोषण करत असे
- त्याच्याच जवळच्या साथीदाराने हे व्हिडिओ उघड केले
खरातच्या गुन्ह्यांचा नेटवर्क किती खोल आहे? याची कल्पना यावरूनच येते.
बाळू तुपे प्रकरणाचा पुन्हा तपास होणार का?
अव्हाडांच्या विधानामुळे आता २००८ च्या हत्येचा मुद्दा पुन्हा चर्चेत आला आहे.
अनेकांकडून मागणी होत आहे की—
तुपे हत्याकांडाचा SIT मार्फत नव्याने तपास व्हावा
खरातचा या हत्येत भूमिका तपासावी
फोन रेकॉर्ड, जुन्या फाइल्स आणि लोकांचे स्टेटमेंट्स पुन्हा पाहावेत
राजकीय दबाव वाढत असून, पोलिसांकडून या दिशेने हालचाल होण्याची शक्यता वर्तवली जात आहे.
अशोक खरात प्रकरण फक्त लैंगिक शोषण, भोंदूगिरी आणि फसवणुकीपुरते मर्यादित नाही. त्याच्या जाळ्यात राजकारणी, पोलीस, गुन्हेगारी टोळ्या, स्थानिक प्रभावशाली मंडळी यांचे मजबूत संबंध असल्याची शक्यता तपासात पुढे येत आहे.
बाळू तुपे यांच्या मृत्यूचे रहस्य पुन्हा उजेडात येणार की नाही?
खरात खरोखरच त्या हत्येमागे होता का?
राजकीय दबावापोटी जुनी कागदपत्रे दडपली गेली होती का?
या सर्व प्रश्नांची उत्तरं येणाऱ्या SIT च्या तपासात मिळण्याची शक्यता आहे.
