अकोट : अकोला जिल्ह्यातील ग्रामीण आरोग्य सेवांची गुणवत्ता सुधारण्यासाठी जिल्हा परिषद अकोला आरोग्य विभागाने महत्त्वाचे आणि कठोर पाऊल उचलले आहे. प्राथमिक आरोग्य केंद्रांवरील वैद्यकीय अधिकारी आणि कर्मचाऱ्यांनी मुख्यालयात राहूनच सेवा देण्याचे आदेश वारंवार देऊनही त्याचे पालन होत नसल्याचे निदर्शनास आले आहे. त्यामुळे जिल्हा आरोग्य अधिकाऱ्यांनी तातडीने दखल घेत संबंधितांकडून दोन दिवसांत सविस्तर अहवाल सादर करण्याचे निर्देश दिले आहेत.
जिल्हा आरोग्य अधिकाऱ्यांनी जारी केलेल्या (जा.क्र. ४६१ व ४६१२/२०२६) पत्रांमध्ये स्पष्ट नमूद करण्यात आले आहे की, अनेक नागरिकांकडून डॉक्टर मुख्यालयात उपस्थित राहत नसल्याच्या सातत्याने तक्रारी येत आहेत. तसेच स्थानिक वृत्तपत्रांमध्येही याबाबत वारंवार बातम्या प्रसिद्ध झाल्याने प्रशासनाने ही बाब गांभीर्याने घेतली आहे. यापूर्वीही २०२३ आणि २०२५ मध्ये सूचना देणारी अनेक पत्रे पाठवण्यात आली होती; मात्र परिस्थितीत अपेक्षित सुधारणा झालेली दिसून आली नाही.
प्राथमिक आरोग्य केंद्रांवरील वैद्यकीय अधिकाऱ्यांनी त्यांच्या कार्यक्षेत्रात राहून मातृ व बाल आरोग्य सेवा, लसीकरण, आपत्कालीन प्राथमिक उपचार, संसर्गजन्य आजारांवर नियंत्रण, कुटुंब नियोजन, आरोग्य जनजागृती यांसह एकूण १३ प्रकारच्या अत्यावश्यक सेवा देणे बंधनकारक आहे. डॉक्टर मुख्यालयात राहत नसल्यास रुग्णांना वेळेवर उपचार मिळत नाहीत आणि ग्रामीण भागातील आरोग्य व्यवस्थेवर त्याचा विपरीत परिणाम होतो.
Related News
हुतात्म्यांचे विचार नव्या पिढीपर्यंत पोहोचवणे गरजेचे; अमित आझाद यांचे प्रतिपादन
शेतकऱ्यांच्या पाठीशी महाराष्ट्र शासन खंबीर; ओला दुष्काळासाठी केंद्राकडे प्रस्ताव पाठवणार – कृषिमंत्री भरणे
दुष्काळात काजू-बादामावर ताव; व्हिडीओ व्हायरल झाल्यानंतर फडणवीस म्हणाले, “अशा गोष्टी टाळल्या पाहिजेत”
DJ च्या दणदणाटाचा मंत्र्यालाच फटका! गुलाबराव पाटलांचा दावा; एका कानाने 40% ऐकू येईना
“तुम्ही आडवे या, मराठ्यांना एक जरी काठी लागली तर…” Manoj Jarange Patil चा सरकारला थेट इशारा!
मोठी बातमी! एकनाथ शिंदेंच्या ओएसडी आणि फोटोग्राफरचे विमान लंडनऐवजी थेट झ्युरिकला; तांत्रिक बिघाडाने उडाली खळबळ
Nepal मध्ये पुन्हा महासंकट! पुरानंतर काठमांडू हादरले; 5.0 तीव्रतेच्या भूकंपाने भीती
मुंबईत दहीहंडीला गालबोट! दुपारी 12 वाजेपर्यंत 22 गोविंदा जखमी
IMD Alert : महाराष्ट्रासह 17 राज्यांना वादळी पावसाचा महाअलर्ट! ताशी 60 किमी वेगाने वारे
मतदार यादीवरून राज्यात राजकीय रणकंदन; 250 BLA उद्धव ठाकरेंच्या भेटीला!
Manoj Jarange Patil पुन्हा आक्रमक; भुजबळांवर बोचरी टीका, म्हणाले…
Chief Minister Devendra Fadnavis ऑक्टोबरच्या दुसऱ्या आठवड्यात अकोल्यात; 1 हजार कोटींच्या विकासकामांचे लोकार्पण!
या पार्श्वभूमीवर प्रत्येक प्राथमिक आरोग्य केंद्राचा केंद्रनिहाय अहवाल, संबंधित डॉक्टर व कर्मचाऱ्यांची नावे नमूद करून, दोन दिवसांत सादर करण्याचे आदेश देण्यात आले आहेत. तसेच तालुका आरोग्य अधिकाऱ्यांनाही प्रत्यक्ष शहानिशा करून वस्तुस्थितीचा अहवाल सादर करण्याच्या सूचना देण्यात आल्या आहेत. अहवालात गैरहजेरी किंवा नियमभंग आढळल्यास संबंधितांवर प्रशासकीय कारवाई होण्याची शक्यता व्यक्त केली जात आहे.
ग्रामीण भागातील नागरिकांना दर्जेदार आणि तत्पर आरोग्य सेवा मिळाव्यात, यासाठी प्रशासनाने हा निर्णय घेतल्याचे सांगितले जात आहे. या कारवाईमुळे प्राथमिक आरोग्य केंद्रांची कार्यक्षमता वाढेल आणि रुग्णांना वेळेवर उपचार मिळण्यास मदत होईल, अशी अपेक्षा व्यक्त होत आहे.
read also : https://ajinkyabharat.com/scout-guide-movements-human-ghadvanare-teaching-rendered-by-aa-prakash-bharsakale/
