मूर्तिजापूर (प्रतिनिधी): शहरातील स्टेशन विभागातील सत्संग भवन परिसरातून १५ वर्षीय अल्पवयीन मुलगी अचानक बेपत्ता झाल्याची धक्कादायक घटना उघडकीस आली आहे. नंदीनी दत्तात्रय राउत असे बेपत्ता मुलीचे नाव असून, याप्रकरणी मुर्तिजापूर शहर पोलीस ठाण्यात अज्ञात इसमाविरुद्ध गुन्हा दाखल करण्यात आला आहे. या घटनेमुळे परिसरात चिंतेचे वातावरण निर्माण झाले असून, पोलिसांनी शोधमोहीम सुरू केली आहे.
मिळालेल्या माहितीनुसार, शनिवार दिनांक ७ फेब्रुवारी २०२६ रोजी सायंकाळी सुमारे ५:३० वाजण्याच्या दरम्यान नंदीनी ही कोणालाही काहीही न सांगता घरातून बाहेर पडली. सुरुवातीला ती काही वेळात परत येईल, असा कुटुंबीयांना अंदाज होता. मात्र बराच वेळ उलटूनही ती घरी न परतल्याने कुटुंबीयांची चिंता वाढली.
यानंतर तिचे काका विजय सुभाष राउत (वय ४५) यांनी तत्काळ शोध सुरू केला. त्यांनी आजूबाजूचा परिसर, मित्रमैत्रिणींची घरे, रेल्वे स्टेशन, बस स्थानक तसेच नातेवाईकांकडे चौकशी केली. मात्र सर्वत्र शोध घेऊनही नंदीनीचा कोणताही ठावठिकाणा लागला नाही. अखेर पर्याय नसल्याने त्यांनी मुर्तिजापूर शहर पोलीस ठाण्यात धाव घेत तक्रार नोंदवली.
Related News
Satara Murder 2026: नवी मुंबईतील हवालदाराने मैत्रिणीशी अनैतिक संबंधाच्या संशयातून तरुणाची क्रूर हत्या केली
Beed Crime Shock: PSI Pallavi Jadhav यांच्या धाडीत बालविवाह उधळला – नवरदेव फरार, 60 जणांवर गुन्हा | 10 मोठे धक्कादायक तपशील
Navi Mumbai Drink and Drive Crash : धक्कादायक इनोव्हा थैमान ! 10 वाहनांना धडक – जाणून घ्या संपूर्ण प्रकरण
Babu Bhai Prajapati Case : 20 रुपयांच्या लाचेपासून निर्दोष मुक्तता ते धक्कादायक मृत्यू – 30 वर्षांची वेदनादायी कहाणी
Nagpur Wine Shop Theft Shock: 1 आठवड्यात 3 दुकाने फोडली; लाखोंची चोरी उघड, पोलिसांवर गंभीर प्रश्न
Pune Crime Shock: जुन्या मैत्रिणीवरून मित्राचा रक्तरंजित हल्ला – 30 टाके, CCTV मध्ये कैद थरारक घटना
Danger Alert: Korean Lover Game मुळे 3 बहिणींचा दुर्दैवी अंत; पालकांसाठी मोठा इशारा
Chakan Murder Case : धक्कादायक 7 दिवसातील हत्या उलगडलेली रहस्यं
Nagpur News (1 Power Alert): धक्कादायक! 13 वर्षीय मुलीवर नात्यातील 3 अल्पवयीनांकडून 4 महिने अत्याचार; 1098 कॉलने उघड केलं काळं सत्य
Bihar Crime Murder Case: धक्कादायक प्रेमहत्येचा कट! मफलरमुळे चुकीचा टार्गेट, निष्पाप तरुणाचा मृत्यू – 5 मोठे खुलासे
तक्रारीच्या आधारे पोलिसांनी अपराध क्रमांक १५३/२०२६ नोंदवत भारतीय न्याय संहिता (BNS) कलम १३७(२) अन्वये अज्ञात व्यक्तीविरुद्ध गुन्हा दाखल केला आहे. ठाणेदारांच्या मार्गदर्शनाखाली पोलीस हवालदार प्रभाकर नागे (ब.नं. १५२४) या प्रकरणाचा पुढील तपास करत आहेत. पोलिसांकडून परिसरातील सीसीटीव्ही फुटेज तपासण्याचे काम सुरू असून, संभाव्य ठिकाणी पथके पाठवण्यात आली आहेत.
बेपत्ता मुलीचे वर्णन पुढीलप्रमाणे:
नाव – नंदीनी दत्तात्रय राउत
वय – १५ वर्षे
उंची – सुमारे ५ फूट
रंग – निमगोरा
केस – लांब व काळे
नाक – सरळ
डोळे – काळे
पेहराव – पोपटी रंगाचा टॉप, काळ्या रंगाची जीन्स पँट आणि पायात शूज
अल्पवयीन मुलगी बेपत्ता झाल्याने पोलिसांनी या प्रकरणाकडे गांभीर्याने पाहत शोधकार्याला वेग दिला आहे. तसेच नागरिकांनाही सतर्क राहण्याचे आवाहन करण्यात आले आहे. सार्वजनिक ठिकाणे, बसस्थानके, रेल्वे परिसर आणि गर्दीच्या भागात विशेष लक्ष ठेवण्यात येत आहे.
दरम्यान, अशा घटनांमुळे पालकांनी आपल्या मुलांवर लक्ष ठेवणे, त्यांच्या हालचालींबाबत माहिती ठेवणे आणि कोणतीही संशयास्पद बाब आढळल्यास तात्काळ पोलिसांना कळवणे आवश्यक असल्याचेही पोलिसांकडून सांगण्यात आले आहे.
जर कोणाला या मुलीबाबत कोणतीही माहिती मिळाली, किंवा ती कुठे आढळल्यास दिसली, तर त्यांनी तात्काळ मुर्तिजापूर शहर पोलीस स्टेशन किंवा तपासी अधिकाऱ्यांशी संपर्क साधावा, असे आवाहन पोलिसांनी केले आहे. नागरिकांच्या सहकार्यामुळे मुलीचा लवकरात लवकर शोध लागण्यास मदत होईल, असा विश्वासही पोलिसांनी व्यक्त केला आहे.
read also : http://ajinkyabharat.com/katepurna-sanctuary-celebrates-its-38th-anniversary-with-enthusiasm/
