पुंडा | प्रतिनिधी – दिपक दाभाडे
पुंडा गावात अनेक महत्त्वाच्या शासकीय पदांवर कायमस्वरूपी अधिकारी नसल्यामुळे नागरिकांची कामे अक्षरशः ठप्प झाली आहेत. ग्रामसेवक, तलाठी, कृषी सहाय्यक आणि आरोग्य सेविका हे सर्वच प्रभारी स्वरूपात काम पाहत असल्याने ग्रामस्थांना प्रचंड मनस्ताप सहन करावा लागत आहे.
गावातील ग्रामसेवकांची बदली सुमारे पाच ते सहा महिन्यांपूर्वी झाली असून त्यानंतर अद्याप नियमित ग्रामसेवक नेमण्यात आलेला नाही. सध्या असलेल्या प्रभारी ग्रामसेवकांकडे तीन गावांचा अतिरिक्त कार्यभार असल्याने ते केवळ ग्रामसभेच्या वेळीच गावात दिसतात. त्यामुळे विविध शासकीय कामांसाठी नागरिकांना वारंवार चकरा माराव्या लागत आहेत. “गावाला नियमित ग्रामसेवक द्यावा,” अशी मागणी ग्रामस्थांकडून होत आहे.
Related News
धक्कादायक! अकोट आठवडी बाजारात घाणीचे साम्राज्य; 15 लाखांच्या ठेक्यानंतरही व्यापाऱ्यांचा संताप
8 वर्षांची वेदना संपणार? कल्याण लोकग्राम स्कायवॉकसाठी लाखो प्रवाशांची धोकादायक प्रतीक्षा
प्रेरणादायी कहाणी! 300 वर्षांपूर्वीचे जीवन जगणारे 56 लोक – साधेपणात सापडले खरे सुख
ग्रामीण जिल्ह्यांनी 36% मोटार प्रीमियम योगदान दिले
शेरवाडी ग्रामपंचायतीवर २४ लाखांच्या कामात भ्रष्टाचाराचे गंभीर आरोप
शेत रस्त्याचे काम थातूरमातूर ; प्रशासन झोपेत ? मळसूर परिसरातील प्रकार; लाखो रुपयांच्या निधीवर प्रश्नचिन्ह
ऊसाच्या शेतात भीषण आग; शॉर्ट सर्किटमुळे मोठे नुकसान, तातडीच्या भरपाईची मागणी
अकोट–अकोला मार्गावर खड्ड्यांचे साम्राज्य ; संबंधित विभागाच्या दुर्लक्षामुळे अपघाताचा धोका वाढला
परभणीत ठाकरेंच्या शिवसेनेचे सय्यद इकबाल महापौर, तर काँग्रेसचा उपमहापौर
गट ग्रामपंचायत वारी पिंपरखेडकडून जलशुद्धीकरण केंद्रांना नोटीस; अवैध बांधकामाचा धोका
अकोला शहरात पतंग उडवताना युवक गंभीर जखमी
पातूर तालुक्यातील सावरगाव विहिरी सर्वेक्षणात घोटाळ्याची चौकशी सुरू
कोतवाल पदाचीही परिस्थिती काहीशी अशीच आहे. अनेक वर्षांनंतर हे पद भरले गेले होते; मात्र संबंधित कोतवालांच्या अकाली निधनानंतर जवळपास १४ महिन्यांपासून ही जागा रिक्त आहे. कोतवाल हा महसूल विभागातील गावपातळीवरील महत्त्वाचा कर्मचारी असून जमिनीचे रेकॉर्ड सांभाळणे, महसूल गोळा करणे आणि सरकारी टपाल पोहोचवणे ही त्यांची प्रमुख जबाबदारी असते. हे पद रिक्त असल्याने कामाचा अतिरिक्त ताण तलाठ्यावर आला आहे.
तलाठीही सुट्टीवर असल्यामुळे गावात प्रभारी व्यवस्थेवरच काम सुरू आहे. कृषी सहाय्यकांचे मुख्यालय पुंडा येथे असले तरी त्यांच्या अखत्यारीत तब्बल बारा गावे असल्याने त्यांनाही पूर्णवेळ लक्ष देणे शक्य होत नाही.
प्राथमिक आरोग्य उपकेंद्राचीही अवस्था वेगळी नाही. येथे आरोग्य सेविका प्रभारी असून कर्मचारी प्रामुख्याने लसीकरणाच्या दिवशीच उपस्थित दिसतात. परिणामी, आरोग्य सेवांवरही परिणाम होत असल्याची तक्रार ग्रामस्थांनी केली आहे.
सहा वर्षांपासून पोलिस पाटील पद रिक्त
गावातील पोलिस पाटील पद सुमारे सहा वर्षांपासून रिक्त आहे. महाराष्ट्र ग्राम पोलीस अधिनियम, १९६७ नुसार पोलिस पाटील हे गावातील कायदा व सुव्यवस्था राखणे, गुन्ह्यांची माहिती पोलिसांना देणे आणि गावात शांतता राखण्याचे काम करतात. पोलीस आणि गावकरी यांच्यातील महत्त्वाचा दुवा असलेले हे पद रिक्त असल्याने स्थानिक प्रशासनावर त्याचा परिणाम होत आहे.
“शासनाने आमचे गाव वाऱ्यावर सोडल्यासारखे वाटते. सर्व कर्मचारी प्रभारी असल्याने नागरिकांना त्यांचा शोध घेत फिरावे लागते. प्रशासनाने याकडे गांभीर्याने लक्ष देणे गरजेचे आहे.”
— सुधाकर पाटील पुंडकर, उपसरपंच, ग्रामपंचायत पुंडा
“पोलिस पाटील आणि कोतवाल पदे रिक्त आहेत, त्यात ग्रामसेवकही प्रभारी. एवढे मोठे गाव असूनही सर्वच पदे प्रभारी असतील तर शासनाने आमचे गाव वाळीत टाकले का?”
— नरेश पाटील पुंडकर, सदस्य, ग्रामपंचायत पुंडा
