पाकिस्तानशी संपर्क साधणाऱ्या अभियंत्याला न्यायालयाने सुनावली शिक्षा
नागपूर: पाकिस्तानसाठी हेरगिरी करून भारताची सुरक्षा, सार्वभौमत्व आणि अखंडता धोक्यात टाकणाऱ्या ब्रह्मोस एयरोस्पेस कंपनीतील अभियंता निशांत प्रदीपकुमार अग्रवाल (२८) याला मुंबई उच्च न्यायालयाच्या नागपूर खंडपीठाने सोमवारी तीन वर्षे कारावासाची सुधारित शिक्षा सुनावली. न्यायमूर्तीद्वय अनिल किलोर आणि प्रवीण पाटील यांनी हा निर्णय दिला.
निशांत अग्रवाल नेहरूनगर, रुडकी (उत्तराखंड) येथील मुळ रहिवासी असून भारत-रशिया संयुक्त उपक्रम असलेल्या ब्रह्मोस एयरोस्पेस कंपनीच्या नागपूर प्रकल्पात सिस्टिम इंजिनियर पदावर कार्यरत होता. तो उज्ज्वलनगर येथील भाड्याच्या घरात राहत होता.
सत्र न्यायालयाने त्याला ३ जून २०२४ रोजी माहिती तंत्रज्ञान कायद्याच्या कलम ६६-एफ अंतर्गत जन्मठेप, शासकीय गुपिते कायद्याच्या कलम ३(१)(सी) अंतर्गत १४ वर्षे, तर कलम ५(१)(ए)(बी)(सी)(डी) आणि ५(३) अंतर्गत तीन वर्षे सश्रम कारावास व तीन हजार रुपये दंडाची शिक्षा सुनावली होती. त्यानंतर अग्रवालाने या निर्णयाविरुद्ध उच्च न्यायालयात अपील दाखल केली होती.
Related News
“व्हाईट हाऊस गोळीबारात 3 धक्कादायक खुलासे: काश पटेलबाबत खळबळजनक दावा – मोठा सनसनाटी रिपोर्ट”
“धक्कादायक! Donald Trump यांच्या कार्यक्रमात गोळीबार; सुरक्षा कर्मचाऱ्याचा थरारक बचाव
31 मृत्यूंच्या प्रकरणात ‘पुरावेच नाहीत’ – हायकोर्टाचा कठोर निर्णय
16 वर्षांनंतर न्यायाचा विजय! विपुल अमृतलाल शाह प्रकरणात निर्माते दोषी
डॉ. बाबासाहेब आंबेडकरांना महावितरण–महानिर्मितीतर्फे विनम्र अभिवादन
छत्तीसगढ: अमित जोगीला रामावतार जग्गी हत्याकांडात आजीवन कारावास
मुख्य गेट तोडून दिल्ली विधानसभेत कार घुसली; सुरक्षेतील मोठा बिघाड उघड
वाठोडा परिसरात भीषण आग, 33 केव्हीच्या चार मुख्य केबल जळून खाक
‘त्यांनी माझ्याशी गुप्तपणे लग्न केलं’; राजेश खन्नांच्या कथित गर्लफ्रेंडला मुंबई उच्च न्यायालयाचा झटका
एसटी महामंडळाच्या ढिसाळ कारभारामुळे आरक्षित तिकिटांसाठी प्रवाशांचा त्रास वाढला
नरहरी झिरवाळ प्रकरण: मंत्रिपदासाठी ‘राजकीय विकेट पाडण्याचा खेळ’, माजी मंत्र्याचा सहभाग? वडेट्टीवारांचा गंभीर आरोप
तपासानुसार, अग्रवाल पाकिस्तानमधून नेहा शर्मा आणि पूजा रंजन या नावाने फेसबुक तसेच सेजल कपूर नावाने लिंक्ड-इन अकाऊंट चालवत होता. लखनौ एटीएसला मिळालेल्या माहितीनुसार, अग्रवाल भारताच्या सुरक्षा विभागातील काही कर्मचार्यांशी संपर्क साधत होता. त्यानुसार त्याला ८ ऑक्टोबर २०१८ रोजी अटक करण्यात आली होती.
सदर प्रकरणातून भारताच्या संरक्षणात्मक यंत्रणेला गंभीर हानी पोहोचवण्याचा प्रयत्न झाल्याचे स्पष्ट झाले आहे.
read also : https://ajinkyabharat.com/new-vice-chancellor-of-agricultural-school-dr-vilas-kharche/
