बोरगाव मंजू पोलिस ठाण्याच्या हद्दीत अन्वी मिर्झापूर येथील एका घराला शनिवारी सायंकाळी ४.३० वाजता अचानक आग लागली. या आगीच्या तांडवात घरातील ७० वर्षांचे किसन मारोती करडे होरपळून मृत्यूमुखी पडले.घटनेनंतर गावकऱ्यांनी धाव घेत आग विझविण्याचे प्रयत्न केले, ज्यामुळे घरातील इतर रस्त्यावरील घरं जळून खाक होण्यापासून वाचली. ग्रामस्थांनी तत्काळ पाणी आणून आगीवर नियंत्रण मिळवले, त्यामुळे मोठा अनर्थ टळला.
सूत्रांनी दिलेल्या माहितीनुसार, आगीचे कारण घरावरील विद्युत वाहिनीच्या तारांमधील घर्षण असावे, अशी प्राथमिक माहिती मिळते. घटनेची माहिती मिळताच पोलिस उपनिरीक्षक मनोज उघडे, हेडकॉन्स्टेबल सतिष हाडोळे, सुदिप राऊत आणि दत्तात्रय कुटे घटनास्थळी दाखल झाले. त्यांनी पंचनामा करून मृतदेह उत्तरीय तपासणीसाठी शासकीय रुग्णालयात दाखल केला.
घरातील इतर सदस्य कृटुंब मोलमजुरीसाठी बाहेर असल्याने त्यांचा जीव वाचला. पोलिसांनी घटनास्थळाची नोंद घेत पुढील तपास ठाणेदार अनिल गोपाळ यांच्या मार्गदर्शनाखाली सुरू केला आहे.गावासह परिसरात किसन मारोती करडे यांच्या दुर्दैवी मृत्यूमुळे हळहळ व्यक्त केली जात आहे, तर ग्रामस्थांच्या तत्परतेमुळे इतर घरांचे प्राण आणि मालमत्ता वाचली, हे मान्य केले जात आहे.
Related News
3 जणांचा हृदयद्रावक मृत्यू! सोलापुरात आई-लेकरांचा तलावात बुडून दुर्दैवी अंत
बच्चू कडूंवर हत्येच्या कटाचा आरोप; अमरावतीत गुन्हा दाखल
अशोक खरात प्रकरण: व्हिडिओ व्हायरल केल्यास सावधान! कोपरगाव पोलिसांची कडक कारवाई, दोघांना अटक, एक फरार
“मम्मी, पप्पा…मला माफ करा: शिवाजी विद्यापीठात इशिताची गळफास घेत आत्महत्या ”
