जिल्ह्यातील ब्रम्हपुरी पोलीस स्टेशन येथे कु. स्नेहल राजकुमार एकवणकर वयवर्ष 29 रा. नागभीड, हिने येऊन तक्रार दाखल केली की, मी आपल्या मावस बहिणीच्या लग्नाला गेली असता कोणी तरी अज्ञात चोरट्याने घरात शिरुन Acer कंपनीचे लॅपटॉप व इतर सामान चोरून नेले. अशा तक्रारीवरून पो.स्टे. ब्रम्हपूरी पोलीस स्टेशन येथे संबंधीत कलमान्वये गुन्ह्याची नोंद करून तपासाला सुरुवात करण्यात आली.
दरम्यान सदर गुन्ह्याचा तपास करीत असताना पोलिसांना गुप्त माहिती मिळाली की, एक इसम लॅपटॉप विक्रीच्या उद्देशाने बाजारात फिरत आहे. लगेच शोध घेत पोलिसांनी त्याच्या राहत्या घरी जावून विचारपूस केली असता त्याने गुन्ह्याची कबुली दिली. मदनलाल भैयाजी हॉल मधील एका रूम मधून जूना वापरता लॅपटॉप माझ्या मित्रासह चोरून नेल्याचे त्याने सांगितले. शेषराव सत्यवान गेडाम वयवर्ष 19 रा. हत्तीगोटा ता. ब्रह्मपूरी, असे आरोपीचे नाव असून त्याच्याकडून पोलिसांनी 20 हजार रुपये किंमतीचा लॅपटॉप जप्त केला आहे. अवघ्या 24 तासात आरोपीला ताब्यात घेऊन पोलिसांनी गुन्हा उघड केला आहे.
सदरची कारवाई जिल्हा पोलीस अधीक्षक मुम्मका सुदर्शन, अपर पोलीस अधीक्षक ईश्वर कातकडे, ब्राह्मपूरीचे उपविपो. अधिकारी राकेश जाधव यांच्या मार्गदर्शनात पोनि. प्रमोद बानबले यांच्या नेतृत्वात, सपोनि. मनोज खडसे, पोहवा. मुकेश गजबे, पोशि. इरशाद खान, निलेश तुमसरे, स्वप्निल पळसपगार, वशिष्ठ रंगारी, चंदू कुलसंगे यांनी केली आहे.
Related News
संकट वाढलं! अमरावतीत १८.८१ कोटी थकीत, जलपुरवठा प्रकल्प धोक्यात
क्रूर निष्काळजीपणा? 4 तास उशिरा उपचार; कैद्याचा अंधाऱ्या कोठडीत अंत
डोंबिवलीत धक्कादायक प्रकार! 1 व्हिडिओने उघड केली जीवघेणी स्टंटबाजी
कोल्हापूर धक्कादायक कांड: सावकारावर अत्याचाराचा आरोप, 300 अश्लील व्हिडिओ प्रकरणात मोठा खुलासा
TCS Nashik Case: 5 धक्कादायक खुलासे – विवाहितेवर लैंगिक छळ, IT कंपनीत मोठा घोटाळा उघड
