पुणे : बारामतीचा विकास नेमका केला कोणी हे सांगताना पवार कुटुंबात वाकयुद्ध रंगलं आहे. संस्था कोणी काढल्या, कंपन्या कोणी आणल्या ते सांगण्याचा प्रयत्न दोन्ही बाजूनं अगदी जोरकसपणे सुरू आहे. शरद पवारांच्या बाजूनं त्यांचे नातू रोहित पवार खिंड लढवत आहेत. तर अजित पवार पुतण्या रोहितला उत्तर देत शरद पवारांवर अप्रत्यक्षपणे टीका करत आहेत. रोहित पवारांचं शिक्षण कुठे झालं, याचा मुद्दा अजित पवारांनी रविवारी एका भाषणात उपस्थित केला. आता त्यावरुन काका, पुतण्यात चांगलीच जुंपली आहे. त्यामुळे बारामतीतलं वातावरण तापलं आहे.
अजित पवारांनी रोहित यांच्या शिक्षणाचा विषय रविवारच्या भाषणात काढला. ‘काहीजण वालचंदनगरला शिकत होते, कारण सरळ आहे. त्यावेळी फक्त वालचंदनगरलाच चांगलं शिक्षण मिळत होतं बारामतीत मिळत नव्हतं,’ असं म्हणत अजित पवारांनी रोहित पवारांना उत्तर दिलं. शरद पवारांनी विद्या प्रतिष्ठान काढली हा मुद्दा अजित पवारांनी खोडून काढण्याचा प्रयत्न केला.
काका अजित पवारांच्या टिकेला आता रोहित पवारांनी उत्तर दिलं आहे. ‘मी किती शिकलोय, काय शिकलोय, याच्याशी काय घेणं देणं आहे? मी बारामती, वालचंदनगर, मुंबई या ठिकाणी शिकलो. मी ग्रॅज्युएट आहे. मला डबल ग्रॅज्युएट व्हायचं होतं. मात्र मला होता आलं नाही. कारण माझ्या वडिलांच्या व्यवसायात अडचणी आल्या होत्या. वडील अडचणीत असताना वडिलांबरोबर राहणं, ही आपली परंपरा आहे,’ असं म्हणत रोहित यांनी काकांना प्रत्युत्तर दिलं.
Related News
“धडाकेबाज 5 मोठे निर्णय! शरद पवारांच्या हाय-लेव्हल बैठकीतून राजकीय रणनितीचा जबरदस्त प्लॅन उघड”
“पवार साहेबांनी केलेलं वक्तव्य महत्त्वाचं”; मोदींच्या कौतुकावर मुख्यमंत्र्यांची मोठी प्रतिक्रिया
ईडीची मोठी कारवाई! मुंबई-दुबईत खळबळ, अंडरवर्ल्ड डॉन इक्बाल मिर्चीच्या कुटुंबाची 700 कोटींची मालमत्ता जप्त
राष्ट्रवादीत वाढता अंतर्गत संघर्ष! सुनेत्रा पवार मैदानात; तटकरे-पटेल यांच्याशी थेट चर्चा, मोठा निर्णय लवकर?
मोठी राजकीय घडामोड! शिवसेनेत प्रवेशानंतर आनंद परांजपे थेट शरद पवारांच्या सिल्व्हर ओकवर
‘ब्यूटी पार्लर ते हेलिकॉप्टर बिल’; अजित पवार गटात नेमकी ती महिला कोण?
“सुनील तटकरे प्रदेशाध्यक्षच राहणार”, राष्ट्रवादीची पत्रकार परिषद; रोहित पवारांवर गंभीर आरोप
NCP मध्ये मोठा राजकीय भूकंप! प्रफुल्ल पटेल शरद पवारांच्या संपर्कात? सिल्व्हर ओक भेटीने वाढल्या 7 मोठ्या चर्चांना उधाण
पार्थ पवारांवर शिंदे गटाच्या मंत्र्यांचा निशाणा; “तक्रार करण्याएवढा मोठा नेता नाही”, संजय शिरसाट यांचं खळबळजनक वक्तव्य
अजितदादांच्या निधनानंतर राष्ट्रवादीत खळबळ; पार्थ पवारांवरून मोठा वाद उफाळला
मोदींनी तातडीने सर्वपक्षीय बैठक बोलवावी; राहुल गांधींबाबत मुख्यमंत्र्यांची भाषा अयोग्य, शरद पवारांचा जोरदार हल्लाबोल
परदेशी जाऊन शिकण्याची माझी इच्छा होती. माझे दोन भाऊ जय आणि पार्थ हे भारताच्या बाहेर शिकले, याचा मला आनंद आहे. कितीही शिकलं, पण आपल्याला आपले विचारच जगता आले नाही तर काय उपयोग? असा सवाल करत रोहित पवारांनी काकांना टोला लगावला. मी आजी, आजोबांचा, वडिलांचा विचार जपत असल्याचं म्हणत त्यांनी अजित पवारांना सुनावलं.बारामती तालुक्यातील देऊळगाव रसाळ या ठिकाणी त्यांनी माध्यमांशी संवाद साधला. यावेळी ते बोलत होते.
