राज्यात मान्सून लवकर दाखल झाला असून अनेक भागांत जोरदार पावसाने हजेरी लावली आहे.
मात्र, कृषी विभागाने शेतकऱ्यांना तत्काळ पेरणी न करण्याचा सल्ला दिला आहे.
वापसा (जमिनीत योग्य ओल व स्थिती) येईपर्यंत थांबण्याची सूचना कृषी विभागाने स्पष्टपणे केली आहे.
Related News
अमेरिका–इराण तणाव पुन्हा वाढला; युद्धाची भीती गडद
सलग 11 दिवस तेजी; वेदांताचा शेअर ऑल-टाइम हायवर
8वा वेतन आयोग: किमान वेतन थेट ₹69,000? मोठी मागणी समोर
SIP गुंतवणुकीत वाढ, पण म्युच्युअल फंड ग्रोथ स्लो; काय म्हणते आकडेवारी?
वापसा आल्यानंतरच करा पेरणी – कृषी विभाग
राज्याच्या विविध भागात झालेल्या मान्सूनपूर्व पावसामुळे जमिनीत पुरेशी ओल आली आहे.
पण ज्या भागात अति पाऊस झाला आहे, तिथे जमिनीतील ओल सरकण्यासाठी थोडा वेळ लागणार आहे.
त्यामुळे त्या भागातील शेतकऱ्यांनी वापसा आल्यानंतरच पेरणी करावी, असं आवाहन कृषी विभागाने केलं आहे.
34 हजार हेक्टरवरील पिकांचं नुकसान
मान्सूनपूर्व पावसामुळे राज्यभरात जवळपास 34,000 हेक्टर क्षेत्रावरील
पिकांचं नुकसान झाल्याची माहिती मिळाली आहे.
याबाबत पंचनाम्याचे आदेश देण्यात आले असून त्याचा अहवाल लवकरच
राज्य शासनाकडे सादर केला जाणार आहे, असं पुणे विभागाचे कृषी संचालक र. शा. नाईकवाडी यांनी सांगितलं.
पावसाच्या अलर्टसची माहिती
भारतीय हवामान विभागानुसार पुढील तीन दिवसांत राज्यातील अनेक भागांमध्ये मुसळधार पावसाची शक्यता आहे.
रेड अलर्ट: मुंबई, ठाणे, रायगड, रत्नागिरी, पुणे, सातारा (घाट परिसर)
ऑरेंज अलर्ट: सोलापूर, कोल्हापूर, सांगली, बीड, लातूर, धाराशिव, सिंधुदुर्ग
येलो अलर्ट: उर्वरित महाराष्ट्र
समुद्र खवळलेला, भरतीचे स्वरूप वाढले
मुंबई व कोकण किनारपट्टी भागात अरबी समुद्र खवळलेला असून मोठ्या लाटा उसळत आहेत.
त्यामुळे किनारी भागात राहणाऱ्या नागरिकांनी सावध राहण्याचे आवाहन करण्यात आले आहे.
सारांश: शेतकऱ्यांनी घाई न करता, जमिनीचा वापसा झाल्यानंतरच पेरणी करावी.
यामुळे पिकांचं नुकसान टाळता येईल आणि उत्पादनात वाढ होईल,
असा स्पष्ट सल्ला कृषी विभागाकडून देण्यात आला आहे.
Read Also : https://ajinkyabharat.com/pandharichi-wari-chitrapatal-muktachi-bhumika-sakaranari-actress-acts-today/
