तेल्हारा तालुक्यात अपघातांची मालिका सुरूच; ऑटोचा चक्काचूर, पोलीस घटनास्थळी दाखल.
खापरखेड : तालुक्यात अपघातांची मालिका सुरूच असून, तेल्हारा-खापरखेड रस्त्यावरील खापरखेड फाट्यावर आज सायंकाळी एक कार आणि ऑटो यांच्यात भीषण अपघात झाला. या दुर्घटनेत एका ऑटो प्रवाशाचा रुग्णालयात नेत असताना दुर्दैवी मृत्यू झाला असून, ऑटोमधील इतर प्रवासी गंभीर जखमी झाले आहेत.मिळालेल्या माहितीनुसार, भरधाव वेगात असलेल्या कारने ऑटोला जोरदार धडक दिली. धडक इतकी भीषण होती की, ऑटोचा अक्षरशः चक्काचूर झाला आहे, तर कारचेही मोठे नुकसान झाले आहे. अपघातानंतर गंभीर जखमींना तातडीने ॲम्बुलन्स व्हॅनने अकोला येथील ग्रामीण रुग्णालयात पुढील उपचारांसाठी दाखल करण्यात आले आहे.
या अपघातामुळे तेल्हारा-खापरखेड मार्गावर काही काळ वाहतुकीची कोंडी झाली होती. या अपघाताची माहिती मिळताच पोलीस तातडीने घटनास्थळी दाखल झाले आहेत. ठाणेदार तुनकलवार यांच्या मार्गदर्शनाखाली पुढील कायदेशीर कार्यवाही सुरू आहे. मात्र, या घटनेची अद्यापपर्यंत कोणतीही औपचारिक गुन्ह्याची नोंद करण्यात आलेली नाही. तेल्हारा परिसरात अपघातांच्या वाढत्या घटनांमुळे नागरिकांनी चिंता व्यक्त केली आहे.
Related News
3 मार्गांनी किरण मजुमदार-शॉ बेंगळुरू रस्त्यांच्या दुरुस्तीमध्ये बदल घडवू शकतात, पी. चिदंबरम यांची प्रतिक्रिया
मुंबई-बिहार कर्मभूमी एक्सप्रेसमध्ये अपघात, तीन युवक रेल्वेखाली पडले ,30 ते 35 वयोगटातील दोन युवक
5 धक्कादायक तथ्य: स्योहारा प्रकरण – पतीचा अश्लील व्हिडीओ, ब्लॅकमेल आणि हत्येचा कट
समृद्धी महामार्ग अपघात: वाशीम जिल्ह्यात 2 विदेशी पर्यटक ठार, 4 जखमी
Akot Vanpal Threat Case 2025: अवैध वृक्षतोड प्रकरणात वनपालाला जीविताची धमकी,अकोट पोलिस ठाण्यात तक्रार दाखल
शिवसेना पदाधिकाऱ्यांच्या कारचा भीषण अपघात; 1 मृत्यू, 5 जखमी
अवैध हातभट्टी दारू विक्रेत्यावर धडक कारवाई –16 हजारांचा मुद्देमाल जप्त,आरोपी ताब्यात!
