पोलिस तपासात मोठा ट्विस्ट ,पती आरोपीस अटक तर पत्नी आरोपीचा शोध सुरू.
महान ते पातूर रस्त्यावरील जलशुद्धीकरण केंद्र वसाहत चे बाजूला प्रादेशिक वन विभाग C 67 जंगलात घडलेल्या दुहेरी मृत्यू प्रकरणाने संपूर्ण महान परिसर हादरून गेला होता.
प्रादेशिक वन विभाग C 67 जंगलातील वन तळ च्या भिंतीवरील एका निंबाच्या झाडाला एकाच दोरी च्या सहाय्याने दोन व्यक्तींची मृतदेह लटकलेल्या अवस्थेत आढळून आल्याने घटना स्थळ वरील परिस्थिती लक्षात घेता हा अपघात,घातपात की आत्महत्या ? या बाबत अनेक तर्क वितर्क रंगत असतानाच आता या प्रकरणाला धक्कादायक वळण मिळाले आहे.
मृतकांची ओळख किशोर बळीराम सोनटक्के वय 40 वर्षे राहणार कानडी ( घोटा ) तालुका मुर्तिजापूर जिल्हा अकोला आणि दुसरे मृतक किशोर मारुती बोडखे वय 55 वर्ष राहणार वरुड ( बू! ) तालुका मंगरूळपीर जिल्हा वाशिम अशी असून दोघेही मृतक हे 9 मे पासून घरातून बेपत्ता झाले होते.मृतक किशोर बळीराम सोनटक्के यांचे कुटुंबीयांनी 10 मे रोजी रात्री उशिरा पिंजर पोलिस ठाण्यात मिसिंग ची तक्रार दाखल केली होती.तर दुसरे मृतक किशोर मारुती बोडखे यांच्या कुटुंबीयांनी सुद्धा मंगरूळपीर पोलिस ठाण्यात मिसिंग ची तक्रार दाखल केल्याचे समजते.
मृतक किशोर बळीराम सोनटक्के याने आत्महत्या पूर्वी आपल्या भाच्याला व्हाट्सअप वरती मेसेज करून एक चिठ्ठी पाठवल्याची माहिती समोर आली.त्या मेसेज नंतर नातेवाईकांमध्ये भीतीचे वातावरण निर्माण झाले होते. आणि नातेवाईकांनी मृतक किशोर बळीराम सोनटक्के याचा महान धरण परिसरात शोध घेण्यास सुरुवात केली होती.
पोलिसांनी घटनास्थळी पोहोचून पंचनामा केला असता जंगलातील भयावह दृश्य पाहून सर्वांनाच धक्काच बसला.
Related News
राम मंदिर देणगी चोरी प्रकरणात मोठा ट्विस्ट; चंपत रायंसह तिघांना क्लिनचिट
VIDEO : ट्रेनमध्ये टीसीने तिकीट मागितलं, महिलेने थेट कपडे फाडले; नेमकं काय घडलं?
8 महिन्यांची चिमुकली मध्यरात्री अंथरुणातून गायब; नाशिकमध्ये खळबळ
Budhaditya Rajyog 2026 : बुधादित्य राजयोगाचा शुभ प्रभाव! पुढील 10 दिवस ‘या’ 6 राशींसाठी ठरू शकतात खास
EPFO चा डबल धमाका! वेतन मर्यादा 25 हजारांवर; 7 लाखांचा विमा 10.5 लाख होणार?
चांदीवाल आयोगाचा अहवाल सार्वजनिक करा; रोहित पवारांचे मुख्यमंत्री फडणवीसांना थेट आव्हान
पावसाची प्रतीक्षा संपली! लातूरसह मराठवाड्यात वादळी वाऱ्यासह पावसाची जोरदार हजेरी
Disha Salian प्रकरणाच्या चर्चेदरम्यान राज ठाकरेंची सूचक पोस्ट; म्हणाले, ‘तूर्तास एवढेच!’
‘अमृताताई हिंदू असतील तर बाहेर येतील’; हळदी-कुंकवावरून मनोज जरांगे पाटील यांचे मोठे वक्तव्य
‘मी आयुष्यात 22 उपोषणं केली…’; Manoj Jarange Patilच्या आंदोलनावर अण्णा हजारेंचं मोठं वक्तव्य
Rani Mukerji : राणी मुखर्जीचं अस्खलित मराठी भाषण; ‘जय हिंद… जय महाराष्ट्र’ म्हणत जिंकली महाराष्ट्राची मनं!
EPFOची मोठी घोषणा! 17 वर्षांपूर्वी पात्र कर्मचाऱ्यांना मिळणार खास संधी; PF सोबत पेन्शन-विम्याचाही लाभ
जसजसा तपास पुढे सरकत गेला तसतसे अनेक धागेदोरे समोर येऊ लागले.मृतकांनी नातेवाईकांना केलेले शेवटचे फोन कॉल, व्हाट्सअप वरील मेसेज आणि घटनास्थळावरील परिस्थिती यामुळे संशय अधिक गडद झाला होता.अखेर तपासादरम्यान मृतक किशोर बळीराम सोनटक्के याच्या खिशातून मिळालेल्या मृत्यूपूर्व चिठ्ठीने संपूर्ण प्रकरणाचे गूढ उलगडले.
मृतक किशोर बळीराम सोनटक्के याने चिठ्ठीत निलेश मोतीराम चौधरी,आणि त्याची पत्नी पूजा निलेश चौधरी यांच्या मानसिक छळ,धमक्या आणि त्रासाला कंटाळून आत्महत्या करत असल्याचा गंभीर उल्लेख केलेला आहे.
या धक्कादायक खुलाश्यानंतर बार्शिटाकळी पोलिसांनी अपराध नंबर 394/2026 अन्वये भारतीय न्याय संहिता कलम 108, 3 ( 5 ) अंतर्गत गुन्हा दाखल केला असून आरोपी निलेश मोतीराम चौधरी यास अटक करून ताब्यात घेतले आहे.तर दुसरी आरोपी निलेश चौधरी ची पत्नी पूजा निलेश चौधरी हिचा शोध घेणे सुरू असल्याची माहिती बार्शिटाकळी पोलिसांनी दिली. दोघे पती,पत्नी आरोपींनी वरील दोन्ही मृतकांना कोणत्या कारणाने मरण्यास प्रवृत्त केले याचा तपासात लवकरच पर्दाफाश होणार आहे.पुढील तपास वरिष्ठ अधिकाऱ्यांच्या मार्गदर्शनाखाली पोलिस उप निरीक्षक बाळू पवार हे करीत आहे.
