नाशिकमधील सिन्नर येथील भोंदूबाबा अशोक खरात प्रकरणामुळे राज्यात मोठी खळबळ उडाली आहे. या प्रकरणात राष्ट्रवादी काँग्रेसच्या अडचणीत आलेल्या रुपाली चाकणकरांना राज्य महिला आयोगाच्या अध्यक्षपदाचा राजीनामा द्यावा लागला. अशोक खरातवर महिलांना मंत्र-तंत्राच्या सहाय्याने संमोहित करून लैंगिक अत्याचार केल्याचा आरोप आहे.
या प्रकरणावरून शिवसेना ठाकरे गटाच्या फायरब्रँड नेत्या सुषमा अंधारे यांनी रुपाली चाकणकरांवर टीका केली आहे. चाकणकरांना जर खरोखरच नैतिकतेची जाणीव असती, तर त्यांनी प्रकरण समोर आल्यानंतर त्वरित राजीनामा दिला असता, असे सुषमा अंधारे म्हणाल्या. त्यांच्या मते, शेवटच्या क्षणापर्यंत पद वाचवण्यासाठी चाकणकरांनी धडपड केली, त्यामुळे हा राजीनामा केवळ हकालपट्टीसारखा आहे.
सुषमा अंधारे यांनी आपल्या फेसबुक पोस्टमध्ये लिहिले:
Related News
मोठी घडामोड! रुपाली चाकणकरांना राजीनाम्याचे आदेश? भोंदूबाबा प्रकरण तापलं
“अजितदादांवर काळी जादू?” अशोक खरात प्रकरणात राष्ट्रवादी नेत्याचा स्फोटक दावा
31 मार्चपूर्वी थकबाकी वसुलीवर भर; संचालक राजेंद्र पवारांचे स्पष्ट निर्देश
एचडीएफसी बँकेच्या शेअरमध्ये जोरदार घसरण; अतनु चक्रवर्ती यांचा राजीनामा कारणीभूत
रोहित शेट्टीच्या घराबाहेर गोळीबार प्रकरणी फडणवीसांकडून मोठी माहिती
अकोल्यात राजकीय धक्का! मंगेश काळे आणि चार नगरसेवक शिंदे गटात सामील
११ वर्षांची शाळकरी मुलगी, अज्ञात नराधमाचा अचानक ॲसिड हल्ला – पोलिस शोधात!
भाजपाला मोठा धक्का! छत्रपती संभाजीनगर जिल्हा परिषदेवर शिवसेनेच्या दोन्ही गटांची नजर
एकनाथ शिंदेंनंतर उदय सामंत दिल्ली दौऱ्यावर; शिवसेना शिंदे गटात राजकीय चर्चेला उधाण
बीड महिला अत्याचार प्रकरणाची मुंबईतून दखल; महिला आयोगाचा हस्तक्षेप
शिखर बँक घोटाळा प्रकरणात अजित पवार, सुनेत्रा पवार आणि रोहित पवारांना क्लीनचीट; फाईल बंद, न्यायालयाचा निर्णय
“चाकणकरांनी शब्दाची मलमपट्टी करून उगाच केविलवाणी धडपड करू नये. नुसता राजीनामा पुरेसा नाही. गुन्हा दाखल करून त्यांना सह-आरोपी करून अटक होणे जास्त गरजेचे आहे.”
यासोबतच, सुषमा अंधारे यांनी आपल्या व्हॉट्सऍप स्टेटसवर लिहिले:
“मोठेमोठे गार केले गंमतमधी”
https://twitter.com/yogi_9696/status/2035027658342629426
सुषमा अंधारे यांच्या या स्टेटसने राजकीय वर्तुळात जोरदार चर्चा उडवली आहे. त्यांच्या या शब्दांचा अर्थ असा घेतला जातो की, चाकणकरांचा राजीनामा आणि त्यांचं वर्तन लोकांसाठी फक्त रंगमंचावरील एक खेळ आहे, आणि या प्रकरणात खरी जबाबदारी घेणे गरजेचे आहे.
नेमकं प्रकरण काय?
अशोक खरातवर तंत्र-मंत्रांचा वापर करून महिलांवर जिवाची भीती दाखवून शोषण केल्याचा आरोप आहे. या प्रकरणासह राज्यातील दोन इतर गुन्ह्यांचा एकत्रित तपास करण्यासाठी विशेष पोलिस महानिरीक्षक डॉ. मनोज कुमार शर्मा यांच्या आदेशान्वये एसआयटी ने तपास हाती घेतला आहे. राज्य राखीव पोलिस बल गट क्रमांक-१ चे समादेशक तेजस्वी सातपुते (आयपीएस) यांनी तीन दिवसांपासून तपास सुरू केला आहे.सुषमा अंधारे यांच्या पोस्ट आणि व्हॉट्सऍप स्टेटसमुळे राजकीय चर्चेत एक नवीन वळण आलं असून, या प्रकरणातील राजकीय दबाव आणि नैतिकतेवरील चर्चा अजून वाढत आहे.
