अकोल्याच्या शासकीय वैद्यकीय महाविद्यालय व रुग्णालयात (जीएमसीएच) उपचारासाठी आलेल्या एका आदिवासी महिलेने आपल्या आजारी पतीला पाठीवर घेऊन रुग्णालय परिसरात फिरत असल्याचा व्हिडिओ सोशल मीडियावर व्हायरल झाल्यानंतर प्रशासनाला जाग आली आहे. या घटनेमुळे रुग्णालयातील व्यवस्थेवर गंभीर प्रश्नचिन्ह निर्माण झाले असून नागरिकांसह विविध सामाजिक संघटनांनी तीव्र संताप व्यक्त केला होता.
घटनेची दखल घेत राज्याचे वैद्यकीय शिक्षण मंत्री हसन मुश्रीफ यांनी तत्काळ चौकशीचे आदेश दिले होते. त्यानंतर शुक्रवारी आमदार साजिद खान पठाण यांनी शासकीय रुग्णालयाला भेट देऊन परिस्थितीचा आढावा घेतला. यावेळी रुग्णालय प्रशासनासोबत बैठक घेऊन संबंधित घटनेची सविस्तर माहिती जाणून घेतली.
प्राथमिक चौकशीत काही कर्मचाऱ्यांकडून निष्काळजीपणा झाल्याचे समोर आल्यानंतर अधिष्ठाता डॉ. संजय सोनुने यांनी दोन कर्मचाऱ्यांना सक्तीच्या रजेवर पाठवण्याचा निर्णय घेतला आहे. तसेच चौकशी पूर्ण होईपर्यंत संबंधित प्रकरणावर बारकाईने लक्ष ठेवण्यात येणार असल्याचे प्रशासनाने स्पष्ट केले.
Related News
पुणे पदवीधर मतदारसंघाच्या उमेदवारीवरून महायुतीत संघर्ष; राष्ट्रवादीच्या मागणीने नवा ट्विस्ट
Chief Minister Devendra Fadnavis ऑक्टोबरच्या दुसऱ्या आठवड्यात अकोल्यात; 1 हजार कोटींच्या विकासकामांचे लोकार्पण!
कुरणखेडच्या गजानन महाराज विद्यालयाचा कायापालट! माजी विद्यार्थ्यांकडून 10 हून अधिक भौतिक सुविधांचे लोकार्पण
अकोला पासपोर्ट कार्यालयाचा ‘महत्त्वपूर्ण विस्तार’ होणार? खासदार अनुप धोत्रे यांची एस. जयशंकरांकडे ठोस मागणी; 1लाख नागरिकांना मोठा दिलासा
108 हेल्पलाईन ठरली ‘हेल्पलेस’! 7 वेळा फोन, 2 तास प्रतीक्षा; अखेर गर्भवती महिलेचा बाळासह दुर्दैवी मृत्यू
अकोला शिक्षक बदली घोटाळा: 33 शिक्षक निलंबित, 65 जणांची वेतनवाढ रोखली | 136 दोषींवर मोठी कारवाई
Hasan Mushrif : ‘महायुतीत असं करून चालणार नाही’; अर्थ खात्यावरून हसन मुश्रीफ यांची स्पष्ट भूमिका
अवैध जात प्रमाणपत्रामुळे अकोला महापालिकेतील 3 नगरसेवक अपात्र; राजकारणात मोठी खळबळ
पैशाच्या वादातून मित्राचा खून; 3 तासांत पोलिसांनी उघड केला मोठा बनाव धक्कादायक सत्याने हादरले अकोला
10 कोटींच्या खंडणीची धक्कादायक धमकी! आमदार साजिद खान पठाण प्रकरणात SIT तपासाची मागणी
डॉक्टरांचा सरकारला इशारा ; क्लिनिकल एस्टॅब्लिशमेंट विधेयकामुळे 5 मोठे धोके
वाडेगाव धान्य बाजारात दुर्गंधीयुक्त पाण्याचे डबके, शेतकऱ्यांचा संताप
आमदार साजिद खान पठाण यांनी माध्यमांशी बोलताना सांगितले की, रुग्णसेवेत कोणतीही हलगर्जीपणा किंवा दुर्लक्ष सहन केले जाणार नाही. चौकशीदरम्यान आणखी कोणत्याही अधिकारी किंवा कर्मचाऱ्यांची जबाबदारी निश्चित झाल्यास त्यांच्यावर निलंबनासह कठोर कारवाई करण्यात येईल. रुग्णांना वेळेत आणि सन्मानपूर्वक सेवा मिळणे ही रुग्णालय प्रशासनाची जबाबदारी असल्याचे त्यांनी नमूद केले.
दरम्यान, या घटनेनंतर रुग्णालयातील सुविधा, स्ट्रेचर व व्हीलचेअर उपलब्धता तसेच रुग्ण मार्गदर्शन व्यवस्थेचा आढावा घेण्यास सुरुवात करण्यात आली आहे. भविष्यात अशा प्रकारच्या घटना पुन्हा घडू नयेत यासाठी आवश्यक उपाययोजना केल्या जातील, अशी ग्वाही रुग्णालय प्रशासनाने दिली आहे.
