छत्रपती संभाजीनगरमध्ये सातवीतील विद्यार्थिनीला नशेचे औषध पाजून अत्याचार केल्याचा धक्कादायक प्रकार उघड. व्हिडिओ व्हायरल करण्याची धमकी देत खंडणी मागितल्याप्रकरणी दोन आरोपींना अटक.विद्यार्थिनी
छत्रपती संभाजीनगर : शहरातून मानवतेला काळीमा फासणारी एक संतापजनक घटना समोर आली आहे. सातवीत शिक्षण घेणाऱ्या अल्पवयीन विद्यार्थिनीला नशेचे औषध पाजून तिच्यावर अत्याचार केल्याचा धक्कादायक प्रकार उघडकीस आला आहे. एवढ्यावरच न थांबता आरोपींनी पीडितेचे आक्षेपार्ह फोटो आणि व्हिडिओ तयार करून ते व्हायरल करण्याची धमकी देत खंडणी मागितल्याचा आरोप आहे. या प्रकरणी पोलिसांनी दोन आरोपींना अटक केली आहे.
पोलिसांनी दिलेल्या माहितीनुसार, पीडित मुलगी आणि आरोपी यांची पूर्वीपासून ओळख होती. या ओळखीचा गैरफायदा घेत आरोपींनी मुलीला एका ठिकाणी नेले. तेथे तिला नशेचे औषध दिल्यानंतर ती बेशुद्ध झाली. त्यानंतर आरोपींनी तिच्यावर अत्याचार केल्याचा आरोप करण्यात आला आहे.
Related News
CJP आता राजकारणात उतरणार? भाजपसह काँग्रेसचंही टेन्शन वाढणार; नेत्यांनी स्पष्टच सांगितलं!
नितीन गडकरींच्या अडचणीत वाढणार? E20 पेट्रोलविरोधात 4 ऑगस्टला थेट संसदेवर मोर्चा
काँग्रेसच्या बड्या नेत्याचा तडकाफडकी निर्णय; 2028 ची विधानसभा निवडणूक लढवणार नसल्याचं जाहीर
145 किमी वेगाच्या चक्रीवादळाचा चीनला तडाखा; लाखो लोकांचे स्थलांतर, हाय अलर्ट जारी
मोदींच्या निवासस्थानी घातपाताचा प्रयत्न? एकनाथ शिंदेंचा राहुल गांधींवर गंभीर आरोप, म्हणाले…
कच्च्या तेलाचा भाव पुन्हा 100 डॉलरच्या जवळ; भारतात पेट्रोल-डिझेल महागणार का?
धर्मेंद्र प्रधानांनी 15 दिवस आधीच राजीनामा द्यायला हवा होता; छगन भुजबळांचा मोठा दावा
ठाकरे बंधूंची ‘लंच डिप्लोमसी’; उद्धव ठाकरे ‘शिवतीर्थ’वर, दोन तास चर्चा… राज्याच्या राजकारणात काय घडतंय?
IND vs PAK: भारताने पुन्हा पाकिस्तानला चारीमुंड्या चीत केलं; फायनलमध्ये 3-1 ने धुवून काढत जिंकलं सुवर्णपदक
श्रीकांत शिंदे शिक्षणमंत्री होणार? सुनील तटकरेंनी शक्यता नाकारली नाही; म्हणाले, ‘निर्णय त्यांचा अधिकार’
अभिजीत दिपके यांचा फोटो पाहून विद्यार्थी चिंतेत; डोळे बंद, हाताला सलाईन… प्रकृतीबाबत मोठी अपडेट
37 दिवसांच्या आंदोलनानंतर अभिजीत दीपके भावूक; जंतर-मंतरवरील समर्थकांची मागितली माफी
तपासादरम्यान आरोपींनी पीडितेचे फोटो आणि व्हिडिओ मोबाईलमध्ये रेकॉर्ड केल्याचे समोर आले. त्यानंतर संबंधित सामग्री कुटुंबीयांना पाठवून ती सोशल मीडियावर प्रसारित करण्याची धमकी देण्यात आली. तसेच बदनामीची भीती दाखवत पैशांची मागणी केल्याचेही तक्रारीत नमूद करण्यात आले आहे.
घटनेनंतर पीडितेच्या नातेवाईकांनी पोलिसांकडे धाव घेत तक्रार दाखल केली. तक्रारीची गंभीर दखल घेत पोलिसांनी तातडीने तपास सुरू केला. तांत्रिक पुरावे आणि गोपनीय माहितीच्या आधारे आरोपींचा शोध घेण्यात आला. त्यानंतर टीव्ही सेंटर परिसरातील एका बारमधून दोन्ही आरोपींना ताब्यात घेण्यात आले.
घटना उस्मानपुरा पोलीस ठाण्याच्या हद्दीत घडल्याने आरोपींना पुढील तपासासाठी उस्मानपुरा पोलिसांच्या स्वाधीन करण्यात आले. या प्रकरणी पोक्सो कायदा, अत्याचार, खंडणी आणि इतर संबंधित कलमांनुसार गुन्हा दाखल करण्यात आला असून पुढील तपास सुरू आहे.
या घटनेमुळे परिसरात संतापाचे वातावरण निर्माण झाले असून आरोपींना कठोर शिक्षा देण्याची मागणी होत आहे. अल्पवयीन मुलांच्या सुरक्षेचा प्रश्न पुन्हा एकदा ऐरणीवर आला आहे.
