पुण्यात लग्नानंतर काही दिवसांतच एक धक्कादायक प्रकार उजेडात आला आहे. मध्यवर्ती भागातील समर्थ पोलीस ठाण्यात २३ वर्षीय तरुणीने पतीसह सासरच्या एकूण सहा जणांविरुद्ध गंभीर तक्रार दाखल केली आहे. मुलगा नपुंसक असल्याची माहिती जाणूनबुजून लपवून ठेवत लग्न लावल्याचा तसेच नंतर धमक्या, मानसिक छळ आणि बदनामी केल्याचा तिने आरोप केला आहे. या प्रकरणी पोलिसांनी गुन्हा नोंदवला असून तपास सुरू आहे.
काय आहे तक्रारदार तरुणीचा आरोप?
तक्रारीनुसार, पीडितेचा विवाह १८ एप्रिल २०२५ रोजी झाला. काही आठवड्यांतच तिला पतीमध्ये पुरुषत्व नसल्याची कल्पना आली. यानंतर तिने शांततेने हा मुद्दा पती व सासरच्या मंडळींसमोर मांडण्याचा प्रयत्न केला. मात्र अपेक्षेप्रमाणे परिस्थिती हाताळण्याऐवजी तिच्यावरच उलट दबाव टाकण्यात आला, असे पीडितेने पोलिसांकडे नमूद केले.
तिने सांगितले की, “ही बाब घराबाहेर सांगितल्यास गंभीर परिणाम भोगावे लागतील,” अशी तिला थेट धमकी देण्यात आली. एवढेच नव्हे, तर तिचेच एखाद्या पुरुषासोबत अनैतिक संबंध असल्याचा खोटा आरोप करून तिची बदनामी करण्याचाही प्रयत्न करण्यात आला. लग्नात पुरेसा मानपान केला नाही, अशा किरकोळ कारणांवरूनही तिला सतत मानसिक त्रास दिला जात असल्याचे तिने तक्रारीत म्हटले आहे.
Related News
भोंदू बाबा अशोक खरात अडचणीत! ईडीचं 3 हजार पानी आरोपपत्र; 42.88 कोटींच्या गैरव्यवहाराचा दावा
सलमाननंतर आता आमिर खानही बिश्नोई गँगच्या निशाण्यावर? सोशल मीडियावर धमकीची खळबळ
‘सिया संस्कारी आहे असं सांगितलं होतं’; केतनच्या वडिलांचा मित्तल कुटुंबावर गंभीर आरोप, चौकशीची मागणी
केतन अग्रवाल प्रकरणात नवा ट्विस्ट! सिया गोयल-चेतन चौधरीबाबत तपासात धक्कादायक दावे
Nagpur Crime: 3 मित्रांचा ड्रग्ज पार्टीचा धक्कादायक प्लॅन फसला; नामांकित हॉटेलवर पोलिसांची धाड, एमडीसह रंगेहात अटक
Kolhapur News: 3 राऊंड गोळीबाराने कोल्हापूर हादरले! भाजप कार्यकर्ता गंभीर जखमी, हल्ल्यामागचं कारण काय?
धक्कादायक! पुण्यातील बांधकाम व्यावसायिकाची आत्महत्या; व्हिडिओत 5 राजकीय नेत्यांची नावं, गंभीर आरोपांमुळे खळबळ
स्नॅपचॅट Love Story: 100 रुपयांच्या स्टॅम्प पेपरने पलटला डाव; ओडिशाहून महाराष्ट्रात आलेल्या १८ वर्षीय तरुणीच्या निर्णयाने खळबळ
150 कोटींच्या संपत्तीसाठी मुलाने वडिलांची हत्या; 4-6 गोळ्या, 8 वर्षांचं धक्कादायक रहस्य उघड
ठाकरे गटाचे नेते विनायक राऊत अडचणीत; 23 जुलैच्या सुनावणीपूर्वी मोठी घडामोड
धक्कादायक! ५ महिन्यांच्या प्रेमविवाहाचा भयावह शेवट; ‘पप्पा, माझ्या जीवाला धोका आहे’ म्हणत अखेरचा कॉल, CCTV बंद करून तरुणीचा खून?
Pune Viral Video: ‘मी पुणे विकत घेतलंय’ म्हणत तरुणाचा धक्कादायक पळ;एफसी रोडवरील राड्याचे 7 मोठे खुलासे
जाणीवपूर्वक लपवली महत्त्वाची माहिती?
पीडितेने पोलिसांना दिलेल्या तक्रारीत स्पष्टपणे म्हटले आहे की, पती नपुंसक असल्याची संपूर्ण माहिती कुटुंबीयांना होती, तरीही त्यांनी ती गोष्ट इंतेनशपूर्वक लपवून ठेवली. फसवणूक करून लग्न लावण्यात आल्याचा गंभीर आरोप तिने केला आहे. या प्रकरणात पती, सासू, सासरे, नणंद, नणंदेचा पती आणि चुलत सासरा या सहा जणांना आरोपी करण्यात आले आहे.
पोलिसांचा तपास सुरू
समर्थ पोलिसांनी तक्रारीच्या आधारे संबंधितांविरुद्ध फसवणूक, धमकी आणि मानसिक छळाचे गुन्हे नोंदवले आहेत. प्रकरणातील आरोप गंभीर असल्याने पुढील तपास गतीने सुरू असल्याची माहिती पोलिसांनी दिली.
अशाच प्रकारची घटना येरवड्यातही
दरम्यान, मागील आठवड्यात येरवडा परिसरातही एक धक्कादायक घटना समोर आली होती. लग्नानंतर पती जवळीक साधत नसल्याची तक्रार पत्नीने केली. यावरून पती आणि सासरकडील मंडळींनी तिला सिगरेटचे चटके दिल्याचा प्रकार उघड झाला होता. त्या प्रकरणातही पोलिसांनी गुन्हा दाखल करून तपास सुरू केला आहे.
लग्नानंतर महिलांवरील छळाच्या घटना वाढत्या?
पुण्यात गेल्या काही महिन्यांत लग्नानंतर महिलांना छळ, धमक्या, मानसिक त्रास किंवा फसवणुकीच्या तक्रारींची संख्या वाढल्याचे पोलिस सूत्रांकडून सांगण्यात येते. पती किंवा सासरकडील मंडळींकडून महत्त्वाची माहिती लपवून लग्न करणे, त्यानंतर अत्याचार किंवा धमक्या देणे असे प्रकार चिंताजनक पातळीवर वाढत असल्याचा निष्कर्ष काढला जात आहे.
या घटनांमुळे विवाहापूर्वीच्या पडताळणीची, पारदर्शक संवादाची आणि महिलांच्या सुरक्षेच्या मुद्द्यांची गरज अधोरेखित होत आहे. पुण्यातील दोन्ही ताज्या घटनांनी पुन्हा एकदा महिलांवरील छळाच्या गंभीर समस्येकडे लक्ष वेधले आहे.
