मुंबई: दाक्षिणात्य सिनेमातील कलाकारांची तगडी फॅन फॉलोइंग आहे. तेलुगू सिनेमाचे सुपरस्टार चिरंजीवी गेल्या ४ दशकापासून प्रेक्षकांचे मनोरंजन करत आहेत. मात्र केवळ अभिनयच नव्हे तर अनेक व्यवसायांमध्येही त्यांची गुंतवणूक आहे. त्यांची एकूण संपत्ती किती आहे माहीत आहे का?
चिरंजीवी यांची नेटवर्थ १६५० कोटी इतकी आहे. त्यांना या विलासी जीवनशैलीमध्ये अत्यंत महाग अशा विविध संपत्ती, कोट्यवधींच्या गाड्या, प्रायव्हेट जेट आणि आलिशान घरांचा समावेश आहे. अभिनेता, फिल्ममेकर आणि राजकारणी अशा विविध जबाबदाऱ्या ते सांभाळताना दिसतात. दाक्षिणात्य सिनेविश्वातील सर्वात श्रीमंत कलाकार अशी त्यांची ओळख आहे.
किती आहे संपत्ती?
जीक्यूमधील २०२२ च्या रिपोर्टनुसार, चिरंजीवी यांची एकूण संपत्ती १६५० कोटी रुपयांची आहे. त्यांनी अभिनय, जाहिरीत, बिझनेस व्हेंचर्स आणि गुंतवणुकीच्या विविध क्षेत्रांमधून ही कमाई केली आहे. तेलुगू सिनेविश्वात सर्वाधिक मानधन घेणाऱ्या कलाकारांच्या यादीतही त्यांचे नाव आबे. प्रत्येक यशस्वी प्रोजेक्टनंतर त्यांच्या मानधनामध्येही वाढ होते.
Related News
धर्मवीर 2 चा हिंदी ट्रेलर लॉन्च!
जान्हवी कपूरचा ‘उलझ’ २ ऑगस्टला प्रेक्षकांच्या भेटीला
सोनाक्षीवर आई नाराज!
ओवेसींसमोर बालेकिल्ला राखण्याचं आव्हान
मी कमळाला मत देणार! ऐकताच काँग्रेस नेता संतापला; वृद्धेवर हात उगारला
अक्षय कुमार आणि अर्शद वारसी यांच्यामध्ये ‘जॉली LLB’वरुन जुंपली
हैदराबाद याठिकाणी असणाऱ्या ज्युबली हिल्स या शहरातील सर्वात सुखवस्तू परिसरात त्यांचा लग्जरी व्हिला आहे आणि याशिवायही अनेक आलिशान संपत्ती आहेत, ज्याची किंमत २०२२ मध्ये २८ कोटी रुपये इतकी होती. चिरंजीवी यांच्याकडे बेंगळुरुमध्येही एक आलिशान प्रॉपर्टी आहे. त्यांना लग्झरी गाड्यांचीही खूप आवड असून सेडानसह एसयूव्हीपर्यंत अनेक गाड्या त्यांच्या ताफ्यामध्ये आहेत.
ताफ्यात आहेत या महागड्या गाड्या आणि प्रायव्हेट जेट
Bollywood Shaadis मधील रिपोर्टनुसार, चिरंजीवींकडे रोल्स रॉयस फँटम आहे, ज्या एका गाडीचीच किंमत ९ कोटी आहे. याशिवाय १.२ कोटी रुपयांची रेंज रोव्हर व्होग आणि ९० लाख रुपयांची टोयोटा लँड क्रुझर आहे. २.५ कोटी रुपयांची मर्सिडिझ बेंझ एएमजीदेखील त्यांच्या आलिशान ताफ्यात आहे. मीडिया रिपोर्टनुसार, त्यांच्याकडे एक मिलियन डॉलरचे एक प्रायव्हेट जेटही आहे.
या सिनेमात दिसणार चिरंजीवी
मेगास्टारच्या कामाबद्दल बोलायचे झाल्यास ते ‘विश्वंभरा’ सिनेमात दिसण्याची शक्यता आहे. २०२५ मध्ये हा सिनेमा मोठ्या पडद्यावर प्रदर्शित होणार आहे.
