पातूर प्रतिनिधी — पातुर तालुक्यातील सस्ती येथील महावितरण सबस्टेशनचा कारभार ढेपाळला असून शेतकऱ्यांच्या तक्रारींकडे वारंवार दुर्लक्ष होत असल्याचा आरोप स्थानिकांमध्ये जोर धरत आहे. पांगरताटी येथील शेतकरी किशोर शिवराम जाधव, गौतम रामलाल दुग्गड आणि प्रकाश नामदेव चोंडकर यांच्या शेतातील बंद पडलेल्या डीपीबाबत वारंवार निवेदन देऊनही संबंधित विभागाकडून कोणतीही कार्यवाही न झाल्याने शेतकरी संतप्त झाले आहेत.
मिळालेल्या माहितीनुसार, 06 जून 2025 पासून सस्ती सबस्टेशन अंतर्गत येणाऱ्या पांगरताटी शिवारात शेतकरी जाधव, दुग्गड आणि चोंडकर यांच्या तीनही डिप्या पावसाळ्यातील पाण्यात वाहून गेल्या होत्या. तेव्हापासून त्या दुरुस्त न झाल्याने शेतजमिनींना सिंचन मिळत नाही. गहू, हरभरा यांसारख्या हंगामी पिकांची पेरणी केलेल्या शेतकऱ्यांचे पिक पाण्याअभावी सुकण्याच्या स्थितीत आहे.
शेतकरी बांधवांनी अनेकवेळा सस्ती येथील महावितरण कार्यालयात अर्ज, निवेदन देत प्रशासनाचे लक्ष वेधण्याचा प्रयत्न केला. मात्र, सहाय्यक अभियंता आणि स्थानिक अधिकाऱ्यांनी दुर्लक्ष केल्याचा आरोप शेतकरी करत आहेत.
Related News
पातूरची रेणुका केकन UPSC पास, तालुक्याच्या इतिहासात पहिली मुलगी IAS बनली
फडणवीस सरकारची कर्जमाफी योजना: दोन लाखांपर्यंतच लाभ, शेतकऱ्यांना नाराजी
शेतकऱ्यांच्या न्याय हकासाठी वाडेगावमध्ये रास्ता रोको आंदोलन
मनोज जरांगे पाटील पुन्हा रस्त्यावर ? सरकारला आंदोलनाचा इशारा
घाणीचे साम्राज्य : ग्रामस्थांचे आरोग्य धोक्यात सस्ती येथील चित्र, प्रशासनाचा भोंगळ कारभार उघड
निलंबित ग्रामसेवकाच्या बनावट सह्यांमुळे लाखो रुपयांचा अपहार!
प्रशासनाच्या उदासीनतेमुळे शेतकरी आक्रमक; लोणार तहसीलसमोर आमरण उपोषण
पातूर तालुक्यातील राहेर गावाचा विकास पाचपोर CRPF मध्ये निवडून देशसेवेचा गौरव
कृषी मंत्र्यांना खुले पत्र ! बळीराजाच्या छाताडावर मग्रुरीचे बूट दत्तामामा, तुमचा शेतकरी न्यायाच्या प्रतीक्षेत!
वन्यप्राण्यांचा ताबडतोब बंदोबस्त करा , लक्ष्मीकांत कौठकर शेतकरी संघटना विदर्भ अध्यक्ष,यांचा आंदोलनाचा इशारा
पातूर तालुक्यातील सावरगाव विहिरी सर्वेक्षणात घोटाळ्याची चौकशी सुरू
तेल्हारा तालुक्यातील केळी शेतकऱ्यांसाठी पीक विमा मंजुरीसाठी स्वराज्य पक्षाचा आंदोलनाचा इशारा
या पार्श्वभूमीवर सामाजिक कार्यकर्ते निलेश तोताराम कापकर यांच्या नेतृत्वाखाली शेतकऱ्यांनी तीव्र आंदोलनाचा इशारा दिला आहे. “आम्ही शेतकरी आहोत… आमच्या शेतातली पिकं पाण्याअभावी सुकत आहेत. सावकाराकडील कर्ज फेडण्यासाठी आमच्याकडे काहीच मार्ग नाही. आत्महत्या करण्याशिवाय पर्याय उरत नाही. शासनानेच आम्हाला गळफास घेण्याची परवानगी द्यावी किंवा आम्ही का गळफास घेतो हे नाटकाच्या माध्यमातून सस्ती सबस्टेशनसमोर आंदोलन करून दाखवू,” असा थेट इशारा कापकर यांनी दिला.
सस्ती सबस्टेशनच्या भोंगळ कारभारामुळे शेतकरी हवालदिल झाले असून आगामी काळात या आंदोलनाचे रूप अधिक तीव्र होण्याची शक्यता व्यक्त केली जात आहे.
read also : https://ajinkyabharat.com/shirla-village-panchayats-chief-nalyachi-malfunction/
