Exclusive
विठ्ठल महल्ले
अकोला : शहरात एक धक्कादायक प्रकरण समोर आले आहे. पोलीस स्टेशन सिव्हिल लाईन येथे कार्यरत पोलीस अंमलदार गिरीष दशरथ खडके रा. बलोदे लेआउट, हिंगणा रोड यांच्या पत्नी सौ. आरती खडके यांचे मोबाईलवरील व्हॉट्सअॅप अकाऊंट अज्ञात इसमाने हॅक केले. त्यानंतर त्यांच्या एचडीएफसी बँक खात्यातून तब्बल 1 लक्ष 70 हजार इतकी रक्कम ऑनलाईन पद्धतीने काढून घेण्यात आली. या संदर्भात खदान पोलिसांनी गुन्हा दाखल करून तपासात घेतला आहे.
Related News
मूर्तिजापूरमध्ये बेपत्ता इसमाचा कुजलेल्या अवस्थेतील मृतदेह सापडला
Gold Price Update : 1 ग्रॅम सोन्याची अंगठी – फायदेशीर की तोट्याची ?
बाळापूर तालुक्यात रोहीचा हैदोस ; अळोशी–कळोशी शिवारात ३ एकर गहू पीक उद्ध्वस्त
शुक्र ग्रहाचा कुंभ राशीत प्रवेश : 5 राशींवर होणार जबरदस्त सकारात्मक परिणाम!
अकोला ते शिमला… 8 वर्षांनंतर बेपत्ता जयेशचा शोध, गोशाळेत मजुरी करत जगत होता आयुष्य
तरुणावर प्राणघातक हल्ला करणारे आरोपी काही तासांतच गजाआड
अकोला शहरात पतंग उडवताना युवक गंभीर जखमी
शेतकऱ्याचा मुलगा १२०० विद्यार्थ्यांमध्ये प्रथम! ई-बाइक जिंकून NEET शिक्षण मोफत मिळाले
न्यायालयीन आदेशांची अंमलबजावणी न झाल्याने दोन वनमजुरांचा ‘वर्षा’ बंगल्यासमोर आत्मदहनाचा इशारा
स्व. कौशल्याबाई पांडुरंग भांगे यांच्या स्मृतिप्रीत्यर्थ भव्य रक्तदान शिबिराचे आयोजन
municipal निवडणूक 2026: युती तुटल्यामुळे राजकीय रणभूमी तापली
ही घटना दिनांक २५ ऑक्टोबर २०२५ रोजी दुपारी ३:१२ ते ३:३० या दरम्यान घडली. हॅक झालेल्या मोबाईलवरून संशयित इसमाने त्यांच्या एचडीएफसी बँकेच्या खात्यातून अनुक्रमे पन्नास हजाराचे तीन वेळा ट्रांजेक्शन केले तर २० हजाराचे चौथे ऑनलाईन ट्रान्झॅक्शन्स करून एकूण १.७० लाख रुपयांची फसवणूक केली.या प्रकरणी सौ.आरती खडके यांनी तात्काळ खदान पोलीस स्टेशनला धाव घेत तक्रार दाखल केली.
तक्रारीच्या आधारे पोलिसांनी अज्ञात आरोपीविरुद्ध कलम ३१८(४) भारतीय न्याय संहिता (BNS) तसेच कलम ६६(D) माहिती तंत्रज्ञान अधिनियमाअंतर्गत गुन्हा दाखल केला आहे.
घटनेनंतर खदान पोलीस ठाण्याने तपासाची चक्रे गतीमान केली आहेत.
पोलिसांकडून बँकेशी संपर्क साधून सर्व व्यवहारांचे तपशील मागविण्यात आले आहेत. तसेच संशयिताने कोणत्या आयपी ऍड्रेसवरून व्यवहार केले याचा डिजिटल फॉरेन्सिक तपास सुरू आहे.तपास अधिकाऱ्यांच्या माहितीनुसार, संशयिताने कोणत्या तरी पद्धतीने पीडितेचा OTP किंवा खाते ऍक्सेस प्राप्त करून हे व्यवहार केले असावेत, असा प्राथमिक अंदाज व्यक्त करण्यात आला आहे. पोलिसांकडून मोबाईल फोन, व्हॉट्सअॅप लॉग आणि व्यवहारांचे ट्रेल्स तपासण्यात येत असून, पैसे ज्या खात्यांमध्ये पाठवले गेले आहेत त्यांची माहिती गोळा केली जात आहे.
पोलिसांनी नागरिकांना अशा प्रकारच्या ऑनलाईन फसवणुकीपासून सावध राहण्याचे आवाहन केले आहे. कोणत्याही अनोळखी व्यक्तीस OTP, बँक तपशील अथवा वैयक्तिक माहिती देऊ नये तसेच व्हॉट्सअॅपमध्ये दोन-घटक प्रमाणीकरण सुरू ठेवावे, असा सल्लाही दिला आहे.
