अकोला शहरातील सिव्हिल लाईन पोलीस ठाण्याच्या हद्दीतील मोठी उमरी परिसरात काल भरदुपारी एका तरुणावर प्राणघातक हल्ला झाल्याची खळबळजनक घटना घडली होती. या घटनेनंतर पोलिसांनी तत्काळ हालचाली करत अवघ्या काही तासांतच हल्ल्यातील सर्व आरोपींना अटक करून त्यांना गजाआड केले आहे. पोलिसांच्या या जलद कारवाईमुळे नागरिकांनी समाधान व्यक्त केले आहे.
मिळालेल्या माहितीनुसार, मोठी उमरी परिसरात राहणारा मोहन राऊत या तरुणावर जुन्या वादातून चार जणांनी एकत्रितपणे हल्ला केला. आरोपींनी धारदार शस्त्रांचा वापर करत मोहन राऊतवर जीवघेणा हल्ला केल्याने परिसरात भीतीचे वातावरण निर्माण झाले होते. गंभीर जखमी अवस्थेत मोहन राऊत याला तातडीने रुग्णालयात दाखल करण्यात आले असून त्याच्यावर उपचार सुरू आहेत. सध्या त्याची प्रकृती स्थिर असल्याची माहिती पोलिसांनी दिली आहे.
घटनेची माहिती मिळताच सिव्हिल लाईन पोलिसांनी तात्काळ घटनास्थळी धाव घेतली. परिसरातील सीसीटीव्ही फुटेज, प्रत्यक्षदर्शींची माहिती आणि गोपनीय सूत्रांच्या आधारे पोलिसांनी तपासाची चक्रे वेगाने फिरवली. त्यानुसार अंकुश पिंपळकर, रोशन होपळ, गौरव काळे आणि अनूप वाहूरवाघ या चार आरोपींना काही तासांतच अटक करण्यात आली.
Related News
हुतात्म्यांचे विचार नव्या पिढीपर्यंत पोहोचवणे गरजेचे; अमित आझाद यांचे प्रतिपादन
शेतकऱ्यांच्या पाठीशी महाराष्ट्र शासन खंबीर; ओला दुष्काळासाठी केंद्राकडे प्रस्ताव पाठवणार – कृषिमंत्री भरणे
दुष्काळात काजू-बादामावर ताव; व्हिडीओ व्हायरल झाल्यानंतर फडणवीस म्हणाले, “अशा गोष्टी टाळल्या पाहिजेत”
उद्धव ठाकरेंच्या आंदोलनाला फडणवीसांचं प्रत्युत्तर; ‘आम्ही करून दाखवलं, पुढेही करून दाखवू’
6 खासदारांच्या फुटीनंतर ठाकरे गटाचा मोठा डाव; 2029 साठी 40 लोकसभा मतदारसंघांत संपर्कप्रमुखांची नियुक्ती
Chief Minister Devendra Fadnavis ऑक्टोबरच्या दुसऱ्या आठवड्यात अकोल्यात; 1 हजार कोटींच्या विकासकामांचे लोकार्पण!
अनुप धोत्रेंची 10 महत्त्वपूर्ण मागणी; अकोला-ढोण दुहरीकरणासह 4 नवीन सुपरफास्ट ट्रेनची मागणी
लोकलमध्ये महिलेला बेल्टने मारहाण, 12 तासांत आरोपी अटकेत; म्हणाला ‘ती महिला नव्हती तर…’
अकोल्यात विवाहितेचा संशयास्पद मृत्यू; धमकीच्या फोननंतर घडली धक्कादायक घटना , 5 मिनिटांत संपलं आयुष्य!
Gold Price Today : ऑगस्टच्या पहिल्याच दिवशी सोन्याच्या दरात मोठा बदल; 10 ग्रॅमचा ताजा भाव किती?
Rahul Gandhi : पंतप्रधान मोदींच्या निवासस्थानाबाहेर राहुल गांधी का बसले आंदोलनाला? स्वतःच सांगितलं कारण
या प्रकरणी सिव्हिल लाईन पोलीस ठाण्यात गंभीर स्वरूपाचे गुन्हे दाखल करण्यात आले असून पुढील तपास सुरू आहे. आरोपींना न्यायालयात हजर केले असता न्यायालयाने त्यांना पोलीस कोठडी सुनावली आहे. शहरात कायदा व सुव्यवस्था अबाधित ठेवण्यासाठी पोलिस सतर्क असून अशा गुन्हेगारी प्रवृत्तीविरुद्ध कठोर कारवाई करण्यात येईल, असा इशारा पोलिसांनी दिला आहे.
