अकोला (प्रतिनिधी):
अकोला औद्योगिक वसाहतीतील ए.डी.एम. ऍग्रो कंपनी मध्ये कार्यरत असलेल्या स्थानिक सुरक्षा रक्षकांच्या
न्यायासाठी महाराष्ट्र नवनिर्माण सेनेने (मनसे) ठाम भूमिका घेत योग्य न्याय मिळवून दिला आहे.
Related News
नायब तहसीलदारांनी शेतातच भरवले न्यायालय; शेतकऱ्याला दिलासा
अकोट ग्रामीण पोलीसांची जलद कारवाई – विनयभंग प्रकरणातील आरोपीविरोधात २४ तासांत दोषारोपपत्र दाखल
शिवसेना (उबाठा) मध्ये नेतृत्वबदलामुळे पक्षातील अंतर्गत कलह आणखी गडद होणार
दोन कोटी विस लाखां च्या नावाखाली रुग्णसेवकाला सायबर गुंड्याकडून गंडवण्याचा प्रयत्न
शाळांचे परिसर एका महिन्यात तंबाखूमुक्त करण्याचे आदेश
अतिक्रमण हटाव मोहीम का फक्त दुर्बळांवरच? अपंगाचे दुकान तोडले –
जुन्या वादातून दोन गटात झालेल्या शस्त्रास्त्र हाणामारी
अकोल्यात विविध मागण्यांसाठी आज धरणे आंदोलन करणाऱ्यात आले
नवी दिल्लीतील भारत मंडपममध्ये पार पडलेल्या राष्ट्रीय पुरस्कार सोहळ्यात केंद्रीय वाणिज्य व उद्योग मंत्री पीयूष गोयल
अखेर कातखेड,पिंपळखुटा गावात रस्त्याच्या कामाला सुरुवात
शेलुबाजार आरोग्य केंद्रात क्षयरुग्ण तपासणी शिबिर; डिजिटल एक्स-रेद्वारे ८७ संशयितांची तपासणी
तब्बल १० दिवसांपासून उपोषणाला बसलेल्या कामगारांच्या मागण्या अखेर मान्य करण्यात
आल्या असून, जुन्या कर्मचाऱ्यांना नव्या ठेकेदार कंपनीत पुन्हा सामावून घेण्याचे आश्वासन देण्यात आले आहे.
कामगारांच्या संघर्षाची पार्श्वभूमी
८ एप्रिलपासून ए.डी.एम. ऍग्रो कंपनीने त्यांची जुनी सुरक्षा पुरवणारी सेफ गार्ड कंपनी हटवून गुरगाव
(हरियाणा) येथील ‘पॅराग्रीन’ कंपनीला नवीन कंत्राट दिले. या निर्णयामुळे गेल्या १० वर्षांपासून सेवा देत असलेले
स्थानिक सुरक्षा रक्षक बेरोजगार होण्याच्या संकटात सापडले.
त्यामुळे या कामगारांनी कारखान्याच्या गेटसमोर उपोषण सुरू केले होते.
मनसेचा ठाम हस्तक्षेप
कामगारांचे हे दुःख मनसे कार्यकर्त्यांच्या निदर्शनास येताच त्यांनी कंपनीच्या एच.आर. मॅनेजर चंद्रभूषण शर्मा यांची
भेट घेऊन सर्व कर्मचाऱ्यांना नव्या कंपनीतच सामावून घेण्याची मागणी केली.
‘मनसे स्टाईल’ मध्ये समजावणी दिल्यानंतर कंपनीने लेखी आश्वासन देत मागणी मान्य केली.
त्यानंतर पॅराग्रीन कंपनीचे संचालक गुरमीतसिंग यांच्यासोबत बैठक घेण्यात आली.
या बैठकीतही कामगारांच्या पुन्हा नियुक्तीसंदर्भात सकारात्मक निर्णय घेण्यात आला.
नियुक्ती प्रक्रिया तातडीने सुरू करण्यात आली आहे.
मनसेच्या प्रयत्नांना कामगारांचा पाठिंबा
कामगारांनी या निर्णयाचे स्वागत करत मनसे अध्यक्ष राज ठाकरे यांचे आणि सर्व स्थानिक पदाधिकाऱ्यांचे आभार मानले.
या वेळी परिसरात जल्लोषाचे वातावरण पाहायला मिळाले.
उपस्थित मान्यवर
या लढ्यात मनसेचे जिल्हाध्यक्ष पंकज साबळे, उपजिल्हाध्यक्ष सतीश फाले, अकोला शहर अध्यक्ष सौरभ भगत,
मनविसे जिल्हाध्यक्ष रणजित राठोड, तालुकाध्यक्ष सौरभ फाले, तसेच शुभम कवोकार,
मुकेश धोंडफळे, अमोल भेंडारकर, मंगेश देशमुख, निलेश स्वर्गीव, डॉ. प्रसन्न सोनार,
निलेश आगरकर यांची उपस्थिती होती.
