NEET Paper Leak : नीट पेपरफुटीवर पंतप्रधान मोदींचा मोठा निर्णय; प्रियंका गांधींचं थेट उत्तर, म्हणाल्या- ‘सोल्यूशन काढायचंच असेल तर…’
NEET Paper Leak : NEET पेपरफुटीच्या आरोपांमुळे देशभरातील विद्यार्थ्यांमध्ये संतापाचे वातावरण निर्माण झाले आहे. या प्रकरणाच्या निषेधार्थ गेल्या काही दिवसांपासून विद्यार्थ्यांकडून आंदोलन करण्यात येत आहे. दिल्लीतील जंतर-मंतरसह देशातील विविध भागांत विद्यार्थ्यांनी आंदोलन करत सरकारकडे कठोर कारवाईची मागणी केली आहे. दरम्यान, या प्रकरणावर केंद्र सरकारकडून मोठी घोषणा करण्यात आली आहे. नीट पेपरफुटी प्रकरणाची सुनावणी फास्ट ट्रॅक कोर्टात करण्याचा निर्णय घेण्यात आल्याची माहिती पंतप्रधान नरेंद्र मोदी यांनी दिली आहे.
पंतप्रधान मोदींच्या या घोषणेनंतर काँग्रेस नेत्या प्रियंका गांधी यांनी थेट प्रतिक्रिया दिली आहे. केवळ यंत्रणेच्या माध्यमातून चौकशी करून हा प्रश्न सुटणार नाही. विद्यार्थ्यांचा सरकार आणि सध्याच्या व्यवस्थेवरील विश्वास पुन्हा निर्माण करायचा असेल, तर त्यांच्या मागण्या ऐकून त्यावर ठोस निर्णय घ्यावा लागेल, अशी भूमिका प्रियंका गांधी यांनी मांडली.
‘तोडगा काढायचा असेल तर सिस्टिमच्या बाहेर जाऊन काढा’
प्रियंका गांधी संसद परिसरात आल्या असताना त्यांनी प्रसारमाध्यमांशी संवाद साधला. यावेळी त्यांनी केंद्र सरकार आणि पंतप्रधान नरेंद्र मोदी यांना विद्यार्थ्यांच्या भावना समजून घेण्याचे आवाहन केले.
Related News
Uddhav-Raj Thackeray : मोठी बातमी! NEET पेपरफुटीविरोधात ठाकरे बंधूंचा एल्गार; 26 जुलैला मुंबईत महामोर्चा
Gold Rate Today : सोन्याने पुन्हा घेतली भरारी! चांदीही महागली, आज 1 तोळा सोन्याचा भाव किती?
Vanchit Maharashtra Bandh : वंचितच्या महाराष्ट्र बंदला कुठे कडकडीत तर कुठे संमिश्र प्रतिसाद; अनेक कार्यकर्ते ताब्यात
CJP Protest : ‘धर्मेंद्र प्रधान यांना राजीनामा द्यावा लागेल’; नरेंद्र मोदींच्या घोषणेनंतर CJPची थेट पोस्ट
Sameer Choughule : ‘मुलांची डोकी फुटताना बघून आनंदाच्या उकळ्या फुटत असतील तर समाज दुर्धर आजारी’; समीर चौघुलेंचा संताप
CJP Protest : ‘जंतरमंतरवरच यावं लागेल, त्यांच्या घरी जाऊन वेळ वाया घालवणार नाही’; आशुतोष रांका आक्रमक
Ashok Kharat : 100 रुपयांचे चिंचोके तब्बल 1 लाखांना विकले? ईडीच्या आरोपपत्रातून भोंदूबाबाचे धक्कादायक कारनामे उघड
Mumbai Protest : पोलिसांनी आंदोलकांना वॅनमध्ये भरलं, एकाने गेट उघडलं अन् सगळे उतरले; VIDEO व्हायरल
Delhi Protest : राजधानीत आंदोलनाचा भडका! 16 मेट्रो स्टेशन पुढील आदेशापर्यंत बंद, जाणून घ्या कोणती?
Maharashtra Bandh : दिल्लीतील लाठीचार्जचे महाराष्ट्रात पडसाद; प्रकाश आंबेडकरांची ‘महाराष्ट्र बंद’ची हाक
NEET Paper Leak : नीट पेपरफुटीवर मोदी सरकारचा मोठा निर्णय; दोषींना कठोर शिक्षा, फास्ट-ट्रॅक कोर्टची घोषणा
Maharashtra Rains : महाराष्ट्रात धो-धो पाऊस! पालघरमध्ये पूरस्थिती, 16 गावांचा संपर्क तुटला; शाळांना सुट्टी
‘तुम्ही नेता आहात. आता नेतृत्व दाखवण्याची वेळ आली आहे. मुलं काही सांगत आहेत, त्यांचं ऐका,’ असं प्रियंका गांधी म्हणाल्या. विद्यार्थ्यांच्या काही मागण्या अगदी स्पष्ट आहेत. केंद्रीय शिक्षण मंत्री धर्मेंद्र प्रधान यांचा राजीनामा घ्यावा आणि विद्यार्थ्यांवर लाठीचार्ज करणाऱ्या पोलिसांवर कारवाई करावी, अशी मागणी विद्यार्थी करत आहेत. त्यामुळे सरकारने विद्यार्थ्यांच्या मागण्यांकडे गांभीर्याने पाहण्याची गरज असल्याचे त्यांनी सांगितले.
‘तरुणांचा सिस्टिमवरचा विश्वास उडाला आहे. अशा परिस्थितीत सिस्टिमद्वारेच सोल्यूशन दिलं, तर मुलं त्यावर विश्वास ठेवणार नाहीत. ही साधी गोष्ट आहे,’ असंही प्रियंका गांधी यांनी स्पष्ट केलं.
नेत्यांनी भय दूर करून जनतेचं ऐकावं
विद्यार्थ्यांचा व्यवस्थेवरील विश्वास पुन्हा निर्माण करण्यासाठी पंतप्रधान आणि मंत्र्यांनी त्यांच्याशी थेट संवाद साधला पाहिजे, अशी मागणी प्रियंका गांधी यांनी केली. ‘तोडगा काढायचा असेल तर मुलांचं ऐका. त्यांच्या मागण्या मान्य करा. तरच तोडगा निघेल,’ असं त्या म्हणाल्या.
विद्यार्थ्यांचा सिस्टिमवर विश्वास नाही आणि तरीही त्याच सिस्टिमकडून चौकशी केली जाणार असल्याचं सांगितलं जात आहे. त्यामुळे सरकारने विद्यार्थ्यांचा विश्वास संपादन करण्यासाठी काही ठोस पावले उचलणे आवश्यक आहे, असेही त्यांनी नमूद केले.
‘कधी कधी नेत्यांना आपलं भय दूर करून जनतेचं ऐकावं लागतं. आज अशीच वेळ आली आहे. हजारो मुलं रस्त्यावर आहेत. हजारो विद्यार्थी इंडिया गेटवर, जंतर-मंतरवर आणि देशातील अनेक ठिकाणी आंदोलन करत आहेत,’ असं प्रियंका गांधी यांनी सांगितलं.
‘लाठ्या का चालवता?’
विद्यार्थ्यांवर झालेल्या पोलिसांच्या कारवाईवरही प्रियंका गांधी यांनी तीव्र नाराजी व्यक्त केली. जेव्हा एखाद्या व्यवस्थेवरील विश्वास उडतो, तेव्हा तो विश्वास पुन्हा कायम ठेवण्यासाठी सरकारला काही महत्त्वाची पावले उचलावी लागतात, असे त्यांनी सांगितले.
‘तुम्हाला विद्यार्थ्यांची काळजी आहे असं म्हणता, मग त्यांच्यावर लाठ्या का चालवता? अश्रुधुराच्या नळकांड्या का फोडता?’ असा संतप्त सवाल प्रियंका गांधी यांनी केला.
सरकारला खरोखरच या प्रकरणावर तोडगा काढायचा असेल, तर विद्यार्थ्यांच्या भावना समजून घेऊन त्यांच्या मागण्यांवर निर्णय घ्यावा लागेल. केवळ सरकारी यंत्रणेमार्फत चौकशी करून हा प्रश्न सुटणार नाही, अशी भूमिका त्यांनी मांडली.
पंतप्रधान मोदींची मोठी घोषणा
दरम्यान, नीट पेपरफुटीच्या प्रकरणावर पंतप्रधान नरेंद्र मोदी यांनी मोठी घोषणा केली आहे. हे प्रकरण जलदगतीने निकाली काढण्यासाठी फास्ट ट्रॅक कोर्टात चालवले जाणार असल्याचे पंतप्रधानांनी सांगितले आहे. पेपरफुटीच्या आरोपांमध्ये दोषी आढळणाऱ्यांवर कठोर कारवाई केली जाईल, अशी भूमिका सरकारकडून घेण्यात आली आहे.
गेल्या काही दिवसांपासून या प्रकरणावरून विद्यार्थ्यांमध्ये मोठ्या प्रमाणात नाराजी आहे. केंद्र सरकारने विद्यार्थ्यांशी चर्चा करण्याची तयारी दाखवली असली तरी केंद्रीय शिक्षण मंत्री धर्मेंद्र प्रधान यांच्या राजीनाम्याची मागणी सरकारने मान्य केलेली नाही. त्यामुळे आंदोलनाचा मुद्दा अद्याप कायम आहे.
संसदेबाहेर विरोधकांचे जोरदार आंदोलन
दरम्यान, NEET पेपरफुटीच्या मुद्द्यावरून आज संसदेबाहेर विरोधक आक्रमक झाल्याचे पाहायला मिळाले. विरोधी पक्षातील खासदार हातात फलक घेऊन संसद परिसरात जमले होते. यावेळी त्यांनी केंद्र सरकारविरोधात जोरदार घोषणाबाजी केली.
विद्यार्थ्यांना न्याय मिळाला पाहिजे, दोषींवर कठोर कारवाई झाली पाहिजे आणि विद्यार्थ्यांवर लाठीचार्ज करणाऱ्यांवर कारवाई करण्यात यावी, अशी मागणी विरोधकांनी केली. तसेच केंद्रीय शिक्षण मंत्री धर्मेंद्र प्रधान यांच्या राजीनाम्याची मागणीही विरोधकांनी लावून धरली.
संसदेबाहेरील आंदोलनानंतर विरोधकांनी लोकसभेतही जोरदार घोषणाबाजी केली. विरोधकांच्या गदारोळामुळे सभागृहातील कामकाजावर परिणाम झाला. परिस्थिती नियंत्रणात आणण्यासाठी लोकसभेचे कामकाज दुपारी १२ वाजेपर्यंत तहकूब करण्यात आले.
NEET नी पेपरफुटी : सरकारसमोर मोठं आव्हान
NEET नी पेपरफुटीचा मुद्दा आता राजकीयदृष्ट्याही तापला आहे. एका बाजूला केंद्र सरकारने फास्ट ट्रॅक कोर्टात प्रकरण चालवण्याची घोषणा केली आहे, तर दुसरीकडे विद्यार्थी आणि विरोधकांकडून शिक्षणमंत्र्यांच्या राजीनाम्याची मागणी केली जात आहे.
NEET विद्यार्थ्यांचा विश्वास पुन्हा मिळवण्यासाठी सरकारने तातडीने ठोस पावले उचलावीत, अशी मागणी विरोधकांकडून होत आहे. त्यामुळे आता केंद्र सरकार या प्रकरणात पुढे कोणती भूमिका घेते आणि विद्यार्थ्यांच्या मागण्यांवर काय निर्णय होतो, याकडे देशाचे लक्ष लागले आहे.
