अकोला शहरातील पोळा चौक परिसरात असलेल्या महापालिकेच्या उच्च प्राथमिक उर्दू कन्या शाळा क्रमांक ३ येथील मतदान केंद्रावर आज मतदानादरम्यान काही उमेदवारांमध्ये किरकोळ वाद निर्माण झाल्याची घटना घडली. मतदान केंद्राच्या परिसरात उमेदवार फिरत असल्याचा आरोप एकमेकांवर करण्यात आल्याने काही काळ तणावाचे वातावरण निर्माण झाले होते.
मिळालेल्या माहितीनुसार, मतदान केंद्राच्या ठरवून दिलेल्या परिघात उमेदवार किंवा त्यांचे समर्थक उपस्थित असल्याचा संशय व्यक्त करण्यात आला. यावरून संबंधित उमेदवारांमध्ये शाब्दिक वाद झाला. मात्र घटनास्थळी तैनात असलेल्या पोलिसांनी तात्काळ हस्तक्षेप करत परिस्थिती नियंत्रणात आणली. पोलिसांनी दोन्ही बाजूंचे म्हणणे ऐकून घेत मध्यस्थी केली आणि गैरसमज दूर केल्याने हा वाद लगेचच निवळला.
या घटनेनंतर खबरदारीचा उपाय म्हणून पोलिस प्रशासनाने मतदान केंद्राच्या सुरक्षेत वाढ केली आहे. मतदानासाठी येणाऱ्या प्रत्येक मतदाराची चौकशी करूनच त्यांना मतदान केंद्रात प्रवेश दिला जात आहे. तसेच मतदान केंद्राच्या परिसरात अनधिकृतरीत्या कोणीही थांबणार नाही, याची विशेष दक्षता घेतली जात आहे.
Related News
अकोट ब्रेकिंग : मोहरमच्या पार्श्वभूमीवर अकोट ग्रामीण पोलिसांचा रूट मार्च
2026 निवडणूक LIVE: 152 + 234 जागांवर मतदानाचा महासंग्राम, सकाळीच 18.76% मतदान!
गोरेगाव ड्रग्स प्रकरणात मोठा खुलासा; तरुणीच्या जबाबानंतर पोलिसांची धडक कारवाई
Kim Jong Un 99.93% मतांचा कौल, विरोधात फक्त 0.07% मतं; उत्तर कोरियाची निवडणूक चर्चेत
कायदा व सुव्यवस्था अबाधित ठेवून सण उत्सव साजरे करा – ठाणेदार प्रकाश झोडगे
उद्या मतदान : 12 जिल्हा परिषद व 125 पंचायत समित्यांमध्ये सुरक्षित आणि प्रभावी निवडणूक!
बोटावरील शाई हेच लोकशाहीचे सन्मानचिन्ह; राष्ट्रीय मतदार दिनी पंतप्रधान Modiचा मोठा संदेश
Major Change in ZP Elections : 5 फेब्रुवारीपासून इंडिलेबल शाई वापरली जाणार!
Uddhav Thackeray in Trouble ! महाराष्ट्र निवडणूक २०२६ मध्ये 4 धक्कादायक घडामोडी
अकोला महापालिका निवडणूक: आमदार अमोल मिटकरी यांचा निवडणूक आयोगावर टीका
2026 बोटावरील शाई पुसली गेली, voting चा गोंधळ उभा: राजकीय संघटना संतप्त, मतदार चिंतेत
पोलिस प्रशासनाने स्पष्ट केले आहे की, हा वाद अत्यंत किरकोळ स्वरूपाचा होता आणि कोणताही गंभीर प्रकार घडलेला नाही. सध्या संबंधित मतदान केंद्रावर पूर्णतः शांततेत आणि सुरळीतपणे मतदान प्रक्रिया सुरू आहे. मतदारांनी कोणत्याही अफवांवर विश्वास न ठेवता निर्भयपणे मतदानाचा हक्क बजावावा, असे आवाहनही पोलिसांकडून करण्यात आले आहे.
“मतदान केंद्रावर झालेला वाद हा किरकोळ स्वरूपाचा होता. पोलिसांनी तात्काळ मध्यस्थी केल्याने परिस्थिती नियंत्रणात आली. सध्या मतदान प्रक्रिया शांततेत सुरू असून कायदा व सुव्यवस्थेची परिस्थिती पूर्णतः नियंत्रणात आहे.”
सुदर्शन पाटील, उपविभागीय पोलीस अधिकारी, अकोला
