यवतमाळ जिल्ह्यातील यवतमाळ मधील आर्णी परिसरात अमली पदार्थांच्या तस्करीविरोधात पोलिसांनी मोठी कारवाई करत एक मोठे रॅकेट उघडकीस आणले आहे. नागपूर-तुळजापूर महामार्गावर सुकळी फाट्याजवळील धाब्यावर छापा टाकून सुमारे ३० किलो ड्रग्ज बनविण्याचे पावडर आणि एम.डी. (मेफेड्रोन) जप्त करण्यात आले. या कारवाईमुळे संपूर्ण जिल्ह्यात खळबळ उडाली आहे.
मिळालेल्या माहितीनुसार, स्थानिक गुन्हे शाखेला काही दिवसांपूर्वी गोपनीय माहिती मिळाली होती की महामार्गालगत असलेल्या एका धाब्यावर मोठ्या प्रमाणात अमली पदार्थांचा साठा करून त्यांची विक्री केली जात आहे. या माहितीची खातरजमा केल्यानंतर स्थानिक गुन्हे शाखा (LCB) आणि आर्णी पोलिसांनी बुधवारी सायंकाळी सुमारे चार वाजताच्या सुमारास सापळा रचत संयुक्त कारवाई केली. Nayara Energyच्या ‘नायरा पेट्रोल पंपा’जवळील धाब्यावर टाकलेल्या या छाप्यात पोलिसांना दीड पोते, म्हणजेच अंदाजे २५ ते ३० किलो संशयास्पद पावडर आणि एम.डी. ड्रग्ज आढळून आले.
जप्त करण्यात आलेला पदार्थ नेमका कोणता आहे, याची खात्री करण्यासाठी फॉरेन्सिक पथकाला घटनास्थळी बोलावण्यात आले. रात्री उशिरापर्यंत तांत्रिक तपासणी सुरू होती. प्राथमिक अंदाजानुसार हा साठा ड्रग्ज निर्मितीसाठी वापरला जाणारा असल्याची शक्यता व्यक्त केली जात आहे. या प्रकरणाचा तपास पुढे जात असताना आंतरराज्य स्तरावर कार्यरत असलेल्या ड्रग्ज रॅकेटचा धागादोरा मिळण्याचीही शक्यता पोलिसांकडून वर्तवली जात आहे.
Related News
सलमान खानला अटक होणार ? ‘केशर’ प्रकरणातील कायदेशीर झळा
आर्णी बसस्थानकात पाकिटमारी; प्रवाशाचे ९७०० रुपये उडवणारा भामटा २४ तासात पोलिसांच्या जाळ्यात
देशी पिस्टलसह आरोपी अटक; वाशिम पोलीसांची धडक कारवाई
स्थानिक गुन्हे शाखेकडून मोठी कारवाई : 6 लाख 69 हजार 202 रुपयांचा चोरीचा मुद्देमाल जप्त
मांजाने युवकाचा गळा चिरला; दुचाकीस्वार गंभीर जखमी
Mumbaiतील हाय प्रोफाइल सेक्स रॅकेट उघड; एका रात्री 2 लाख रेटसाठी मॉडेलचा सौदा
पाचुंदा येथील दुहेरी महिला हत्याकांडातील दोन आरोपींना अवघ्या 12 तासांत अटक
रिसोड पोलिसांचा धडाका: 18–20 लाखांचा ड्रग्स व बनावट नोटांचा माल जप्त
अक्षय नागलकर हत्या प्रकरण: अकोला गुन्हे शाखेकडून 4 नवीन आरोपींना अटक
हिवरखेड पोलिसांची मोठी कारवाई: इंदिरानगरमधून धारदार शस्त्रसाठा जप्त,1अटक
मध्यप्रदेशच्या वॉन्टेड आरोपीला अकोला स्थानिक गुन्हे शाखेने केली अटक!
दरम्यान, सुमारे चार महिन्यांपूर्वी नगर परिषदेचे आरोग्य सभापती अनवर पठाण यांनी शहरात अवैध ड्रग्ज विक्री होत असल्याची लेखी तक्रार पोलिसांकडे केली होती. या तक्रारीची गंभीर दखल घेत ठाणेदार सुरटकर आणि स्थानिक गुन्हे शाखेच्या पथकाने नियोजनबद्ध पद्धतीने ही कारवाई पार पाडली. पोलिसांनी धाबा चालकाला ताब्यात घेतले असून त्याची चौकशी सुरू आहे.
या घटनेमुळे आर्णी परिसरात अमली पदार्थांचे जाळे किती खोलवर रुजले आहे, याबाबत चिंता व्यक्त केली जात आहे. पोलिसांनी पुढील तपास सुरू ठेवत पुरवठा साखळी, संबंधित आरोपी आणि संभाव्य नेटवर्क यांचा शोध घेण्यावर भर दिला आहे.
