ऑनलाईन लग्नपत्रिका उघडताच एका व्यक्तीचे
हजारो रुपये बँक खात्यातून गायब झाले आहेत.
असा प्रकार या गावातील अनेकांसोबत घडल्याची माहिती मिळत आहे.
सायबर फसवणूकीचा हा नवा प्रकार आहे.
गांधीनगर: आजच्या काळात सर्वच कार्यक्रमांचे आमंत्रण ऑनलाईन पाठवण्यात येतात.
लग्नही त्याला अपवाद नाही. आपल्या नातलगांनी अथवा मित्र परिवाराकडून
आलेली लग्नपत्रिका आपण आनंदाने डाऊनलोड करतो.
मात्र याच लग्नपत्रिकेतून सायबर फसवणूक झाल्याची घटना समोर आली आहे.
गुजरातमधील राजकोट येथे एका व्यक्तीचे ऑनलाईन लग्न पत्रिका ओपन करताच
हजारो रुपये बँक खात्यातून गायब झाले आहेत. नेमकं काय झाले हे जाणून घेऊया.
नेमके प्रकरण काय?
राजकोटमधील कोलीथड या गावातील रियाझसोबत सायबर फसवणूक झाली.
१४ फेब्रुवारीला त्यांच्या फोनवर नातेवाई ईशान यांने मेसेज केला की लग्नाला नक्की या,
त्यासोबत एक पीडीएफ फाईल पाठवली.रिजाय आनंदित झाले. त्यांनी लग्नपत्रिका डाऊनलोड केली आणि त्यांची फसवणूक झाली.
फाईल डाऊनलोड करताच त्यांच्या फोनचे नियंत्रण सायबर हॅकर्सकडे गेले. सुरुवातीला १ रुपये कापले गेले.
नंतर हळूहळू खात्यातील ७५ हजार रुपये गायब झाले. जेव्हा रियाझ यांना काही कळाले तेव्हा सर्व पैसे दुसऱ्याच्या खात्यात ट्रान्सफर झाले होते.
एकटा रियाझ नाही तर अनेकांना गंडा
ही फसवणूक केवळ रियाझ यांच्यासोबत झाली नाही तर त्यांच्याच गावातील रहिवासी असलेले शैलेश भाई यांच्यासोबतही झाली.
शैलश हे शेतकरी आहेत. त्यांनाही अशाच प्रकारे लग्नाचे आमंत्रण आले. त्यांनीही फाइल डाऊनलोड केली.
आणि पाहता पाहता त्यांच्या खात्यातून तब्बल २४ हजार रुपये गायब झाले.
सध्या या दोघांसोबत झालेल्या प्रकाराचा तपास केला जात आहे.
मात्र या प्रकारामुळे लग्नाच्या आमंत्रणालाच लुटीचे एक साधन म्हणून सायबर हॅकर्स वापर करत आहे.
हा प्रकार फक्त कोलीथड गावात झाला नाही तर राजकोट जिल्ह्यातीलच वेजागाम गावातही १० लोकांचा फोन हॅक झाले आहेत.
गावाचे सरपंच जीतू यांचा मोबाईल पहिल्यांदा हॅक झाला त्यानंतर त्यांच्यांशी संपर्कात आलेल्या इतर लोकांचे मोबाईल हॅक झाले.
त्यांनी त्वरीत बँकेशी संपर्क साधला आणि खाते ब्लॉक केले. त्यामुळे त्यांचे लाखोंचे नुकसान टाळता आले.
More news here click on link
