• २ एप्रिलपासून अनेक देशांवर कर लादण्याची ट्रम्पची धमकी
• २३ अब्ज डॉलर्सच्या वस्तूंवरील कर कमी करण्याचा भारताचा विचार
• अमेरिकेला होणारी $६६ अब्जची निर्यात वाचवण्याचा सरकारचा उद्देश आहे

नवी दिल्ली : अमेरिकेचे राष्ट्राध्यक्ष डोनाल्ड ट्रम्प यांनी आधीच २ एप्रिलपासून भारतासह जगातील

बहुतेक देशांवर परस्पर शुल्क (रेसिप्रोकल टॅरिफ) लादण्याचा इशारा दिला आहे.

जसजशी ही तारीख जवळ येत आहे तसतशी गुंतवणूकदारांची धाकधूकही वाढत आहे.

अमेरिकेच्या सत्तेवर कमबॅक केल्यापासून ट्रम्प यांनी एकामोगामाग एक टॅरिफच्या निर्णयांचा धडाका लावला आहे.

या दरम्यान, एका अहवालानुसार भारतातील मोदी सरकारने अमेरिकेच्या टॅरिफ अस्त्राचा तोड काढला आहे,

असे म्हटले जात आहे.PM मोदींनी ‘ट्रम्प कार्ड’वर उपाय शोधला

रॉयटर्सच्या वृत्तानुसार भारत अमेरिकेतून येणाऱ्या २३ अब्ज डॉलर्सच्या वस्तूंवरील शुल्क कमी करण्याचा विचार करत आहे.

सूत्रांचा हवाला देऊन अहवालात म्हटले आहे की यामागे उद्दिष्ट $६६ अब्ज किमतीचा निर्यात वाचवण्याचा आहे.

चीननंतर अमेरिका भारताचा दुसरा सर्वात मोठा व्यापारी भागीदार आहे आणि भारत

कोणत्याही किंमतीत या भागीदारीला सुरुंग लावू इच्छित नाही.

अशा स्थितीत, पंतप्रधान मोदींच्या अमेरिका दौऱ्यानंतर आता दोन्ही देशांमध्ये व्यापार करारावर चर्चा सुरू आहे.

भारत-अमेरिका व्यापार करारावर चर्चा

या कराराच्या पहिल्या टप्प्यात अमेरिकेतून येणाऱ्या अर्ध्याहून अधिक वस्तूंवरील शुल्क कमी करण्यास

भारत तयार असल्याची माहिती सूत्रांनी दिली. ही कपात गेल्या अनेक वर्षांतील सर्वात मोठी असेल.

ट्रम्प यांनी लादलेले प्रत्युत्तरात्मक शुल्क टाळण्याचा सरकारचा उद्देश असून यामुळे जगभरातील

बाजारांमध्ये गोंधळ उडाला आणि पाश्चात्य देशांमधील धोरणकर्तेही धास्तावले आहेत.

एका विश्लेषणानुसार, ट्रम्प यांच्या प्रत्युत्तरात्मक शुल्कामुळे भारताच्या अमेरिकेला

होणाऱ्या $६६ अब्ज निर्यातीपैकी ८७% निर्यातीवर परिणाम होईल.

अमेरिकी वस्तूंवर टॅक्स कमी करणार भारत

या करारानुसार भारताने अमेरिकेतून आयात होणाऱ्या ५५% वस्तूंवरील कर कमी

करण्यास सहमती दर्शवली असून सध्या, या वस्तूंवर ५% ते ३०% पर्यंत शुल्क आकारले जाते.

२३ अब्ज डॉलर्सपेक्षा जास्त किमतीच्या अमेरिकन वस्तूंवरील शुल्क लक्षणीयरीत्या

कमी करण्यास किंवा पूर्णपणे रद्द करण्यास भारत तयार आहे, असे सूत्रांनी सांगितले.

फेब्रुवारीमध्ये अमेरिका दौऱ्यादरम्यान पंतप्रधान नरेंद्र मोदींनी व्यापार करारावर वाटाघाटी

सुरू करण्यास आणि चालू टॅरिफ वादाचे निराकरण करण्यास सहमती दर्शविली होती.

भारताला २ एप्रिलपूर्वी करार करायचा असून अमेरिकेचे सहाय्यक व्यापार प्रतिनिधी ब्रेंडन लिंच

मंगळवारपासून व्यापार चर्चेसाठी अधिकाऱ्यांच्या शिष्टमंडळासह भारताच्या दौऱ्यावर आले आहेत.