वाशिम शहरातील सिव्हिल लाईन परिसरात असलेल्या महावितरणच्या विद्युत भवन कार्यालयाच्या कंपाऊंडमध्ये करण्यात आलेल्या डांबरीकरणाच्या कामाच्या दर्जाबाबत तक्रारी समोर आल्या होत्या. या कामात निकृष्ट साहित्याचा वापर झाल्याचा आरोप स्थानिक नागरिकांकडून करण्यात आला होता. संबंधित रस्त्याचे डांबरीकरण झाल्यानंतर अवघ्या काही दिवसांतच रस्ता उखडणे, चिखल निर्माण होणे व खड्डे पडणे अशी स्थिती निर्माण झाली होती. यामुळे परिसरातील नागरिकांना ये-जा करताना अडचणींचा सामना करावा लागत होता.
या पार्श्वभूमीवर अजिंक्य भारत न्यूजने या विषयाकडे लक्ष वेधत वास्तव स्थिती पुराव्यांसह जनतेसमोर मांडली होती. या वृत्तानंतर सिव्हिल विभागाने संबंधित कामाची दखल घेतली असून, निकृष्ट ठरलेल्या रस्त्याच्या दुरुस्तीचे काम सुरू करण्यात आले आहे. अधिकृत सूत्रांनी दिलेल्या माहितीनुसार, सदर कामाची तांत्रिक तपासणी करण्यात येत असून आवश्यक सुधारणा करण्याच्या सूचना देण्यात आल्या आहेत. दरम्यान, या प्रकरणात निकृष्ट कामासाठी जबाबदार असलेल्या कंत्राटदार किंवा संबंधित अधिकाऱ्यांवर कारवाई होणार का, याकडे नागरिकांचे लक्ष लागले आहे.
केवळ दुरुस्ती करून प्रकरण संपवले जाणार की कामाच्या गुणवत्तेबाबत चौकशी होणार, याबाबत अद्याप अधिकृत भूमिका स्पष्ट करण्यात आलेली नाही. स्थानिक नागरिकांनी प्रशासनाकडे कामाच्या गुणवत्तेबाबत पारदर्शक चौकशी करून दोषींवर योग्य ती कारवाई करण्याची मागणी केली आहे. अजिंक्य भारत न्यूज या प्रकरणाचा पुढील पाठपुरावा करत राहणार असून, प्रशासनाकडून मिळणाऱ्या अधिकृत माहितीनुसार जनतेला माहिती देणार आहे.
Related News
Thane-घोडबंदर रोडवर भयानक अपघात, तब्बल 14 वाहनं एकमेकांवर धडकली
जल जीवन मिशन’च्या कामामुळे तुलंगा खुर्दचे रस्ते उद्ध्वस्त; ग्रामस्थांचा आमरण उपोषणाचा इशारा
पाचुंदा येथील दुहेरी महिला हत्याकांडातील दोन आरोपींना अवघ्या 12 तासांत अटक
बाळापुरच्या मुख्य रस्त्यावर पडलेला खड्डा अखेर बुजविला
250 हून अधिक जनावरांना दिल्या लसी , विवरा पशुवैद्यकीय विभागाचा पुढाकार
शिंदे सेना हादरली! मेहकर तालुक्यातील 7 प्रमुख पदाधिकाऱ्यांचा उद्धव ठाकरे गटात प्रवेश
