प्रवर्तन संचालनालयाने (ED) सोमवारी मोठी कारवाई करत दिवंगत अंडरवर्ल्ड डॉन इक्बाल मिर्ची आणि त्याच्या कुटुंबाविरोधात मोठा फास आवळला आहे. फरार आर्थिक गुन्हेगार कायद्यांतर्गत ईडीच्या मुंबई विभागीय कार्यालयाने सुमारे 700.27 कोटी रुपयांच्या स्थावर मालमत्ता तात्पुरत्या स्वरूपात जप्त केल्या आहेत. यामध्ये मुंबईतील वरळी भागातील तीन आलिशान इमारती आणि दुबईतील 14 रिअल इस्टेट मालमत्तांचा समावेश आहे. ही कारवाई मिर्ची कुटुंबासाठी मोठा धक्का मानली जात आहे.
ईडीच्या माहितीनुसार, जप्त करण्यात आलेल्या मालमत्तांमध्ये वरळीतील ‘राबिया मॅन्शन’, ‘मरियम लॉज’ आणि ‘सी व्ह्यू’ या तीन प्रमुख इमारतींचा समावेश आहे. या मालमत्तांची किंमत सुमारे 497 कोटी रुपये असल्याचे सांगितले जात आहे. याशिवाय दुबईतील ‘हॉटेल मिडवेस्ट अपार्टमेंट’सह 14 रिअल इस्टेट युनिट्सही जप्त करण्यात आले आहेत, ज्यांची किंमत अंदाजे 203.27 कोटी रुपये आहे. या सर्व मालमत्ता इक्बाल मिर्चीचा मुलगा आसिफ मेमन आणि त्याच्या कुटुंबीयांच्या नावावर होत्या.
इक्बाल मोहम्मद मेमन उर्फ इक्बाल मिर्चीविरोधात मुंबई पोलिसांनी 1994 मध्ये मरीन ड्राईव्ह, यलो गेट, भायखळा आणि अंमली पदार्थविरोधी पथकात अनेक गुन्हे दाखल केले होते. याच प्रकरणांच्या आधारे ईडीने मनी लॉन्ड्रिंगचा तपास सुरू केला. तपासात असे समोर आले की, मिर्चीने ड्रग्ज तस्करी, खंडणी आणि बेकायदेशीर शस्त्रांच्या व्यापारातून मोठ्या प्रमाणात काळा पैसा कमावला होता. हा पैसा त्याने आपल्या कुटुंबीयांच्या आणि विविध कंपन्यांच्या नावावर रिअल इस्टेटमध्ये गुंतवला होता.
Related News
Manoj Jarange Patil च्या मुंबई आंदोलनासाठी 5 हजारांची परवानगी मागितली; आझाद मैदानावर उपोषणाची तयारी
‘Madhuri’ची अखेर घरवापसी! कोल्हापुरात परतताच अनंत अंबानी ‘X’वर ट्रेंड
मनोज जरांगेंच्या मुंबई आंदोलनावर सरकारची पहिली प्रतिक्रिया; बावनकुळेंनी स्पष्ट केली भूमिका!
क्राकाटाऊ ज्वालामुखीजवळ गेलेली स्पीडबोट बेपत्ता; 5 पत्रकारांसह 8 जणांचा शोध सुरू
6 खासदारांच्या फुटीनंतर ठाकरे गटाचा मोठा डाव; 2029 साठी 40 लोकसभा मतदारसंघांत संपर्कप्रमुखांची नियुक्ती
तुमच्या आधारवर दुसऱ्याने सिमकार्ड घेतलंय का? घरबसल्या असा करा तपास!
मुंबईकरांच्या खिशाला महागाईचा डबल झटका! दूध आणि ऑटो-टॅक्सी प्रवास महागणार
Mumbai : मुंबईत हुंडा छळाच्या तक्रारी वाढल्या; 5.7% वाढ, मात्र हुंडाबळी आणि आत्महत्यांमध्ये मोठी घट
विलेपार्लेत 16 वर्षीय विद्यार्थिनीसोबत शिक्षकाचं धक्कादायक कृत्य; 47 वर्षीय शिक्षकाला अटक
तुकाराम मुंढेंचा मोठा दणका! टॉयलेटजवळ भाजी, काळे पडलेले पनीर; हॉटेलवर थेट कारवाई
‘माज, दादागिरी तुमच्या राज्यात’; मराठीला विरोध करणाऱ्यांवर पुष्कर जोग भडकला
मुंबईची ‘BEST’ सेवा संकटात? 2016 पासूनच्या वेतन करारांसह 7 मागण्यांसाठी बेमुदत आंदोलन; मुंबईकरांची चिंता वाढली
1986 मध्ये वरळीतील या मालमत्ता ‘सर मोहम्मद युसूफ ट्रस्ट’कडून अवघ्या 6.50 लाख रुपयांना खरेदी करण्यात आल्या होत्या. कागदपत्रांमध्ये मालकी हक्क ट्रस्टचा दाखवण्यात आला होता, मात्र प्रत्यक्ष नियंत्रण मिर्ची कुटुंबाकडेच होते. ईडीने असा दावाही केला आहे की, यापूर्वी न्यायालयाची दिशाभूल करून या मालमत्ता सोडवून घेण्यात आल्या होत्या. आसिफ मेमन, जुनैद मेमन आणि हाजरा मेमन यांना यापूर्वीच न्यायालयाने फरार आर्थिक गुन्हेगार घोषित केले आहे.
