येथील ज्यूबिली इंग्लिश स्कूल, मूर्तिजापूर येथे आयोजित क्रीडा सप्ताहाचा बक्षीस वितरण समारंभ मोठ्या उत्साहात पार पडला. कार्यक्रमास प्रमुख पाहुणे म्हणून नवनिर्वाचित नगरसेवक पंकज कांबे आणि राजेंद्र भटकर उपस्थित होते, तर कार्यक्रमाच्या अध्यक्षस्थानी शाळेचे प्राचार्य श्री. प्रशांत भारती होते. यावेळी वरिष्ठ शिक्षिका सौ. खाणझोडे आणि सौ. तायडे मंचावर उपस्थित होत्या.
क्रीडा सप्ताहादरम्यान कबड्डी, खो-खो, व्हॉलीबॉल, धावणे, उंच उडी, लांब उडी आणि गोळाफेक अशा विविध क्रीडा स्पर्धांचे आयोजन करण्यात आले होते. या स्पर्धांमध्ये विद्यार्थ्यांनी मोठ्या संख्येने सहभाग नोंदवत आपले उत्कृष्ट क्रीडाकौशल्य दाखवून दिले. स्पर्धांमुळे शाळेच्या परिसरात उत्साहाचे वातावरण निर्माण झाले होते.
बक्षीस वितरण समारंभात प्रमुख पाहुण्यांच्या हस्ते विविध स्पर्धांतील विजेत्या खेळाडूंना चषक, पदके आणि प्रमाणपत्रे प्रदान करण्यात आली. विद्यार्थ्यांच्या कामगिरीचे उपस्थितांनी जोरदार कौतुक केले. मार्गदर्शन करताना प्रमुख पाहुण्यांनी सांगितले की, क्रीडा उपक्रमांमुळे विद्यार्थ्यांचा शारीरिक आणि मानसिक विकास होतो. तसेच शिस्त, संघभावना आणि नेतृत्वगुण विकसित होण्यास मदत होते, असेही त्यांनी नमूद केले.
Related News
पातुर येथील हाजी सैय्यद अकबर उर्दू हायस्कूलमध्ये प्रजासत्ताक दिन उत्साहात साजरा
स्व. गुलाबरावजी बांबल विद्यालयात प्रजासत्ताक दिनानिमित्त संविधानाचे महत्त्व कार्यक्रम
लोहारी खुर्द येथे त्रिदिवसीय प्रजासत्ताक सोहळा उत्साहात संपन्न
बोरगाव मंजू जि.प. शाळा मुख्याध्यापक साहेबराव मोरडे यांचा भावपूर्ण निरोप व सत्कार
महात्मा गांधी कनिष्ठ महाविद्यालयात पत्रकार दिनाचे आयोजन व सत्कार
मैत्रीचा महाकुंभ : ३० वर्षांनंतर शेंदुर्जनमध्ये शाळा भरली; परदेशातूनही मित्र उपस्थित
लोहारी खुर्दमध्ये महापरिनिर्वाण दिन साजरा
स्वराचा दणकट विजय! विद्यार्थ्यांसाठी ठरली प्रेरणादायी कहाणी
उद्धव Thackerayचा 1 मोठा इशारा
विद्यार्थ्यांच्या विकासासाठी निंबा विद्यालयात पालक सभा आयोजित
यावेळी राजेंद्र भटकर यांनी वऱ्हाडी कवितेद्वारे विद्यार्थ्यांना व्यसनमुक्तीचा संदेश देत क्रीडा आणि निरोगी जीवनशैलीचे महत्त्व अधोरेखित केले. त्यांच्या कवितेला विद्यार्थ्यांकडून उत्स्फूर्त प्रतिसाद मिळाला.
कार्यक्रमाचे सूत्रसंचालन कु. कोमल भारतवाज यांनी केले, तर आभार प्रदर्शन सौ. पूनम गवारे यांनी मानले. क्रीडा सप्ताह आणि बक्षीस वितरण समारंभ यशस्वीपणे पार पाडण्यासाठी सर्व शिक्षक व शिक्षकेतर कर्मचाऱ्यांनी परिश्रम घेतले. या उपक्रमामुळे विद्यार्थ्यांमध्ये क्रीडाप्रती आवड वाढण्यास आणि सर्वांगीण विकासाला चालना मिळण्यास मदत होणार असल्याचा विश्वास यावेळी व्यक्त करण्यात आला.
