नागपूर : फसवणुकीची रक्कम परत मिळवून देण्यासाठी ब्लॅकमेल करून सायबर गुन्हेगारांनी औषध विक्रेत्या महिलेचे बँक खाते, एटीएम व सिमकार्डचा वापर केल्याची माहिती समोर आली आहे.
या घटनेने नागपूर पोलिसांमध्ये खळबळ उडाली आहे. याप्रकरणी अजनी पोलिसांनी जेम्स व जॉन जलालुद्दीन या दोघांविरुद्ध फसवणूक व माहिती तंत्रज्ञान कायद्यान्वये गुन्हा दाखल केला.
५२वर्षीय महिलेच्या तक्रारीवरुन हा गुन्हा दाखल करण्यात आला.
Related News
हवामान खात्याचा ‘हायअलर्ट’; १८ जुलैपर्यंत राज्यात मुसळधार
आंध्र प्रदेशचे माजी मुख्यमंत्री जगन मोहन रेड्डी यांच्यावर खुनाचा प्रयत्न केल्याचा गुन्हा दाखल
माजी सैनिकांसाठी आता आरोग्य उपचार योजना.
अखेर दीक्षाभूमीवरील अंडरग्राऊंड पार्किंगच्या कामाला स्थगिती!
दोन दिवसीय Export वर आधारित कार्यशाळेचे आयोजन
नागपूर हादरलं! स्फोटकं बनवणाऱ्या कंपनीत मोठा स्फोट.
पोलिसांकडून मिळालेल्या माहितीनुसार, महिलेचे औषधविक्रीचे दुकान असून, तिचा पती मराठवड्यातील बँक ऑफ बडोद्यात वरिष्ठ व्यवस्थापक आहे.
नोव्हेंबर २०२२मध्ये महिलेला आंतरराष्ट्रीय कॉल आला. तुमचे सोन्याचे पार्सल असून, त्यासाठी ३५ हजार रुपये द्यावे लागतील’, असे सांगण्यात आले.
महिलेने सायबर गुन्हेगाराच्या खात्यात ३५ हजार रुपये जमा केले. त्यानंतर वेळोवेळी गुन्हेगाराने पैशांची मागणी केली.
औषध विक्रेत्या महिलेने एकूण दीड लाख रुपये जमा केले. मात्र, त्यांना सोन्याचे पार्सल मिळाले नाही.
त्यानंतर डिसेंबर महिन्यात विल्यियम पर्सी याने महिलेच्या व्हॉट्सअॅपवर संपर्क साधला.
फसवणूक झालेली रक्कम परत मिळवून देण्याचे आमिष दाखविले.
त्यानंतर त्यानेही महिलेची १२ लाख ७९ हजार रुपयांनी फसवणूक केली. याप्रकरणी सायबर पोलिसांनी गुन्हा दाखल केला.
मार्च २०२३मध्ये स्टार मेकर अॅपवर महिलेची जेम्स याच्यासोबत ओळख झाली.
महिलेने जेम्सला फसवणूक झाल्याची माहिती दिली. त्यानेही पैसे परत मिळवून देण्याचे आमिष दाखविले. त्यानंतर दोघे सतत व्हॉट्सअॅपवर चॅट करायला लागले.
एटीएम अडकल्याने माझा पगार थांबवला आहे. तुमचे एटीएम व सिमकार्ड द्या, मी तुम्हाला मदत करेल’, असे आमिष जेम्सने दाखविले.
महिलेने नवीन सीमकार्ड खरेदी करून बेस्यातील स्टेट बँक ऑफ इंडियात खाते उघडले.
नंतर महिलेने सायबर गुन्हेगाराने दिलेल्या दिल्लीतील पत्त्यावर पॅनकार्ड, आधारकार्ड, एटीएम कार्ड, सिमकार्ड व दोन छायाचित्रे पाठविली.
याचा वापर करून जेम्स व जॉन जलालुद्दीन या दोघांनी सायबर फसवणुकीची रक्कम महिलेच्या बँक खात्यात जमा करून ती अन्यत्र वळवली.
असा उघडकीस आला गैरवापर
महिलेला १ एप्रिल रोजी बेंगळुरू पोलिसांनी पोलिस ठाण्यात हजर राहण्याची नोटीस बजावली. त्यामुळे महिला घाबरली. त्यानंतर ती बेंगळुरू पोलिस ठाण्यात गेली.
जेम्सने अशाचप्रकारे अनेक महिला व पुरुषांच्या खात्याचा वापर करून फसवणुकीचा पैसा त्यांच्या खात्यात जमा करून काढल्याचे महिलेला कळाले.
महिलेने अलीकडेच अजनी पोलिस ठाण्यात झालेल्या जनता दरबारात पोलिस सहआयुक्त अस्वती दोरजे यांच्याकडे तक्रार केली.
दोरजे यांच्या आदेशानंतर अजनी पोलिसांनी गुन्हा दाखल केला.
