राजकीय वर्तुळात खळबळ

या घटनेमुळे तमिळनाडूच्या राजकारणात मोठी खळबळ उडाली आहे. विरोधी पक्षांनी निवडणूक प्रक्रियेवर गंभीर प्रश्न उपस्थित करत सरकारवर निशाणा साधला आहे. काही पक्षांनी संपूर्ण मतदान प्रक्रियेचे ऑडिट करण्याची मागणी केली आहे.

दरम्यान, मुख्यमंत्री विजय यांच्या नेतृत्वाखालील नव्या सरकारसमोर हे पहिले मोठे आव्हान मानले जात आहे. अभिनेता ते मुख्यमंत्री असा प्रवास करणाऱ्या विजय यांनी नुकतेच राज्याची सूत्रे हाती घेतली आहेत. गृहखाते स्वतःकडे ठेवत त्यांनी प्रशासनावर थेट नियंत्रण ठेवण्याचा निर्णय घेतला आहे.

विजय यांनी स्वतःकडे ठेवली महत्त्वाची खाती

तमिळनाडू सरकारच्या खातेवाटपानुसार मुख्यमंत्री विजय यांनी गृह, सामान्य प्रशासन, पोलिस, महिला व युवक कल्याण, बालकल्याण, वृद्ध आणि दिव्यांग कल्याण, नगरपालिका प्रशासन आणि नागरी पाणीपुरवठा यांसारखी महत्त्वाची खाती स्वतःकडे ठेवली आहेत.

राज्यपाल राजेंद्र आर्लेकर यांनी मंत्रिमंडळाच्या खातेवाटपाला मंजुरी दिल्यानंतर ही माहिती अधिकृतपणे जाहीर करण्यात आली. विजय यांच्या मंत्रिमंडळात एकूण 10 मंत्र्यांचा समावेश आहे. ज्येष्ठ नेते के. ए. सेनगोट्टैयन यांच्याकडे अर्थ खात्याची जबाबदारी देण्यात आली आहे.

राजकीय विश्लेषकांच्या मते, गृहखाते स्वतःकडे ठेवून विजय यांनी प्रशासनावर मजबूत पकड ठेवण्याचा प्रयत्न केला आहे. मात्र, विदेशी मतदान प्रकरणामुळे आता त्यांच्या सरकारच्या कार्यक्षमतेची पहिली मोठी परीक्षा पाहायला मिळणार आहे.

सुरक्षा यंत्रणांवरही प्रश्न

या प्रकरणामुळे मतदार यादी पडताळणी प्रक्रिया, स्थानिक प्रशासन आणि सुरक्षा यंत्रणांवरही प्रश्न उपस्थित झाले आहेत. विदेशी नागरिकांना मतदानापर्यंत पोहोचता आलेच कसे, याबाबत चौकशी सुरू झाली आहे.

विशेष म्हणजे, निवडणुकीदरम्यान अत्याधुनिक सुरक्षा व्यवस्था असल्याचा दावा करण्यात आला होता. तरीही विदेशी नागरिक मतदान करण्यात यशस्वी झाले, ही बाब प्रशासनासाठी चिंतेची ठरत आहे.

पुढील कारवाई काय?

पोलिसांनी सर्व आरोपींविरोधात फसवणूक, बनावट कागदपत्रांचा वापर आणि निवडणूक नियमांचे उल्लंघन यांसारख्या कलमांखाली गुन्हे दाखल केले आहेत. संबंधित विदेशी नागरिकांच्या व्हिसा आणि प्रवास नोंदींचीही तपासणी केली जात आहे.

तसेच, या प्रकरणात स्थानिक एजंट किंवा अधिकाऱ्यांचा सहभाग आहे का, याचाही शोध घेतला जात आहे. चौकशी अहवाल आल्यानंतर आणखी काही अटक होण्याची शक्यता व्यक्त केली जात आहे.तमिळनाडूतील या धक्कादायक मतदान घोटाळ्यामुळे देशभरात चर्चेला उधाण आले असून निवडणूक प्रक्रियेच्या सुरक्षिततेबाबत पुन्हा एकदा प्रश्न उपस्थित झाले आहेत.

read also  :  https://ajinkyabharat.com/pbks-vs-rcb-rajat-patidar-out-rcb-big-blow-jitesh-sharmakade-captainpadachi-batsman-responsibility/